ᐃᓅᓯᖅ ᑳᐊᒻᒥᐊᒃᑯᓐᓂ - Life at Calm Air
ᑲᑎᓯᔫᓪᓗᐊᕐᓗᑎᑦ ᓇᓐᕋᕐᓇᖅᑐᓐᓂᒃ ᐃᓅᖃᑎᖕᓂᒃ ᓂᕈᐊᓚᐅᖅᑐᓐᓂᒃ ᑳᐊᒻᒥᐊᑯᓐᓂᒃ ᐱᓕᕇᓐᓇᕈᐊᓕᖅᑐᓐᓂᒃ:
ᕼᐃᓚᕆ − ᐃᓄᖕᓂᒃ ᐱᔨᑦᓯᖅᑎ ᑎᖕᒥᓲᒻᒥ
“ᖁᕕᐊᒋᕙᖃ ᐱᓕᕆᐊᕋ ᐱᓕᕆᑎᓪᓗᖓ ᐱᓕᕆᐊᖑᔮᖏᒥᐊᕐᒪᑦ. ᖁᕕᐊᒋᔭᒻᒥᒃ ᐱᓕᕆᓱᕋᒻᒪ, ᓇᓐᕋᕐᓇᖅᑐᓂᒡᓗ ᐱᓕᕆᖃᑎᖃᖅᖢᖓ ᐃᓛᓐᓂᑯᑦ ᐃᓕᑕᖅᓇᖅᑐᓐᓂᒃ ᐃᑭᐅᔪᖃᖅᐸᒃᖢᓐᓂ ᐅᑉᓗᑕᒫᑦ!”
ᑖᐊᓐ − ᐊᖓᔪᖄᒻᒧᑦ ᑐᒡᓕᐅᑉᓗᓐᓂ ᐅᖁᒪᐃᑦᑐᓐᓂᒃ ᐱᓕᕆᔪᑎᓐᓄᑦ ᐊᒻᒪ ᑖᐊᒻᓴᓐᒥ ᑎᖕᒥᓲᖃᕐᕕᐅᑉ ᒥᐊᓂᖅᓯᔨᖓ
“ᐱᓕᕆᒋᐊᓚᐅᖅᐳᖓ ᑳᐊᒻᒥᐊᒃᑯᓐᓂ 1979−ᒥ ᐃᓕᓐᓂᐊᒐᓂᒃᓯᒪᓕᖢᖓ ᖁᑦᑎᒃᑐᒻᒥ. ᑕᐃᑉᓱᒪᓐᓂ ᐊᖏᔪᖅᑕᐅᓚᐅᖅᑐᖅ ᑎᖕᒥᓲᖅ ᒪᕈᓕᐊᓛᖅ. ᐱᒋᐊᕈᑎᖃᓚᐅᖅᐳᖓ ᑎᖕᒥᓲᓕᕆᔨᓐᓂ ᐃᓕᓐᓂᐊᖅᖢᖓ. ᐊᒻᒪ ᑎᖕᒥᓲᖅᑎᓄᑦ ᐃᓱᒪᑕᐅᑉᓗᖓ, ᐃᑯᒪᓕᕆᔨᓐᓂ ᒥᐊᓂᖅᓯᔨᐅᑉᓗᖓ, ᒫᓐᓇᐅᓕᖅ ᐊᖓᔪᖄᖑᑉᓗᖓ ᐅᖁᒪᐃᑐᓕᕆᔨᓐᓂ ᐊᒻᒪ ᑖᐊᒻᓴᓐᒥ ᑎᖕᒥᓲᖃᕐᕕᖕᒥ ᒥᐊᓂᖅᓯᔨᐅᑉᓗᖓ. ᖁᕕᐊᒋᔭᕋ ᐱᓕᕆᐊᒻᓂ ᑳᐊᒻᒥᐊᒃᑯᓐᓂ ᑎᓕᔭᐅᓯᒪᒐᑉᑕ ᐊᓯᖏᓐᓂᒃ ᐊᑐᓕᖅᑎᑕᐅᖁᔭᐅᑉᓗᑕ ᐅᑉᓗᒻᒥ ᖁᓪᓕᐅᓂᓗᖕᓂᕐᒥᒃ ᑎᖕᒥᓲᓕᕆᓂᖅ ᐊ’ᔭᖑᖅᐸᓕᐊᑎᓪᓗᒍ ᓯᓚᕐᔪᐊᕐᒥ. ᐱᓕᕆᖃᑎᖃᕈᑉᑕᓘᓃᑦ ᐅᖅᓱᐊᓘᓯᕕᖕᓂᒃ ᓴᓇᕙᒃᑐᓐᓂᒃ ᑎᖕᒥᓲᒻᒧᑦ ᓈᒻᒪᒋᐊᖃᖅᖢᑎᒃ ATR 72−ᒧᑦ ᐃᑲᔫᓪᓗᐊᓗᓂ ᐊᒻᒪ ᓄᑖᒻᒥᒃ ᑎᖕᒥᓲᒻᒥᒃ ᓂᐅᕕᕐᓂᖕᒥᒃ. ᐊᔪᖏᑎᑕᐅᑎᐊᖅᐳᖓ ᐱᓕᕆᐊᖃᕐᓂᕐᒥᒃ ᐱᓕᕆᖃᑎᖃᕐᓂᕐᒥᒡᓗ ᐊᔪᖏᑐᓐᓂᒃ ᐃᓄᖕᓂᒃ. ᐅᖃᕆᐊᖃᖅᐳᖓ ᐅᑭᐅᑦ ᐊᒥᓲᓕᕋᓗᐊᕐᒪᑕ ᐅᑉᓗᒻᒥ ᓱᓕ ᓂᕆᐅᒃᐸᒃᐳᖓ ᐱᓕᕆᔭᖅᑐᕈᒪᑉᓗᖓ.”