ᑎᒍᒥᐊᒐᐃᑦ - Carry-on Baggage

ᑎᒍᒥᐊᒐᐃᑦ ᒪᓕᒋᐊᖃᖅᐳᑦ ᑳᐊᒻᒥᐊᒃᑯᑦ ᐊᖏᓂᖓᓐᓂᒃ ᐅᖁᒪᐃᓐᓂᖓᓂᒡᓗ ᑭᒡᓕᖃᕈᑎᖏᓐᓂᒃ ᑎᒍᒥᐊᒐᐅᓂᐊᖅᐸᑦ ᐃᑭᐅᔪᒻᒧᑦ ᐃᓂᖃᕈᖕᓇᕐᓗᓂᓗ ᐃᒃᓯᕙᐅᑕᐅᑉ ᐊᑖᓐᓂ ᐅᕙᓘᓃᑦ ᐱᖁᑕᐅᓯᕕᖕᒥ ᖁᓛᓐᓂ. ᐃᑭᓂᐊᖅᑐᖅ ᐅᑯᓂᖓ ᐊᔪᖏᑎᑕᐅᕗᖅ:

ᑎᒍᒥᐊᕈᖕᓇᖅᑕᒥᓄᑦ ᐊᔪᖏᑎᑕᐅᓂᖓ 2 ᐱᖁᑎᖕᓂᒃ
ᐅᖁᒪᐃᓐᓂᖏᑦ ᑲᑎᑕᐅᓯᒪᓗᑎᒃ 20 ᐸᐅᓐᔅ ᐅᖁᒪᐃᓐᓂᖓ
ᐊᖏᓂᖏᑦ ᑲᑎᑕᐅᓯᒪᓗᑎᒃ 10" x 16" x 12" (25ᓯᑎᒡᒥᑐ x 40ᓯᓐᑎᒦᑐ x 30ᓯᓐᑎᒦᑐ)

ᐅᑯᐊ ᑎᒍᒥᐊᒐᐅᔫᓪᓗᐊᖅᑐᑦ: ᑎᑎᖃᐅᓯᕕᒃ ᑎᒍᒥᐊᖃᑦᑕᖅ, ᖃᕆᑕᐅᔭᖅ, ᖁᐃᖏᓕᓴᐅᑎᑦ, ᐊᔨᓕᐅᕈᑎᑦ ᐴᖓ ᐊᓯᖏᓪᓗ. ᐃᓂᖃᑎᐊᕐᓂᖅᐸ ᑐᖁᖅᓯᖅᒪᑎᐊᕐᓗᓂᓗ ᐊᓯᖏᓐ ᓇᒃᓴᒐᐅᑲᓂᕈᖕᓇᖅᐳᓐ ᐅᑯᐊᖑᓗᑎᒃ:

  • ᐊᔨᓕᐅᕈᑎᐊᓛᑦ, ᖁᓕᑦᑕᐃᑦ, ᑎᒍᒥᐊᖃᑦᑕᐃᓪᓗ .
  • ᐃᔅᖢᐊᖅᓴᐅᑕᐅᓯᕕᒃ.
  • ᐊᔭᐅᑉᐱᐊᖅ, ᐅᒃᑯᓯᒃ, ᐃᓅᓕᓴᐅᑎᑦ ᖃᓄᐃᑐᒥᐊᖅ (ᐊᓂᖅᓵᖅᑑᑎᑦ) ᐊᓯᖏᓪᓗ.

ᐃᑭᐅᓂᐊᖅᑐᖅ ᓇᒃᓴᒐᕐᒥᓂᒃ ᐅᖓᑕᐅᑎᓗᐊᕐᓂᖅᐸᑦ ᐊᖏᓂᖏᓐᓂᒃ ᐅᖁᒪᐃᓐᓂᖏᓐᓂᒡᓗ ᑎᒍᒥᐊᒐᕐᓂᒃ, ᐊᑭᓖᑲᓂᖅᓯᓇᕆᐊᖃᖅᐳᖅ.

ᖃᐅᔨᒪᔭᒃᓴᖅ: ᑖᒻᓇ ᐊᑐᖏᑐᖅ ᐊᔪᕈᑎᓕᖕᓄᑦ ᐃᑲᔪᒐᐅᔭᕆᐊᓕᖕᓄᓪᓗ.

ᐊᓯᖏ ᒪᓕᒐᐃᑦ ᐊᒪ ᖃᐅᔨᒪᔪᑎᑦ ᑎᒍᒥᐊᒐᕐᓄᑦ

  • ᖃᐅᔨᒋᐊᕐᓗᑎᑦ ᐅᕗᖓ ᐃᖏᕋᔪᓕᕆᔨᑦ ᑲᓇᑕᒻᒥ ᐊᒻᒪ CATSA ᐃᑭᐊᖅᓯᕕᖏᓐᓄᑦ ᐃᑭᐅᑉᓗᓂ ᓇᒃᓴᕆᐊᖃᖏᑐᑦ ᓱᓇᐅᓂᖏᓐᓂᒃ.
  • ᑎᒍᒥᐊᕐᓂᐊᖅᐸᑎᑦ ᐃᒡᖢᐊᖅᓴᐅᑎᓗᒃᑖᑎᑦ. ᐊᓐᓂᐊᖅᑕᐃᓕᓂᕐᒧᑦ ᐊᑐᕐᓂᐊᖅᑐᑦ ᑲᐴᑎᕋᓗᐃᑦ ᓇᒃᓴᒐᐅᔫᓪᓗᐊᖅᐳᑦ, ᑲᐴᑎᑦ ᒪᑐᖃᑎᐊᕐᓗᑎᒃ,  ᐃᔅᖢᐊᖅᓴᐅᑎᓪᓗ ᑎᑎᖃᒥᒃ ᐃᒡᖢᐊᖅᓴᐃᔨᒻᒥᑦ ᐱᑕᖃᕐᓗᑎᒃ ᐊᑎᖃᖅᑐᒻᒥᒃ ᓇᓂᓗ ᑐᓂᔭᐅᓚᐅᕐᓂᖓᓐᓂᒃ ᑎᑎᕋᖅᓯᒪᑎᐊᕐᓗᓐᓂ.
  • ᓱᓇᒥᐊᑦ ᑮᓇᖃᖅᑐᑦ ᖁᑭᐅᑎᖑᐃᑦ, ᒪᖃᐃᔪᑎᑦ, ᐊᓇᐅᓕᒐᐅᑎᓪᓗ ᐊᖅᓴᕐᓄᑦ, ᓯᐊᕆᔭᐅᑎᑦ ᑎᒍᒥᐊᒐᐅᓂᖅ ᐊᔪᖅᑎᑕᐅᓂᐊᖅᐳᑦ.
  • ᑲᑉᐳᔭᐃᑦ ᓯᒐᓖᑦ ᐳᔪᖅᑐᓪᓗ ᓇᒃᓴᒐᐅᓂᖅ ᕿᔪᖁᑎᓐᓂ ᐊᔪᕐᓂᐊᕐᒪᑕ ᑭᓯᐊᓐᓂ ᐃᓄᖕᒧᑦ ᑎᒍᒥᐊᒐᐅᓗᑎᒃ.
  • ᐋᕿᐅᒪᔭᕆᐊᖃᖅᐳᑎᑦ ᓇᒃᓴᒐᐃᑦ ᖃᒥᑦᑕᕆᐊᖃᕐᓂᐊᕐᒪᑕ (ᖃᕆᑕᐅᔭᐃᑦ, ᐅᖃᓘᑎᕋᓛᑦ) ᖃᐅᔨᓴᒐᐅᑉᕕᖕᒥ. ᑳᐊᒻᒥᐊᒃᑯᑦ ᐸᓯᔭᒃᓴᐅᓚᖏᓚᑦ ᐴᖅᓯᒪᔪᓄᑦ ᐱᖁᑎᓐᓄᑦ ᐅᓯᔭᐅᓂᐊᖅᑐᓐᓄᑦ.

ᐅᖁᒪᐃᑦᑐᑦ ᐃᒃᓯᕙᐅᑕᐅᑉ ᐊᑖᓐᓄᑦ ᐃᓕᔭᕆᐊᓖᑦ, ᐅᕿᓐᓂᖅᓴᓪᓕ ᐃᒃᓯᕙᐅᑕᐅᑉ ᖁᓛᓐᓄᑦ ᐃᓕᔪᖕᓇᖅᖢᑎᒃ. ᐴᖅᓯᒪᔪᑦ ᑐᓂᕈᑕᐅᓂᐊᖅᑐᑦ ᑎᒍᒥᐊᕐᓂᐊᖅᐸᑎᑦ, ᖃᐅᔨᓴᕐᕕᖕᒥ ᑎᓕᔭᐅᔪᖕᓇᕋᕕᑦ ᐴᖏᔭᖁᔭᐅᓗᑎᒃ.