ᐊᓂᖅᓵᖅᑐᕐᓂᖅ ᑳᐊᒻᒥᐊᑯᓐᓂᒃ - Breathe Calm Air

ᐅᕙᖓ ᔪᐊᑕᓐ ᑐᑐᒃ, ᐱᕈᖅᓴᓚᐅᖅᐳᖓ ᑲᖏᖠᓂᕐᒥ, ᓄᓇᕘᒻᒥ.

ᐃᓄᖑᖅᖢᖓ ᐱᕈᖅᓴᑉᓗᖓᓗ ᑕᐃᑲᓐᓂ, ᐅᕙᒍᒻᓂᒃ ᕿᒪᐃᓚᐅᖅᐳᖓ 14−ᓂᒃ ᐅᑭᐅᖃᖅᖢᖓ ᐱᔪᒪᔭᒻᓂᒃ ᐃᓅᓯᒻᓂ ᐊᑐᖅᐸᓕᐊᔪᒪᑉᓗᖓ. ᐊᑖᑕᒐ ᕼᐋᑭᑎᐅᓚᐅᖅᓯᒪᖕᒪᑦ, ᐱᕈᖅᓴᑎᓪᓗᖓ ᑐᓱᒋᓱᓚᐅᖅᐸᕋ ᑎᐊᓐᓇᐃᑐᖑᕈᒪᑉᓗᖓᓗ ᐊᒃᑑᓕᕈᒻᒪ. ᐃᓱᒪᒋᔪᐊᓚᐅᖅᓯᒪᔭᕋ ᕼᐋᑭᑎᖑᕈᒪᑉᓗᖓ NHL ᕼᐋᑭᒃᑎᖏᓐᓂ.

ᐃᓄᐃᑦ ᓄᓇᖓᓐᓂᓯᐅᕐᓗᓐᓂ, ᐃᓅᓯᒻᓂ ᐊᔪᕆᑎᒋᓚᐅᒃᑲᑲ, ᐳᓗᐊᑎᔭᕐᔪᐊᖅᑐᕐᓂᖅ, ᐊᒥᓱᓐᓂ ᓄᓇᓕᑉᑎᖕᓂ ᐊᔪᕈᑕᐅᖕᒪᑦ.

ᓄᑲᕋ ᑎᐊᕋᓐᔅ ᐅᕙᖓᓗ ᐅᑭᐅᓐᓂᒃ ᐱᖓᓱᓐᓂᒃ ᐊᑯᓐᓂᖃᓚᐅᖅᐳᒍᒃ. ᑎᐊᕋᓐᔅ ᐃᓚᒻᒥᓂᒃ ᑲᑎᒪᑎᑦᓯᓚᐅᕐᒪᑦ ᐊᖏᔪᒥᒡᓗ ᐅᖁᒪᐃᒃᓴᖅᑕᓚᐅᖅᐳᖅ ᐃᓅᓯᕐᒥᒃ ᓈᒻᒪᒃᑐᒻᒥᒃ ᐊᑐᖅᑎᑦᓯᓂᓗᒃᖢᓐᓂ.

ᐅᖁᒪᐃᒃᓴᓗᐊᓕᕋᒻᒥ ᐊᔪᓕᓚᐅᖅᐳᖅ. ᐊᓯᖏᑎᑐᑦ ᐅᕙᑉᑎᖕᓄᑦ ᐅᓐᓄᒥᐊᖑᓚᐅᕐᒪᑦ ᐃᒥᓗᕿᐅᔭᖅᖢᑕ.

ᖁᕕᐊᓇᐃᑑᒐᓗᐊᖅ ᑭᓯᐊᓐᓂ ᑎᐊᕋᓐᔅ ᐃᒥᖅᓯᒪᑉᓗᓐᓂ ᓄᓇᑰᕈᑎᑐᕆᐊᓚᐅᕐᒪᑦ. ᓄᖃᖅᑎᑕᐅᑉᓗᓐᓂ ᐃᒥᖅᓯᒪᑉᓗᓐᓂ ᓄᓇᑰᕈᑎᑐᕐᓂᖓᓐᓄᑦ ᐃᖃᖅᑐᒐᒃᓴᖑᖅᑎᑕᐅᕗᖅ. ᐅᖃᓚᐅᕋᒻᒪ ᐊᓯᒥᓂᒃ ᐱᐅᓂᖅᓴᒻᒥᒃ ᑕᑯᑎᑦᓯᔪᒪᑉᓗᓐᓂ ᐊᒃᓱᕈᓚᐅᕐᒪᑦ. ᐃᖃᖅᑐᒐᒃᓴᖑᖅᑎᑕᐅᓂᖓ ᐃᒥᖅᓯᒪᑉᓗᓐᓂ ᐅᖁᒪᐃᓗᐊᕐᒪᑦ ᐃᓅᓯᓂ ᐃᓱᓕᓚᐅᖅᐹ.

ᕼᐋᑭᑎᕐᔪᐊᕐᓂ ᐃᓚᐅᓚᐅᖅᐳᖓ ᐅᑭᐅᓐᓂᒃ 15−ᓂᒃ ᐊᒥᓱᓂᒃᓗ ᐊᐳᖅᓯᑕᓚᐅᖅᐳᒐ ᐃᓅᓯᒻᓂ ᑕᑯᔭᐅᓯᒪᖏᑐᓐᓂᒃ ᑐᓴᒐᐅᓯᒪᖏᑐᓂᒡᓗ ᐊᓯᒻᓄᑦ. ᑕᒪᑯᐊ ᐊᓂᒍᕈᐊᕐᓂᕈᒃᓂ, ᐅᖃᖃᑎᖃᖅᑕᕆᐊᖃᖅᐳᑎᑦ.

ᐊᓯᐊᓐᓂᒃ ᐊᑐᕆᐊᓚᐅᕋᒻᒪ ᐅᓐᓄᐊᖏᓐᓇᖅ ᐋᕿᓚᐅᖏᓚᖅ. ᐅᑭᐅᓐᓂᒃ 7−ᓂᒃ ᐃᒥᐊᓗᖕᒥᒃ ᐊᒃᑐᐃᓕᖏᖅᐳᖓ ᒪᑦᓈᖅᐳᖓᓗ ᐅᕙᒻᓂᒃ ᐃᑲᔪᖅᑐᐃᓚᐅᖅᑐᓐᓂᒃ. ᐅᑉᓗᒻᒥ ᐃᓅᓯᖅ ᐊᑐᓕᒐᕋ ᖁᕕᐊᒋᕙᕋ. ᐃᓛᓐᓂᑯᑦ ᐊᒃᓱᕈᕐᓇᕋᓗᐊᖅᖢᓐᓂ.

ᐊᔪᕐᓇᕋᓗᐊᖅᑎᓪᓗᒍ, ᐅᑉᓗᒻᒥ ᖃᓄᕐᓕ ᐃᓅᓂᐊᖅᐱᑦ ᐃᓄᑕᐅᓕᑲᓂᕈᒪᑉᓗᑎᒃ ᖃᐅᒃᐸᒻᒧᑦ?