ᐅᓂᑉᑲᖅᑐᐊᖅᐳᑦ - Our Story

ᐱᒋᐊᓚᐅᖅᑐᖅ ᐃᓄᐃᑦ ᓄᓇᖓᓐᓂ

ᐃᖃᓕᐊᖅᑎᑦᓯᑉᓗᑎᒃ ᑲᓇᑕᒻᒥ ᖃᖓᑕᓲᖅᑎᖑᓗᑎᒃ. ᑲᐊᒻᒥᐊᒃᑯᑦ ᐱᒋᐊᓚᐅᕐᒪᑕ 1950 ᓇᖕᒥᓂᕆᔭᐅᑉᓗᑎᒃ ᐊᓐᓄᑦ ᐊᒻᒪ ᒋᐅᓪ ᒧᐊᐳᐊᒃᑯᓐᓄᑦ ᐃᖃᓕᐊᕐᕕᖕᒥᒃ ᐱᒋᐊᓚᐅᕐᓗᑎᒃ ᐳᓚᒃ ᑕᓯᖓᓂ, ᓴᔅᑲᓱᐊᓐᒥ. ᖃᖓᑕᓲᑦ ᐊᑐᕐᓂᖏᓐᓂᒃ ᑐᑭᓯᒐᒻᒥ ᒪᖃᐃᑕᕐᕕᖕᓄᑦ ᐊᑐᕐᒪᑕ, ᓚᐃᓴᑖᓕᓚᐅᖅᐳᑦ ᖃᖓᑕᓂᕐᒥᒃ ᒥᑭᔪᒥᒃᓗ ᐊᑕᐅᓯᓕᖕᒥᒃ ᖃᖓᑕᓲᒻᒥᒃ ᓂᐅᕕᕐᓗᓐᓂ. ᐊᑐᓕᖅᑎᓗᒍ 1962 ᑲᐊᒻᒥᐊᒃᑯᑦ ᐊᑐᖅᑐᐊᒐᕐᒥᒃ ᓚᐃᓴᖃᓚᐅᕐᒪᑕ ᖃᓂᖓᓐᓂ ᓱᑐᓐᓂ ᕌᐱᑦᔅ ᐃᓄᖕᓂᒃ ᐱᖁᑎᓂᒃᓗ ᐊᒡᔭᖅᑐᖅᑕᓚᐅᖅᐳᑦ ᐊᒻᒪ ᓄᓇᓖᑦ ᐱᔪᒪᔭᖏᓐᓂᒃ ᐱᔨᑦᓯᖅᓗᑎᒃ. (ᑐᑭᓯᔪᒪᓐᓇᕐᓗᓐᓂ ᑲᐊᒻᐸᓐᓂ ᐊᑎᖓ ᓇᖕᒥᓂᖃᖅᑐᑉ ᐊᑎᖓᓐᓂᒃ ᐊᑐᓚᐅᕐᒪᑦ ᑲᐊᓪ ᐊᓐᓄᑦ ᓗᐊᕋᓐᔅ ᒧᐊᐳᐊᒃᒥᒃ. 1969−ᒥ ᐊᓐᓄᑦ ᐊᒻᒪ ᒋᐅᓪ ᓂᐅᕕᓕᓚᐅᕐᒪᓂᒃ ᓱᑉᑲᐅᑉ ᒪᓂᑐᐸᒥ ᖃᖓᑕᓱᖓᓐᓂᒃ ᓕᓐ ᓚᐃᒃᒥ ᑐᖓᕕᖃᖅᑐᒻᒥᒃ. ᑭᖑᓂᖓᒍᑦ, ᒪᕈᓕᖕᒥᒃ ᐊᑐᕆᐊᓕᓚᐅᖅᐳᑦ ᑲᐊᒻᒥᐊᒃᑯᑦ ᖃᖓᑕᖃᑦᑕᕐᓗᑎᒃ ᒪᓂᑐᐸᒻᒥ. ᓕᓐ ᓚᐃᒃ ᑐᖓᕕᐅᓕᕐᓗᓐᓂ ᒧᐊᐳᐊᒃᑯᓐᓄᑦ ᑲᐊᒻᐸᓂᖏᓐᓄᓪᓗ ᐅᑭᐅᓐᓂᒃ 16ᓂᒃ ᓄᑕᖃᒥᖕᓂᒃ ᐱᕈᖅᓴᐃᑉᓗᑎᒃ ᓇᖕᒥᓂᒥᖓᓪᓗ ᐱᕈᖅᐸᓕᐊᑎᑕᐅᑉᓗᓐᓂ. 1970 ᑕᑯᓐᓇᓚᐅᕐᒪᑕ ᓄᑕᓐᓂᒃ ᖃᐅᔨᒪᖁᑎᓐᓂᒃ ᐊᑐᖅᐸᓕᐊᓕᕐᒪᑕ ᐊᒻᒪ ᐅᔭᕋᒃᑕᕆᐊᓂᒃᓗᓐᓂ ᑕᒪᑯᐊ ᐱᔪᓗᐊᓕᖅᑎᑦᓯᓚᐅᕐᒪᑕ ᖃᖓᑕᓱᓐᓂᒃ ᐊᑐᕐᓂᕐᒥᒃ ᒪᓂᑐᐸᒥ ᑲᐊᒻᒥᐊᒃᑯᓐᓄᑦ.

ᑲᔪᓯᑎᐊᕐᓗᓐᓂ ᖁᒻᒧᐊᒃᐸᓕᐊᑉᓗᓂᓗ

ᑲᐋᒻᒥᐊᒃᑯᑦ ᐱᒋᐊᓚᐅᕐᒪᑕ ᑰᒡᔪᐊᕐᒥ ᐅᒥᐊᕐᔪᐊᖃᖅᑕᕐᓂᖓᓐᓄᑦ 1975-ᒥ. ᖃᖓᐅᓗᐊᖏᖢᓐᓂ ᑲᐋᒻᒥᐊᒃᑯᑦ ᑎᒍᓯᓚᐅᕐᒪᑕ ᑐᕌᓐᓯᐊᑯᑦ ᒪᕈᓕᖓᓐᓂᒃ ᑭᕙᓕᕐᒥ, ᑎᖕᒥᓲᖃᕐᕕᖓᓪᓗ ᓴᓇᔭᐅᓕᕐᓗᓐᓂ ᑲᖏᖠᓂᕐᒥ, ᑕᐃᒪᖓᑦ ᑭᕙᓪᓕᖅ ᓇᖕᒥᓂᖅ ᑎᖕᒥᓲᒻᒥᒃ ᐊᐅᓚᐃᓐᓇᖅᑐᖃᓕᕐᓗᓐᓂ. ᑕᐃᑉᓱᒪᓐᓂ ᑲᐋᒻᒥᐊᒃᑯᑦ ᓂᐅᕕᓕᓚᐅᕐᒪᑕ ᕼᐋᒃᑯ ᓯᑦᓕᒻᒥᒃ 748 ᐊᖏᓂᖅᓴᐅᓕᕐᓗᓐᓂ ᐅᖓᕙᓕᐊᕈᖕᓇᕐᓂᖅᓴᐅᑉᓗᓂᓗ ᐊᒻᒪ ᐅᖁᕐᓂᖅᓴᐅᑉᓗᓐᓂ. ᕼᐋᒃᑯ ᐅᓯᔪᖕᓇᕐᒪᑦ 40−ᓂᒃ ᐱᖁᑎᓂᒃᓗ 12,500 ᐸᐅᓐᔅᓂᒃ ᑯᒡᔪᐊᕐᒥᒃ ᑭᕙᓪᓕᐅᕐᒥᐅᓂᒃᓗ ᐱᔨᑦᓯᕈᖕᓇᖅᓯᓕᓚᐅᖅᐳᑦ ᑲᐋᒻᒥᐊᒃᑯᑦ. ᐱᖁᑎᓐᓂᒃ ᐅᓯᑦᑕᕆᐊᓕᓚᐅᕐᒪᑕ ᑏᓰ 4 ᐊᑐᒐᐅᑉᓗᓐᓂ ᐅᔭᕋᒃᑕᕆᐊᓐᓄᑦ ᑲᓚᑕᓐ ᓚᐃᒃᒧᑦ 1980 ᐊᑐᕆᐊᕐᓂᖏᓐᓂ ᒪᑐᐃᕐᒪᑦ ᐅᔭᕋᒃᑕᕆᐊᑦ, ᐊᕐᕕᐊᑉ ᑭᕙᑖᓐᓂ . ᑲᐋᒻᒥᐊᒃᑯᑦ ᓂᐅᕕᓕᓚᐅᕐᒪᑕ ᒪᕈᖕᓂᒃ ᑏᓰ 4−ᓂᒃ ᐱᖁᑎᓂᒃ ᐅᔭᕋᒃᑕᕆᐊᓐᓄᑦ ᐊᒡᔭᖅᑐᕈᑎᒋᑉᓗᓂᑎᒋᒃ ᑯᒡᔪᐊᕐᒥᑦ. ᐅᔭᕋᒃᑕᕆᐊᑦ ᐅᑯᐊᕋᓗᐊᕐᒪᑕ 1985−ᒥ ᑲᐋᒻᒥᐊᒃᑯᑦ ᐱᕈᖅᐸᓕᐊᑐᐃᓐᓇᓚᐅᖅᐳᑦ. ᑐᒡᓕᐊᖓᓐᓂ 748−ᒥᒃ ᓂᐅᕕᖠᒪᐅᕆᕗᑦ ᑎᖕᒥᓲᖁᑎᖏᑦ ᐃᓚᑉᓗᒋᑦ 1983−ᒥ.

ᑲᑎᑎᑕᐅᓂᖏᑦ ᑲᓇᖕᓇᖅ ᓂᒋᓪᓗ

ᑕᐃᑉᓱᒪᓂᐅᔪᖅ ᑲᐋᒻᒥᐊᒃᑯᑦ ᓯᕗᓕᐅᓚᐅᕐᒪᑕ ᐊᖏᖃᑎᒌᒃᖢᑎᒃ ᑎᑭᑕᕐᓂᖏᓐᓂᒃ ᐸᓯᕕᒃ ᕕᔅᑕᓐ ᖃᖓᑕᓲᖏᓐᓂ ᐊᑎᖃᖅᑎᑕᐅᑉᓗᓐᓂ ᐸᓯᕕᒃ ᕕᔅᑐᓐ ᓯᐱᐊᕆᑦᒥᒃ. ᖃᖓᑕᒋᐊᖅᑕᕐᓂᖓᑦ ᕕᓂᐱᖕᒥᑦ ᐱᒐᔪᒃᑑᑉᓗᑎᒡᓗ ᓄᓇᓕᖕᒧᑦ ᖃᖓᑕᔫᓪᓗᐊᖅᑕᓕᓚᐅᕐᒪᑕ ᑭᕙᓕᕐᒥ, ᒫᓂᑐᐸᒻᒥ ᐊᒻᒪ ᓂᒋᒻᒧᑦ. 1987−ᒥ ᐃᓚᒋᔭᐅᓕᓚᐅᕐᒪᑦ ᑲᓇᐃᑎᐊᑦ ᐃᐊᑯᓐᓄᑦ, ᑲᐊᒻᒥᐊᒃᑯᑦ ᐃᑭᓱᐊᖅᑐᓐᓂᒃ ᑲᒪᑦᑎᐊᕈᖕᓇᓕᓚᐅᖅᐳᑦ ᑲᓇᑕᓗᒃᑖᒻᒧᑦ ᐃᑭᓱᐊᕈᑎᖓᑦ ᐊᕿᒃᓯᒪᓕᕐᓗᓐᓂ. ᑎᖕᒥᓲᖏ ᐃᓚᑲᓂᓚᐅᕐᒪᑕ ᕼᐋᒃᑯ ᓯᑦᓕᓐᓂᒃ ᐊᒻᒪ ᓈᕙᔫᒻᒥᒃ ᐃᑭᒪᓱᐊᖅᑐᑦ ᐃᓄᒋᐊᒃᐸᓕᐊᓂᖏᓐᓄᑦ ᐊᒻᒪ ᐱᖁᑎᑦ ᐅᓯᔭᕆᐊᓖᑦ ᑭᕙᓪᓕᕐᒧᑦ ᐊᒪ ᒫᓂᑑᐸ ᑲᓇᖕᓇᖓᓐᓄᑦ

ᐱᓐᓇᔮᕐᓂᖅᓴᐅᓕᕐᓂᖅ

ᓱᕖᑕᓐᒥ ᓴᓇᔭᐅᓐᓂᑯ ᓴᐋᑉ 340B ᑎᖕᒥᓲᖓᑦ 1994−ᒥ ᑲᐋᒻᒥᐊᑯᑦ ᐱᓐᓇᔮᕐᓇᖅᓂᖅᓴᐅᓕᓚᐅᕐᒪᑕ ᐃᑎᒪᑉᕕᒋᑉᓗᒋᑦ, ᖃᖓᑕᒋᐊᓕᓚᐅᕐᓗᑎᒃᓗ ᔮᓄᐊᕆ 15, 1995 ᕕᓂᐱᖕᒥᑦ, ᓚᐹᐊᓪᒧᑦ, ᕗᓕᓐ ᕗᓚᓐᒧᑦ ᐊᒻᒪ ᑕᐊᒻᓴᓐᒧᑦ. ᑲᐋᒻᒥᐊᒃᑯᑦ ᓯᕗᓪᓕᐅᓚᐅᖅᐳᑦ ᑲᓇᑕᒻᒥ ᓄᑕᒻᒥᒃ ᑎᖕᒥᓲᖃᓕᖅᖢᑎᒃ ᐅᓯᔪᖕᓇᕐᓗᓐᓂ 34−ᓂᒃ ᐃᒃᓯᕙᐅᑕᓕᖕᒥᒃ ᓄᑕᖑᕆᐊᖅᓯᒪᑉᓗᓐᓂ ᖃᖓᑕᓲᖅ. ᓄᖑᐊᓐᓂ 1990 ᑲᐊᒻᒥᐊᒃᑯᑦ ᐊᓐᑎᐊᕆᐅᓪ ᑲᓇᖕᓇᖓᓐᓂ ᐊᒪ ᓴᔅᑲᓱᐊᒻᒥ ᖃᖓᑕᒋᐊᓕᓚᐅᕐᒪᑕ ᖃᖓᑕᓲᓐᓂᒃ ᓴᐋᑉᑲᓂᕐᓂᒃ ᐃᓚᓯᓚᐅᕐᓗᑎᒃ. ᑐᕋᐃᑕᓐᒧᑦ, ᑕᐊᓐᑕᐱᒻᒧᑦ ᐊᒻᒪ ᕆᔭᐃᓇᒧᑦ ᓴᔅᑲᓱᐊᓐᒧᓪᓗ ᖃᖓᑕᑕᖏᓕᕋᓗᐊᕐᒪᑕ 2001ᒥ, ᐊᓯᖏᓐᓂᒃ ᑎᖕᒥᓲᓐᓂᒃ ᐃᓚᓯᔭᕆᐊᖃᓕᓚᐅᖅᐳᑦ ᐊᒥᓱᑦ ᓄᓇᓕᑦ ᓄᓇᕗᒥ ᐊᒻᒪ ᒪᓂᑐᐸᒻᒥ ᐱᔨᑦᓯᒐᐅᔭᕆᐊᖃᕐᓂᖏᓐᓄᑦ. ᐱᒋᐊᕐᓗᓐᓂ 2004, ᑲᐊᒻᒥᐊᒃᑯᑦ ᐊᖏᔪᒻᒥᒃ ᐅᑯᐊᓕᖕᒥᒃ ᖃᖓᑕᓲᖅᑖᑲᓂᓕᓚᐅᕆᕗᑦ HS748 ᐊᑎᖃᖅᑐᒻᒥᒃ, ᒪᓐᓇ ᐱᖓᓱᓐᓂᒃ ᖃᖓᑕᓲᖃᓕᖅᐳᑦ ᐅᑯᐊᖏ ᐊᖏᔪᓐᓂᒃ. ᐅᒃᑯᐊᖓ ᐊᖏᔫᑉᓗᓐᓂ ᐊᖏᔪᓂᒃᓗ ᐱᖁᑎᓐᓂᒃ ᐅᓯᔫᓗᐊᓕᕐᓗᑎᒃ ᑕᒻᓇ ᐱᑕᖃᕆᐊᖃᕐᓂᖓᓐᓂᒃ ᐱᖁᑎᑦ ᐅᓯᔭᐅᑕᕐᓂᖏᓐᓂ. ᐱᑕᖃᕆᐊᖃᑲᓂᕐᓂᖓᓐᓄᑦ ᖃᖓᑕᓲᑦ ᑲᐊᒻᒥᐊᒃᑯᑦ ᓴᐋᑉᑯᓐᓂᒃ 340ᐱ ᐃᓚᓯᓚᐅᕐᒪᑕ ᐅᓯᔪᖕᓇᕐᒪᑕ ᐱᖁᑎᓐᓂᒃ ᒪᕈᐃᖅᑕᕐᓗᒍ. ᐋᕿᒃᑕᐅᓯᒪᔪᖅ 25ᓂᒃ ᐃᒃᓯᕙᐅᑕᓕᕐ ᓯᕗᓪᓕᖅ ᓴᐋᑉᑯᓐᓂ ᑎᖕᒥᓱᖏᓐᓂ ᓄᓇᕗᒥ ᖃᖓᑕᒋᐊᓕᓚᐅᖅᑐᖅ ᔭᓄᐊᕆ 2006ᒥ.

ᓄᑖᖅ ᐃᓱᒪᒋᔭᐅᔪᖅ

ᐃᐳᕈ 8, 2009 ᑲᐊᒻᒥᐊᒃᑯᑦ ᓂᐅᕕᒐᐅᓚᐅᖅᐳᑦ ᐊᑭᖃᖅᑐᒻᒧᑦ Exchange Industrial Income Fund (EIIF), ᐊᑎᖃᓕᖅᑐᑦ ᒪᓐᓇ Exchange Income Corporation (EIC). ᒪᓕᒐᐅᑉ ᐃᓗᐊᓕᓂᐅᕐᓂᐊᕐᓗᓐᓂ ᓂᐅᕕᒐᐅᓂᖓᓐᓄᑦ ᒪᓕᒐᓕᐅᒐᐅᓯᒪᔪᑦ Exchange Industrial Income Fund ᑲᐊᒻᒥᐊᑯᑦ ᑭᓇᐅᔭᓕᐅᑎᐊᓚᕐᒪᑕ ᐊᐅᓚᑎᔨᖏᓪᓗ ᐱᕈᖅᐸᓕᐊᓂᕐᒥᒃ ᐃᓱᒪᖃᕐᓗᑎᒃ.

EIC ᐊᑎᖃᖅᑐᖅ ᑲᓇᑕᒻᒥ ᑯᐊᐳᕇᓴᓐᖑᔪᖅ ᓇᖕᒥᓂᖃᕐᓗᓐᓂ ᑲᐋᒻᒥᐊᒃᑯᓐᓂᒃ ᐊᒻᒪ ᐊᓯᖏᓐᓂᒃ ᐱᖃᕆᑉᓗᓂᑕᐅᖅ ᐳᕆᒥᑕ ᖃᖓᑕᓲᖏᓐᓂᒃ, ᑭᕙᓪᓕᖅ ᑎᖕᒥᓲᖏᓐᓂᒃ ᐊᒻᒪ ᑲᔅᑕᒻ ᕼᐊᓕᑲᑉᑕᖏᓐᓂᒃ ᐱᖁᑎᓂᒃᓗ ᓴᓇᔨᐅᑉᓗᑎᒃ ᑲᒻᐸᓂᐅᔪᑦ ᑲᓇᑕᒻᒥ ᐊᒻᒪ ᐊᒥᐊᕆᑲᓐ ᓄᓇᖓᓐᓂ.

ᑐᑭᓯᑲᓂᕐᓇᖅᐳᖅ ᑕᑯᒋᐊᕐᓗᓐᓂ Exchange Income Corporation (EIC).