ᑳᐊᒻ ᑐᓂᖁᓯᖏ - Calm Rewards
ᐃᓚᐅᓕᕐᓗᑎᑦ ᑳᐊᒻ ᑐᓂᖁᓯᖏᓐᓄᑦ ᐅᑯᐊ ᐊᔪᕐᓇᓗᐊᖏᑐᑦ ᐱᖓᓱᑦ ᒪᓕᒡᓗᒋᑦ
ᐊᓪᓗᕆᐊᕐᓂᖅ 1.
ᓴᓇᔫᓪᓗᐊᖅᐳᑎᑦ ᑭᓯᕕᑦ ᐊᑐᕐᓂᐊᖅᑕᖓᓐᓂᒃ ᑐᓂᖁᑏᑦ ᓈᓴᐅᑎᖓᓐᓂᒃ ᐃᓕᖕᓄᑦ ᑐᕌᕐᓂᐊᖅᑐᓐᓂᒃ ᑳᐊᒻ ᑐᓂᖁᓯᖅᑖᕈᑎᓐᓂᒃ ᑳᐊᒻᒥᐊᒃᑯᑦ ᑎᖕᒥᓲᓐᓂ ᐃᑭᐅᑦᑕᕐᓂᕐᓄᑦ.
ᑖᒻᓇ ᓴᓇᔫᓪᓗᐊᖅᐸᑦ ᐊᐅᓪᓚᕈᐊᕈᑎᖕᓂᒃ ᐅᖃᓗᖏᓂᕐᓂ ᐅᕙᓘᓃᑦ ᐅᖃᓗᓕᕈᕕᑦ ᑳᐊᒻᒥᐊᒃᑯᓐᓄᑦ ᐱᓕᕆᐊᕆᓗᒍ. ᑐᓂᖁᑎᓂᒃ ᓇᖕᒥᓂᖃᖅᑐᖅ ᓴᓇᔪᖕᓇᕐᒪᑦ ᐅᑯᐊ ᓇᓕᐊᖕᓂᒥᐊᖅ ᐊᑐᕐᓗᓐᓂ oᖃᕆᑕᐅᔭᒃᑯᑦ (ᐃᑭᐊᖅᓯᕕᒃᑯᑦ) ᐅᖃᓗᒡᓗᓐᓂ ᐃᑭᓱᐊᖅᑐᓐᓂᒃ ᐱᓕᕆᔨᒻᒧᑦ ᐊᑭᖃᖏᑐᒻᒧᑦ ᐅᖃᓗᒡᓗᓐᓂ 1-800-839-2256.
ᑐᓂᖁᑎᓐᓂᒃ ᑲᑎᖅᓱᐃᕙᓪᓕᐊᒋᐊᕈᖕᓇᖅᐳᑎᑦ ᑭᓯᐊᓐᓂ ᑭᓲᓂᖓ ᓴᓇᓚᐅᕐᓗᒍ ᑳᐊᒻᑯᑦ ᑐᓂᖁᓯᐊᕐᕕᖓᓐᓄᑦ.
ᐊᓪᓗᕆᐊᕐᓂᖅ 2.
ᑐᓂᔭᐅᕙᓪᓕᐊᑕᕐᓂᖅ ᑳᐊᒻ ᑐᓂᖁᓯᐊᖏᓐᓂᒃ ᑭᓯᐊᓐᓂ ᑎᖕᒥᓲᑰᕈᑎᕕᑦ ᓇᓕᐊᖑᓂᖓᓐᓂᒃ ᐊᑐᕐᓂᐊᕈᕕᑦ. ᑲᑎᖅᓱᐃᕙᓪᓕᐊᓂᖅ ᑐᓂᖁᓯᐊᕐᓂᒃ ᑎᖕᒥᓲᖂᕈᑎᑉ ᐊᑭᐊ ᒪᓕᒡᓗᒍ, ᐅᓇᑐᑦ $20.00 ᐊᑕᐅᓯᕐᒥᒃ ᑲᑎᑦᓯᔫᓪᓗᐊᕐᒪᑦ ᑐᓂᖁᓯᐊᕐᒥᒃ. ᐅᑯᐊ ᐃᓕᓐᓂᐊᕈᑎᑦ ᐱᖁᑎᓐᓂᒃ ᓂᐅᕕᐊᒃᓴᖃᖅᐸᒃᑐᑦ ᓂᐅᕕᑕᕐᓗᒋᑦ ᑐᓂᖁᑎᓐᓂᒃ ᑲᑎᖅᓱᐃᔫᓪᓗᐊᖅᐳᑎᑦ:
 |
- | ᑲᑎᖅᓱᒐᐅᔪᑦ ᐊᑭᑐᓂᖓᑦ* |
|---|---|---|
 |
125ᐳᓴᓐ | |
 |
100ᐳᓴᓐ | |
 |
75ᐳᓴᓐ | |
 |
50ᐳᓴᓐ | |
| *ᐱᓕᕆᑉᕕᒡᔪᐃᑦ ᐊᑭᓪᓕᕆᐊᕈᑎᖏ, ᐃᒃᓯᕙᐅᑕᑦ ᐊᑭᓪᓕᕆᐊᖅᓯᒪᔪᑦ ᐊᒻᒪ ᓂᐅᕕᖁᔨᔪᑦ ᑕᒪᕐᒥᒃ ᐊᔪᖅᑎᑕᐅᕗᑦ. | ||
ᐊᓪᓗᕆᐊᕐᓂᖅ 3.
ᑲᑎᖅᓱᐊᕐᓂᒃ ᐊᑐᕐᓂᖅ ᑳᐊᒻᑯᑦ ᑐᓐᓂᖅᑯᓯᐊᖏᓐᓂᒃ ᑐᖓᕕᖃᖅᐳᖅ ᐅᕐᓂᒍᐊᑲᕐᓂᒃ ᖃᖓᑕᐅᑎᑖᕈᒪᔪᑎᖕᓂᒃ. ᐅᑯᐊ ᑕᒃᕙ ᑲᑎᖅᓱᐃᓇᖅᑐᑦ ᑳᐊᒻᒥᐊᒃᑯᑦ ᖃᖓᑕᓃᖏᑕ ᑎᑭᑉᕕᖏᑦ:
ᒫᓐᓂᑑᕙᒻᒥ
| ᐊᖅᑯᑖ | ᓇᐃᓴᐅᑎᑦ |
|---|---|
| ᕕᓂᐱᒃ - ᑖᐊᒻᓴᓐ | 761 |
| ᑖᐊᒻᓴᓐ - ᕕᓂᐱᒃ | 761 |
| ᕕᓂᐱᒃ - ᓚᐹᐊᓪ | 746 |
| ᓚᐹᐊᓪ - ᕕᓂᐱᒃ | 746 |
| ᕕᓂᐱᒃ - ᕕᓕᓐ ᕙᓛᓐ | 804 |
| ᕕᓕᓐ ᕙᓛᓐ - ᕕᓂᐱᒃ | 804 |
| ᕕᓂᐱᒃ - ᒋᓚᒻ | 860 |
| ᒋᓚᒻ - ᕕᓂᐱᒃ | 860 |
| ᕕᓂᐱᒃ - ᑰᒡᔪᐊᖅ | 1069 |
| ᑰᒡᔪᐊᖅ - ᕕᓂᐱᒃ | 1069 |
| ᕕᓕᓐ ᕙᓛᓐ− ᓚᐹᐊᓪ | 136 |
| ᓚᐹᐊᓪ− ᕕᓕᓐ ᕙᓛᓐ | 136 |
ᓄᓇᕗᑦ
| ᕕᓂᐱᖕᒧᑦ: | |
|---|---|
| ᖃᒪᓂ’ᑐᐊᖅ | 2511 |
| ᐃᒡᓗᓕᒑᕐᔪᒃ | 2266 |
| ᐊᕐᕕᐊᑦ | 2025 |
| ᑲᖏᖅᖠᓂᖅ | 2154 |
| ᓇᐅᔮᑦ | 2189 |
| ᓴᓪᓕᖅ | 2189 |
| ᓴᓂᑭᓗᐊᖅ | 1987 |
| ᑎᑭᕋᕐᔪᐊᖅ | 2149 |
| ᕕᓂᐱᖕᒥᑦ: | |
| ᖃᒪᓂ’ᑐᐊᖅ | 2511 |
| ᐃᒡᓗᓕᒑᕐᔪᒃ | 2266 |
| ᐊᕐᕕᐊᑦ | 2025 |
| ᑲᖏᖅᖠᓂᖅ | 2154 |
| ᓇᐅᔮᑦ | 2189 |
| ᓴᓪᓕᖅ | 2189 |
| ᓴᓂᑭᓗᐊᖅ | 1987 |
| ᑎᑭᕋᕐᔪᐊᖅ | 2149 |
| ᓄᓇᓕᖕᓂᑦ ᓄᓇᓕᖕᓄᑦ (ᐊᑯᓐᓂᖓᓂ− ᐊᒻᒪ): | |
| ᖃᒪᓂ’ᑐᐊᖅ - ᐃᒡᓗᓕᒑᕐᔪᒃ | 874 |
| ᖃᒪᓂ’ᑐᐊᖅ -ᐊᕐᕕᐊᑦ | 1094 |
| ᖃᒪᓂ’ᑐᐊᖅ -ᑲᖏᖠᓂᖅ | 874 |
| ᖃᒪᓂ’ᑐᐊᖅ-ᓇᐅᔮᑦ | 1326 |
| ᖃᒪᓂ’ᑐᐊᖅ-ᓴᓪᓕᖅ | 1326 |
| ᖃᒪᓂ’ᑐᐊᖅ-ᑎᑭᕋᕐᔪᐊᖅ | 1117 |
| ᖃᒪᓂ’ᑐᐊᖅ-ᑰᒡᔪᐊᖅ | 1419 |
| ᐃᒡᓗᓕᒑᕐᔪᒃ -ᐊᕐᕕᐊᑦ | 874 |
| ᐃᒡᓗᓕᒑᕐᔪᒃ-ᑲᖏᖅᖠᓂᖅ | 424 |
| ᐃᒡᓗᓕᒑᕐᔪᒃ-ᓇᐅᔮᑦ | 1326 |
| ᐃᒡᓗᓕᒑᕐᔪᒃ-ᓴᓪᓕᖅ | 1326 |
| ᐃᒡᓗᓕᒑᕐᔪᒃ-ᑎᑭᕋᕐᔪᐊᖅ | 717 |
| ᐃᒡᓗᓕᒑᕐᔪᒃ-ᑰᒡᔪᐊᖅ | 1339 |
| ᐊᕐᕕᐊᑦ-ᑲᖏᖠᓂᖅ | 792 |
| ᐊᕐᕕᐊᑦ-ᓇᐅᔮᑦ | 1552 |
| ᐊᕐᕕᐊᑦ-ᓴᓪᓕᖅ | 1552 |
| ᐊᕐᕕᐊᑦ-ᑎᑭᕋᕐᔪᐊᖅ | 792 |
| ᐊᕐᕕᐊᑦ-ᑰᒡᔪᐊᖅ | 850 |
| ᑲᖏᖅᖠᓂᖅ-ᓇᐅᔮᑦ | 1071 |
| ᑲᖏᖅᖠᓂᖅ -ᓴᓪᓕᖅ | 1057 |
| ᑲᖏᖅᖠᓂᖅ -ᑎᑭᕋᕐᔪᐊᖅ | 424 |
| ᑲᖏᖅᖠᓂᖅ-ᑰᒡᔪᐊᖅ | 1228 |
| ᑎᑭᕋᕐᔪᐊᖅ-ᓇᐃᔮᑦ | 1326 |
| ᑎᑭᕋᕐᔪᐊᖅ-ᓴᓪᓕᖅ | 1326 |
| ᑎᑭᕋᕐᔪᐊᖅ-ᑰᒡᔪᐊᖅ | 1195 |
| ᑰᒡᔪᐊᖅ -ᓇᐅᔮᑦ | 1489 |
| ᑰᒡᔪᐊᖅ -ᓴᓪᓕᖅ | 1489 |
| ᓴᓪᓕᖅ-ᓇᐅᔮᑦ | 883 |
ᑳᐊᒻ ᑐᓐᓂᖁᑎᖏᑕ ᑎᑎᖃᖏᖅ ᐊᒻᒪ ᒪᓕᒐᒃᓴᖏᑦ
ᑳᐊᒻ ᑐᓐᓂᖁᐊᖏᓐᓂᒃ ᐃᓚᒋᔭᐅᔪᓐᓂᒃ ᐱᔫᓗᐊᖅᑎᑦᓯᕗᖅ ᓂᕕᕌᖓᒻᒥᒃ ᖃᖓᑕᔪᑎᒃᓴᒻᒥᒃ ᐊᒻᒪ ᑐᓐᓂᖁᑎᖏ ᐊᑐᓕᕐᓗᒋᑦ ᐊᑭᖃᖏᑐᒻᒥᒃ ᖃᖓᑕᔫᓪᓗᐊᓕᕐᓗᑎᒃ ᓯᕗᓂᕐᒥ. ᖃᐅᔨᒪᔪᑎᑦ ᑳᐊᒻ ᑐᓐᓂᑯᓯᐊᖏᓐᓂᒃ ᐱᒋᐊᕈᒪᓗᓐᓂ ᑲᑎᖅᓱᐃᓂᕐᒧᑦ ᐊᑐᕐᓗᒋᓪᓗ ᓇᓂᔭᐅᔫᓪᓗᐊᖅᐳᑦ ᐅᕙᓂ.
ᑳᐊᒻᒥ ᑐᓐᓂᖁᓯᐊᖏᓐ ᐊᑐᐃᓐᓇᐅᖏᑐᖅ ᑯᐃᐱᖕᒥᐅᓐᓄᑦ. ᑳᐊᒻ ᐃᐊᓪ ᐊᑐᕐᓂᐊᕐᒪᑦ ᐃᓚᐅᔪᑉ ᑐᓂᔭᖏᓐᓂᒃ ᖃᐅᔨᒪᔪᑎᓐᓂᒃ ᐊᕕᒃᓯᒪᔪᒻᒥ ᓄᓇᒋᔭᒥᓂᒃ, ᒪᓕᒋᐊᕐᒪᑦ ᑎᑎᕋᖅᓯᒪᓂᖓᓐᓂ 14 ᐊᑐᒐᐅᔪᑦ ᑎᑎᕋᖅᓯᒪᓂᓕᖏᓐᓂ ᐊᒻᒪ ᒪᓕᒐᖏᓐᓂ. ᐃᓚᒋᔭᐅᔪᖅ ᑯᐃᐱᖕᒥ ᓄᓇᖃᓕᕐᓂᖅᐸᑦ ᐃᓚᐅᓕᓚᐅᕐᓗᓐᓂ ᐊᓯᐊᓐᓂ ᑲᓇᑕᐅᑉ ᐊᕕᒃᓯᒪᓂᖓᓐᓂ ᐃᓚᒋᔭᐅᔪᖅ ᑎᑎᖃᒻᒥᒃ ᓇᒃᓯᐅᔭᐅᓂᐊᖅᐳᖅ ᑳᐊᒻᒥ ᐃᐊᓪ ᑐᓂᖁᓯᐊᖏᓐᓂ ᐃᓚᐅᔪᑎᖓ ᐊᑐᕈᖕᓇᐃᕐᓂᐊᕐᒪᑦ 60 ᐅᑉᓗᑦ ᑐᓴᖅᑎᑕᐅᕕᖓᓐᓂᑦ. ᓇᓕᐊᒥᐊᖅ ᑳᐊᒻ ᑐᓂᖁᓯᐊᖏᓐᓂ ᑲᑎᖅᓱᐊᑦ ᐊᑐᕈᖕᓇᐃᓂᐊᖅᐳᑦ ᐅᑉᓗᒻᒥ ᐊᑐᕈᖕᓇᐃᕐᕕᒃᓴᖓᓐᓂ.
ᐃᓚᐅᓕᕐᓂᐊᕐᓗᓐᓂ ᐃᓚᐅᖏᓐᓇᕐᓗᓂᓗ ᑳᐊᒻ ᑐᓂᖁᓯᐊᖏᓐᓄᑦ, ᖃᐅᔨᓴᒪᑎᑕᐅᕗᑎᑦ ᐊᖏᖅᐳᑎᓪᓗ ᒪᓕᒐᖏᑦ ᐅᑯᐊ ᒪᓕᖕᓂᐊᕐᓗᒋᑦ ᐃᓚᒋᔭᐅᑎᓪᓗᑎᑦ:
- ᑲᑎᖅᓱᐃᕙᓪᓕᐊᓂᖅ ᑳᐊᒻ ᑐᓂᖁᓯᐊᖏᓐᓂᒃ ᐱᔫᓪᓗᐊᖅᑎᑦᓯᖏᒻᒪᑦ ᐃᓚᒋᔭᐅᔪᓐᓂᒃ ᐱᔪᖕᓇᐅᑎᑖᖅᑎᑦᓯᓂᕐᒥᒃ, ᑐᖓᕕᖃᕆᐊᖃᖏᓚᑦ ᑲᑎᖅᓱᐃᓂᖓᑦ ᖁᕙᕆᐊᕈᑕᐅᓂᐊᕐᒪᑦ, ᐃᑭᐅᓂᖓᓪᓗ ᐊᓯᐊᓐᓂᒃ ᐱᐅᓂᖅᓴᒻᒥᒃ ᐃᑭᒪᑎᑦᓯᔫᓪᓗᐊᕐᓂᐊᕐᒪᑦ, ᐊᓯᖏᓐᓂᒃᓗ ᐱᔫᓪᓗᐊᓕᑲᓂᕐᓂᐊᕐᒪᑕ ᐱᕚᓪᓕᕈᑎᓐᓂᒃ. ᑕᑉᑯᐊ ᐊᓯᐊᖑᕆᐊᕐᓂᖏᑦ ᑲᑎᖅᓱᒐᐅᓯᒪᔪᑦ ᐊᓯᔨᕈᑎᒋᔫᓪᓗᐊᖅᐸᖏᑦ, ᓯᕗᓂᕐᒥᓗ ᑲᑎᖅᓱᒐᐅᓂᐊᖅᑐᑦ ᑳᐊᒻ ᑐᓐᓂᖁᓯᐊᖏᓐᓄᑦ.
- ᐃᓚᐅᓂᐊᕐᓗᓐᓂ ᑳᐊᒻ ᑐᓂᖁᓯᖏᓐᓄᑦ ᐊᖏᖅᓯᒪᕗᑎᑦ ᑎᑎᕋᖅᓯᒪᓂᖏᓐᓂᒃ ᐊᒻᒪ ᒪᓕᒐᖏᓐᓂᒃ ᐊᖏᖅᓯᒪᑉᓗᑎᓪᓗ ᑲᖅᓱᖅᓯᒪᔭᑎᑦ ᐃᓕᖕᓂᒃᓗ ᐅᖃᐅᓯᖃᖅᑐᑦ ᒪᓕᒋᐊᖃᕐᒪᑕ ᐊᓯᖏᓐᓄᑦ ᖃᐅᔨᒪᔭᐅᑕᐃᓕᔪᑎᑦ ᒪᓕᒐᖏᓐᓂᒃ.
- ᑳᐊᒻ ᑐᓂᖁᓯᐊᖏᑦ ᐊᑭᓕᐅᓯᐊᕐᓇᖏᑦᑐᑦ ᐊᒻᒪ ᖃᓄᒥᐊᖅ ᑮᓇᐅᔭᖑᖅᑎᑕᐅᓗᑎᒃ ᐊᑐᒐᒃᓴᐅᖏᓚᑦ ᑖᑉᑯᓇᖓᑦ ᑳᐊᒻᒥ ᐃᐊᒃᑯᓐᓂᑦ.
- ᑳᐊᒻ ᑐᓂᖁᓯᐊᖏᑦ ᖃᐅᔨᒪᔭᐅᔭᕆᐊᖃᖅᐳᖅ ᐃᓚᐅᔪᒻᒧᑦ ᑭᐴᑕᐅᓂᕐᓗ ᐊᔪᖅᖢᑎᒃ ᑮᓇᐅᔭᒻᒧᑦ, ᐊᑐᒐᐅᔪᖕᓇᖏᖢᑎᒡᓗ, ᐱᖁᑎᒧᓪᓗ ᐱᑖᕈᑕᐅᓂᖅ ᐊᔪᖅᖢᑎᒃ, ᐃᓚᐅᔪᕐᓗ ᐃᓅᔪᖕᓇᕐᓂᖓᑕ ᑎᑎᖃᖏᓐᓄᑦ ᐃᓕᔭᐅᓂᖅ ᐊᔪᖅᐳᑦ, ᐃᓄᖕᒧᓪᓗ ᑐᓂᔭᐅᓂᖅ ᐊᔪᖅᐳᑦ, ᑕᑉᑯᐊ ᑕᒪᕐᒥᒃ ᐊᑐᒐᐅᒃᐸᑕ ᒪᓕᒐᕐᓂᒃ ᓱᕈᐃᔪᖃᕐᓂᐊᖅᐳᖅ, ᐃᓱᒪᒥᓂᒡᓗ ᑳᐊᒻᒥᒃᑯᑦ ᐱᓂᐊᖅᐳᑦ, ᐃᓚᐅᔪᖕᓇᐃᖅᖅᑎᓯᓗᑎᒃ ᐃᓚᐅᔪᑎᖓᓂᒡᓗ ᐃᓱᓕᑎᑦᓯᓗᑎᒃ ᑐᓂᖁᓯᐊᖏᓐᓂᒃ.
- ᑳᐊᒻ ᐃᐊᓪ ᐱᔫᓪᓗᐊᕐᓂᖃᕐᒪᑦ ᓴᑐᐃᑎᑦᓯᓂᕐᒥᒃ ᐃᓚᐅᔪᖕᓇᐃᖅᑎᑦᓯᓂᕐᒥᒡᓗ ᑳᐊᒻᒥ ᑐᓂᖁᑎᓯᐊᖏᓐᓄᑦ ᑐᓴᖅᑎᑦᓯᓗᓐᓂ 60 ᐅᑉᓗᑦ ᐃᓗᐊᓐᓂ.
- ᒪᓕᒐᐃᑦ ᑎᑎᕋᖅᓯᒪᓂᖏᓐᓂ, ᑳᐊᒻ ᐃᐊᒃᑯᑦ ᐱᔫᓪᓗᐊᕐᓂᖃᖅᐳᑦ ᐋᖅᑭᒋᐊᕐᓗᒋᑦ ᑳᐊᒻᒥ ᑐᓂᖁᓯᐊᖏᓐᓂᒃ, ᐊᒻᒪᐃᓚᐅᑉᓗᑎᒃ ᑎᑎᕋᖅᓯᒪᓂᖏᓐᓂᒃ ᒪᓕᒐᐃᖏᑕ.
- ᐃᓚᐅᓂᖅ ᑳᐊᒻ ᑐᓂᖁᓯᐊᖏᓐᓂ ᐱᔪᓐᓇᖅᑎᑕᐅᓂᐅᕗᖅ ᖃᖓᒥᐊᕐᓗ ᐃᓱᓕᑎᑕᐅᔪᖕᓇᖅᖢᓐᓂ ᑳᐊᒻᒥᐊᒃᑯᓐᓄᑦ ᐊᑭᓖᖏᒥᐊᕐᓗᑎᒃ, ᑭᒡᓕᖃᖅᑎᑦᓯᖏᒥᐊᕐᓗᑎᒃ, ᐊᑐᕐᓂᓗᒐᐅᖏᑎᓪᓗᒋᓪᓗ ᑎᑎᖃᖏᑦ ᒪᓕᒐᖏᓪᓗ ᐃᓚᐅᔪᒻᒧᑦ, ᐊᓯᖏᓂᓗ ᖃᓄᐃᓕᐅᕈᑎᓐᓂᒃ ᑳᐊᒻ ᐃᐊᒃᑯᓐᓄᑦ, ᓇᖕᒥᓂᖅ ᐱᔨᑦᓯᕐᓗᓐᓂ, ᓄᖑᓯᕆᖏᓗᓂᓗ ᑳᐊᒻ ᐃᐊᒃᑯᓐᓂᒃ, ᑳᐊᒻᒥ ᑐᓂᖁᓯᖏᓐᓂᒃ, ᐃᓚᐅᔪᓪᓗ ᐱᔪᒪᔭᖏᓐᓂᒃ ᓂᐅᕕᕐᕕᒋᓱᖅᑕᖏᑕᓗ.
- ᑲᑎᖅᓱᐃᔪᒪᓐᓂᕈᕕᑦ ᐊᑐᕈᒪᓐᓂᕈᖕᓂᓗ ᑲᑎᖅᓱᖅᓯᒪᔭᑎᑦ ᑳᐊᒻ ᑐᓂᖁᑎᖏᓐᓂᒃ, ᐊᑭᓕᒃᓴᖃᕆᐊᖃᖏᐳᑎᑦ ᐊᓯᖏᓐᓂᓘ ᓈᒻᒪᖏᑐᓐᓂᒃ ᓴᕿᑎᑦᓯᖏᓪᓗᑎᑦ. ᑳᐊᒻ ᑐᓂᕐᑯᓯᖏ ᑲᑎᖅᓱᐃᒋᐊᕈᖕᓇᖅᐳᑦ ᓈᒻᒪᒋᔭᐅᔪᓐᓂ ᖃᖓᑕᑦᑕᕐᓂᕐᒥ ᐊᑐᕐᓗᓐᓂ, ᓂᐅᕕᒐᐅᓯᒪᖏᓗᓂᓗ ᖃᖓᑕᔾᔪᑦ.
- ᐃᓚᓐᓂᑯᑦ ᐃᓚᐅᔪᑦ ᑐᓂᔭᐅᑦᑕᔪᖕᒪᑕ ᐃᖕᒥᓄᑦ ᑐᕌᖅᑐᓐᓂᒃ ᐱᖁᑎᓐᓂᒃ ᓂᐅᕕᖁᔨᔪᓂᒡᓗ ᐃᓚᐅᓂᕐᒥᓐᓄᑦ ᐊᓯᖏᓄᓪᓗ ᓂᕈᐊᒐᐅᓯᒪᔪᓐᓄᑦ ᑐᓂᔭᐅᔪᒪᑉᓗᑎᒃ.
- ᐃᓚᐅᔪᑦ ᖃᖓᑐᐃᓐᓇᖅ ᐃᓚᐅᔪᖕᓇᐃᕈᖕᓇᖅᐳᑦ ᑐᓂᔭᐅᑕᕈᖕᓇᐃᕐᓗᑎᒡᓗ ᓂᐅᕕᐊᒃᓴᖏᓐᓂᒃ, ᐃᓚᐅᔪᖕᓇᐃᕈᒪᓗᓐᓂ ᐃᑭᐊᖅᓯᕕᒃᑯᑦ (ᖃᕆᑕᐅᔭᒃᑯᑦ) ᑎᑎᕋᕐᓗᓐᓂ.
- ᐃᓚᐅᔪᑦ ᐱᓕᕆᐊᖃᕆᐊᖃᖅᐳᑦ ᑖᒃᓯᖏᓐᓂᒃ, ᐊᑭᓕᐅᑎᑲᓂᖏᓐᓂᒃ ᐊᓯᖏᓐᓂᒡᓗ ᐊᑭᓕᕆᐊᓕᖕᓂᒃ ᑳᐊᒻᒥᐊᑯᓐᓂᑦ, ᐊᑭᓕᒐᒃᓴᖑᖅᑎᑕᐅᔪᓂᒡᓗ ᑎᒥᐅᔪᒻᒧᒥᑦ, ᒐᕙᒪᓐᓄᑦ, ᐱᓕᕆᔨᒧᓪᓗ ᑎᓕᔭᐅᓯᒪᔪᒻᒧᑦ ᑳᐊᒻᒥ ᑐᓂᖁᓯᖏᓐᓂᒃ ᐱᓕᕆᐊᖃᖁᔭᐅᑉᓗᓐᓂ ᐱᕚᓪᓕᕈᑎᓐᓂᒃ ᐃᓗᐊᓐᓂ ᑳᐊᒻ ᑐᓂᖁᓯᐊᖏᑕ ᐱᓕᕆᐊᖏᓐᓂ, ᑭᔨᓕᖃᖏᓗᓐᓂ ᐅᖅᓱᑉ ᐊᑭᓕᐅᑎᖏᓐᓂᒃ ᐅᕙᓘᓃᑦ ᒥᕕᐅᑉ ᐊᑭᒃᓴᖓᓐᓂᒃ.
- ᑭᓯᐊᓐᓂ ᐊᖏᖅᑕᐅᓯᒪᓐᓂᖅᐸᑦ ᑳᐊᒻᒥᐊᒃᑯᓐᓄᑦ, ᐃᓚᐅᔪᖅ ᐃᓅᔭᕆᐊᖃᖅᐳᖅ ᐱᖁᑕᐅᖏᓗᓐᓂ (ᑎᒥᐅᖏᓗᓐᓂ, ᑲᑎᒪᔨᐅᕕᐅᖏᓪᓗᓐᓂ) ᐊᒻᒪ ᐊᑕᐅᓰᕐᓗᓐᓂ ᐃᓚᐅᔪᒪᓗᓐᓂ ᐅᖃᖅᓯᒪᔭᕆᐊᖃᖅᐳᖅ ᐊᑐᕐᓗᓐᓂ ᐊᑎᕐᒥᓂᒃ ᒪᓕᒐᖅᑎᒍᑦ ᑕᒪᐃᓐᓂᒃ. ᐃᓚᐅᓂᖅ ᐱᕚᓪᓕᕈᑕᐅᕗᖅ ᐃᓚᐅᔪᒧᑐᐊᖅ ᐊᒻᒪ ᐋᕿᐅᒪᐃᓐᓇᖅᑎᑕᐅᔭᕆᐊᖃᖅᐳᖅ ᐃᓚᐅᔪᒻᒧᑦ ᐊᑎᖓ.
- ᐃᓚᐅᔪᖅ ᐱᓕᕆᐊᖃᖅᐳᑦ ᓄᑖᓐᓂᒃ ᖃᐅᔨᒪᔪᑎᓐᓂᒃ ᑐᓂᓯᓯᒪᓗᓐᓂ ᑳᐊᒻ ᑐᓂᖁᓯᓕᕆᔨᖏᓐᓄᑦ ᐊᒻᒪ ᑳᐊᒻ ᑐᓂᖁᓯᕐᒧᑦ ᐃᓚᐅᕕᒋᔭᒥᓐᓂᒃ, ᖃᑉᓯᐅᓂᖏᓐᓂᒃ ᖃᐅᔨᒪᓂᓗᓘᓐᓂ ᑐᓂᖁᓯᐊᖑᔪᓐᓂᒃ ᑲᑎᐸᓕᐊᓂᖏᓐᓂᒡᓗ ᐊᑐᖅᐸᓕᐊᔭᖏᓐᓂᒃ ᑐᓴᐅᒪᑎᑦᓯᓗᓐᓂ ᖃᕆᑕᐅᔭᒃᑯᑦ ᐃᑭᐊᖅᓯᕕᒃᑯᑦ ᐅᕗᖓ calmair.com. ᑳᐊᒻ ᐃᐊᒃᑯᑦ ᐱᔪᑕᐅᓚᖏᓚᑦ ᐃᓚᐅᔪᑉ ᐋᕿᒃᓯᒋᐊᖏᓐᓂᖓᓐᓄᑦ.
- ᐃᓚᐅᔪᖅ ᖃᐅᔨᓴᕆᐊᖃᖅᐳᖅ ᓇᖕᒥᓂᖅ ᐊᑎᖓ ᑐᕌᕈᑎᖓᓪᓗ ᓈᒻᒪᖕᒪᖔᓃᒃ ᑐᓂᔭᖏ ᑳᐊᒻ ᑐᓂᑯᓯᓕᕆᔨᖏᓐᓄᑦ, ᐊᒻᒪ ᓄᑖᖑᕆᐊᖃᖅᑐᖃᕐᓂᖅᐸᑦ ᐃᓚᐅᔪᑉ ᐊᑎᖓᓐᓂ ᑐᓂᓯᕙᒡᓗᓐᓂ ᓄᑖᖑᖅᓯᒪᔪᓐᓂᒃ ᖃᐅᔨᒪᔪᑎᓐᓂᒃ.
- ᑕᒪᕐᒥᒃ ᑳᐊᒻᒥᐊ ᑐᓂᖁᑎᖏᑦ ᐊᑐᕈᖕᓇᖅᐳᑦ ᐅᑭᐅᑦ ᐱᖓᓱᑦ ᑎᑭᓪᓗᒍ ᑲᑎᖅᓱᒐᐅᕕᐊᕐᓂᖓᓐᓂᑦ ᐊᑐᕆᐊᕐᕕᖓᓂᓪᓗ.
- ᖃᓄᐃᓕᕐᓂᖏᓐᓂᒃ ᑐᓂᖁᑏᑦ ᐃᓕᖕᓄᑦ ᑐᕌᖓᔪᑦ ᐃᓕᖕᓄᑐᐊᖅ ᐊᑐᐃᓐᓇᐅᔫᓪᓗᐊᖅᐳᑦ ᑭᓯᐊᓐᓂ ᐊᖏᖅᓯᒪᒍᕕᑦ ᑎᑎᖃᑎᒍᑦ ᐊᓯᖕᓄᑦ ᖃᐅᔨᒪᔭᐅᖁᓗᒋᑦ ᐊᒻᒪ ᑐᓂᔭᐅᕙᖁᓗᒋᑦ ᑐᓂᖁᑎᓕᕆᓕᔨᓐᓂᑦ.
- ᐊᑎᖓ ᑎᑎᕋᖅᓯᒪᔪᑎᒍᑦ ᒪᓕᒐᕐᓂᒃ ᑐᒃᓯᕋᒐᐅᔫᓪᓗᐊᖅᐳᖅ ᐊᓯᐊᖑᕈᒪᔪᖃᖅᐸᑦ ᑐᓂᖁᑎᑦ ᑎᑎᕋᖅᓯᒪᓂᖏᓐᓂ ᑎᑎᖃᖏᓐᓂ ᐅᕙᓘᓃᑦ ᑐᓂᖁᑎᑦ ᐊᑐᕐᒋᑦ ᐊᐅᓪᓚᕈᒪᓐᓂᖅᐸᑦ. ᐊᐅᓪᓚᕐᓂᐊᖅᑐᑉ ᐊᑎᖓ ᐊᓯᐊᖑᒐᐅᔪᒪᓐᓂᖅᐸ ᐃᑭᐅᔪᑎᖓᓐᓂ ᐊᑭᖃᕐᓂᐊᖅᐳᖅ $78.75 ᐊᒻᒪ ᐊᓯᐊᖑᕐᓂᖓᓐᓄᑦ ᐊᑭᖃᑲᓂᕐᓗᓐᓂ $75.00 ᑖᒃᔅᖓ ᐃᓕᓯᒪᑲᓂᕐᓗᒍ.
- ᑐᓂᖁᑎᓐᓄᑦ ᐃᓚᐅᓂᖓ ᐃᓱᓕᓐᓂᐊᖅᐳᖅ ᐃᓚᐅᔪᖅ ᐃᓅᔪᖕᓇᐃᕐᓂᖅᐸᑦ ᑮᓇᐅᔭᑎᒍᓪᓘᕙ ᑲᑕᒡᔪᐊᕐᓂᖅᐸᑦ.
- ᑳᐊᒻᒥᐊᒃᑯᑦ ᒪᓕᒐᖏᑦ ᑐᖓᕕᐅᓂᐊᖅᐳᑦ ᐃᑭᐅᓂᐊᖅᑐᖅ ᐊᖏᖅᑕᐅᓯᒪᖕᒪᖔᑦ ᑎᑎᕋᖅᓯᒪ,ᓂᖏᓐᓂ ᐊᒪ ᒪᓕᒐᖏᓐᓂ ᑳᐊᒻᒥᐊᑉ ᑐᓂᖁᑎᖏᓐᓂ.
- ᐃᑭᔪᒪᑉᓗᓐᓂ ᑐᓂᖁᑎᑦ ᐊᑐᕐᓗᒋᑦ ᐊᑎᖓ ᑕᒪᕐᒥᒃ ᓇᓗᓇᐃᕐᓗᒍ ᐃᑭᓂᐊᑉ; ᒐᕙᒪᒃᑯᑦ ᑎᑎᖃᖁᑎᖏᓐᓂ ᒪᓕᒡᓗᒍ ᓇᓗᓇᐃᑯᑕᕐᒥ − ᐊᓯᖏᓐᓂᒃ ᑐᒃᓯᕋᕐᕕᐅᔫᓪᓗᐊᖅᐳᖅ ᒥᑉᕕᖕᒥ ᑭᓇᐅᓂᖓᓐᓂᒃ ᑐᑭᓯᑉᕕᐅᔪᒪᓗᓐᓂ ᐃᑭᓂᐊᖅᑐᖅ.
- ᑐᓂᖁᑎᓐᓂᒃ ᐊᑐᕐᓗᓐᓂ ᖃᖓᑕᔫᓪᓗᐊᖅᐳᖅ ᐅᑎᕐᓗᓂᓗ ᐅᕐᓂᖕᓂᐊᑲᒥᓄᓪᓘᓃᑦ ᑐᓂᖁᑎᑦ ᐊᑐᕐᓗᒋᑦ. ᐅᑎᖅᑎᑦᓯᓂᖅ ᑭᓯᐊᓐᓂ ᐊᖏᒐᐅᓂᐊᖅᐳᖅ ᑎᖕᒥᓲᒻᒧᑦ ᐃᑭᔪᑎᖓ ᐊᑐᐃᓐᓇᐅᓂᖅᐸᑦ.
- ᐃᑭᓱᐊᕐᓗᓐᓂ ᓇᓗᓇᐃᖅᓯᒪᔪᖅ ᓈᒻᒪᒋᔭᐅᔭᕆᐊᖃᖅᐳᑦ ᐅᑉᓗᓐᓂ ᐃᑭᕕᒋᔪᒪᔭᖏᓐᓂ (ᖃᖓᒥᐊᖅ ᐊᐅᓚᕈᐊᕐᓗᓐᓂ ᑎᑎᕋᖅᓯᒪᓂᖅ ᐊᔪᕐᓂᐊᖅᐳᖅ).
- ᐃᓚᒋᔭᐅᔪᖅ ᑲᑎᖅᓱᐃᓯᒪᔭᕆᐊᖃᖅᐳᖅ ᑳᐊᒻ ᑐᓂᖁᑎᖏᓐᓂᒃ ᐊᐅᓚᕈᐊᕐᓂᖅᐸᑦ ᑐᓂᖁᑎᓐᓄᑦ ᐃᑭᔪᑎᒋᓂᐊᒑ ᐊᑐᕐᓂᖅᐸᑦ ᑐᓂᖁᑎᓐᓂᒃ ᖃᖓᑦᑕᐅᑎᖃᕐᓗᓐᓂ. ᐃᓚᖓᓐᓂᒃ ᓴᑐᖅᓯᔫᓪᓗᐊᖅᐳᑦ ᐃᓚᐅᔪᖅ ᑲᑎᖅᓱᐊᖃᕐᓂᖅᐸᑦ ᓈᒻᒪᒃᑐᓐᓂᒃ ᐊᒥᓲᓂᓕᖕᓂᒃ 25%, 50% ᐅᕙᓘᓃᑦ 75% ᐃᑭᐅᔪᑎᓐᓂᒃ ᑐᓂᖁᓯᒐᐅᓐᓂᑯᓐᓂᒃ ᖃᖓᑕᓂᕐᒧᑦ, ᐊᒻᒪ ᐃᓚᐅᔪᖅ ᐱᓕᕆᐊᖃᕐᓗᓐᓂ ᑎᖕᒥᓲᖅᑐᕈᑎᖓᑕ ᐊᑭᖏᓐᓂᒃ ᐊᑐᕆᐊᖃᕐᓂᖅᐸᑦ.
- ᐊᐅᓚᕈᒪᓂᐅᑉ ᓴᑐᐃᑎᑕᐅᓂᖓ ᐊᑐᕐᓗᓐᓂ ᑳᐊᒻᑯᑦ ᑐᓂᖁᓯᖏᓐᓂᒃ ᐊᑭᖃᕐᓂᐊᖅᐳᖅ $75.00 ᐃᓚᓯᒪᓗᓐᓂ ᑖᒃᓯᓐᓂᒃ, ᐊᓯᖏᓐᓂᒃᓗ ᐃᓚᒋᐊᕈᑎᓐᓂᒃ ᐊᒻᒪ ᐱᖓᔪᐊᖕᓄᑦ ᐊᑐᒐᐅᓂᖓᓐᓄᑦ ᐊᑭᖓ ᐲᖅᑕᐅᓂᐊᖅᐳᑦ. ᖃᖓᑕᓂᐊᕐᓗᓐᓂ ᓴᑐᐃᓂᖅ ᐊᔪᖅᑎᑕᐅᓂᐊᖅᐳᖅ ᐃᓗᐊᓐᓂ 24 ᐃᑲᕋᑦ ᐊᐅᓪᓚᕐᕕᒃᓴᖓᓪᓂ ᓯᕗᓂᖓᓂ ᐋᕿᒃᑕᐅᓯᒪᓚᐅᖅᑐᑉ. ᓴᑐᐃᓂᕋᖏᑐᐊᖅᐸᑦ ᐃᓗᐊᓐᓂ 24 ᐃᑲᕋᑦ ᓴᕿᖏᓐᓂᖅᐸᓪᓗ ᒥᑦᑕᕐᕕᖕᒧᑦ ᐊᐅᓪᓚᕐᕕᒃᓴᖓᓐᓂ ᐃᑭᔪᑎᖏᑦ ᓴᑐᐃᑎᑕᐅᓂᐊᖅᐳᑦ ᐊᒻᒪ ᐊᑐᕈᖕᓇᐃᖅᑎᑕᐅᓗᑎᒃ ᐊᓯᖏᑦ ᖃᖓᑕᓂᕆᓂᐊᓚᐅᖅᑕᖏᑦ ᐊᐅᓚᕆᐊᖃᕐᓂᖓᑕ ᐃᓚᖓᓐᓄᑦ. ᖃᖓᑕᔾᔪᑦ, ᖄᖓᒍᑦ ᐊᑭᓖᓐᓂᑯᑦ ᐊᒻᒪ ᑖᒃᓯᑦ ᐊᑭᓖᔪᑕᐅᓚᐅᖅᑐᑦ ᐊᐅᓪᓚᕐᓂᐅᑉ ᐃᓚᖓᓐᓄᑦ ᐊᑐᕈᖕᓇᐃᖅᑎᑕᐅᓂᐊᖅᐳᑦ, ᑳᐊᒻᑯᑦ ᑐᓂᖁᓯᐊᖏ ᐊᑐᕈᖕᓇᐃᖅᑎᑕᐅᓗᑎᒃ ᐊᒻᒪ ᐊᑭᓕᐅᓯᐊᕆᓇᔭᓚᐅᖅᑕᖏ ᑐᓂᔭᐅᖏᓕᕐᓗᑎᒃ.
- ᑳᐊᒻᑯᑦ ᑐᓂᖁᓯᐊᖏ ᒪᓕᖕᓂᐊᕐᒪᑕ ᒫᓂᑑᕙᐅᑉ ᒪᓕᒐᖏᓐᓂᒃ ᐊᒻᒪ ᑲᓇᑕᐅᑉ ᐊᑐᖅᑕᐅᓗᑎᒃᓗ ᐱᔭᕆᐊᖃᕌᖓᒻᒥᒃ. ᐱᓕᕆᐊᓗᒃᑖᑦ, ᐊᖏᖃᑎᒌᖏᓂᖏᑦ, ᓈᒻᒪᖏᓪᓕᐅᕈᑎᓪᓗ ᑐᕌᖓᔪᑦ ᑕᑉᕙᓐᓂ ᑐᓂᔭᐅᓂᐊᕐᒪᑕ ᐃᖃᖅᑐᐃᔨᖏᓐᓄᑦ ᒫᓂᑑᕙᐅᑉ ᑕᑉᑯᐊᓗ ᐱᔪᖕᓇᕐᓂᕐᒥᖕᓄᑦ ᐱᓕᕆᐊᕆᓂᐊᖅᐸᖏᑦ ᐊᖏᖃᑎᒌᒋᓂᐅᔪᑦ ᑐᓵᔭᐅᔭᕆᐊᖃᓕᕌᖓᑕ.