ᓄᓇᕘ ᐊᖏᕈᑎᖓᓐᓄᑦ ᐃᓚᐅᔪᑦ ᖃᖓᑕᓂᐊᕐᓗᓐᓂ ᐊᑭᖓ - Beneficiary Fare
ᑲᐋᒻᒥᐊᒃᑯᑦ, ᑭᕙᓕᕐᒥ ᑲᑐᔨᖃᑎᒌᑦ ᐊᒻᒪ ᑲᓇᑕᐃᑎᐊᓐ ᓄᐊᑦ ᑲᑐᑦᔨᑉᓗᑎᒃ ᓄᓇᕗᒻᒧᑦ ᐃᓚᐅᔪᓐᓄᑦ ᐊᑭᓕᐅᑎᖏᓐᓂᒃ ᐊᑭᓪᓕᕆᐊᖅᑎᑦᓯᓚᐅᕐᒪᑕ ᑭᕙᓪᓕᕐᒥ. ᑲᐋᒻᒥᐊᒃᑯᑦ ᖁᕕᐊᓱᖕᒪᑕ ᖃᖓᒥᐊᖅ ᐃᑭᐅᔫᓪᓗᐊᕐᑎᑦᓯᖕᒪᑕ ᐊᖏᕈᒻᒧᑦ ᐃᓚᐅᔪᑦ ᐊᑭᖓᓐᓂᒃ ᐊᑐᕐᓗᑎᒃ.
ᑐᑭᓯᒋᐊᕐᕕᒋᒥᐊᕐᓗᒋᑦ ᑲᐋᒻᒥᐊᒃᑯᑦ ᖃᖓᑕᓱᐊᕐᓗᓐᓂ ᑎᑎᕋᕐᕕᖓᑦ
ᐊᑭᖃᖏᑐᖅ ᐅᖃᓘᑎᖓ 1-800-839-2256 ᐱᓕᕆᔨᕗᑦ ᐅᖃᐅᑎᒥᐊᕐᓗᒋᑦ ᐊᖏᕈᒻᒧᑦ ᐃᓚᐅᓂᕋᕐᓗᑎᑦ ᑐᐊᕕᒃᑯᓐᓂᒃ ᓈᓴᐅᒻᒥᒃ ᑐᓂᓯᒻᒫᑉᓗᑎᑦ. ᐃᑭᐅᓱᐊᖅᑐᓂᒃ ᐃᑲᔪᖅᑎᕗᑦ ᖃᐅᔨᒋᐊᕐᓂᐊᕐᒪᑕ ᐊᑭᓪᓕᕆᐊᕈᒻᒥᒃ ᐊᔪᖏᒪᖔᖅᐲᑦ, ᐃᓂᒃᓴᓕᐅᖅᑕᐅᓕᕐᓗᑎᑦ ᐊᒻᒪ ᐃᑭᐊᖅᓯᕕᒃᑯᑦ ᖃᕆᑕᐅᔭᒃᑯᑦ ᓇᒃᓯᐅᔨᓗᑎᒃ ᐃᑭᐅᔪᑎᒋᓂᐊᒃᑲᖅᓂᒃ ᑎᑎᖃᒻᒥᒃ.
ᓄᓇᓕᑉᓯᖕᓂ ᑲᐋᒻᒥᐊᒃᑯᑦ ᑎᑎᕋᕐᕕᖓᓄᓕᐊᒥᐊᕐᓗᑎᑦ ᐃᓂᒃᓴᓕᐅᕈᖕᓇᖅᐳᑎᑦ.
ᑲᐋᒻᒥᐊᒃᑯᑦ ᐃᑭᓱᐊᖅᑐᓐᓂᒃ ᐃᑲᔪᖅᑎᖓᑦ ᐃᓕᖕᓂᒃ ᐱᓕᕆᖃᑎᖃᕐᓂᐊᖅᐳᖅ ᐃᑭᐅᔪᑎᒃᓴᓐᓂᒃ ᐋᕿᒃᓱᐃᓗᓐᓂ ᓄᓇᓕᑉᓯᖕᓂ (ᑐᐊᕕᑯᓐᓂᑦ ᐊᐅᒃᑕᔫᖅ ᐱᐅᒍᖅᑕᐃᓕᓗᒍ ᑕᑯᔭᐅᓱᐊᕐᓂᖅᐸᑦ ᐱᓕᕆᔨᒻᒧᑦ).
ᐊᖏᕈᒻᒧᑦ ᐃᓚᐅᔪᑦ ᐃᑎᐅᓂᐊᖅᑐᑦ ᐊᑭᖓ ᒪᓕᒐᖏᑦ
- ᖃᖓᑕᔪᑏᑦ ᐊᑭᓕᕆᐊᖃᕐᒪᑦ ᐃᑲᕋᑦ 24 ᐃᓗᐊᓐᓂ ᖃᐅᔨᒪᓂᐊᖅᐳᑎᑦ. 24 ᐃᑕᕋᑦ ᐃᓗᐊᓐᓂ ᐊᑭᓕᕐᓂᖏᑉᐸᑦ ᐃᑭᐅᓱᐊᕈᑏᑦ ᓴᑐᐃᑎᑕᐅᓂᐊᕐᒪᑦ.
- ᐃᑭᐅᓱᐊᕈᑎᖕᓂᒃ ᐱᓂᓗᓪᓚᒃᓯᓐᓇᕐᓗᑎᑦ ᐃᓂᖃᕈᐊᕐᓂᕈᕕᑦ ᐅᑉᓗᖏᓐᓂᒃ ᑐᓂᓯᓪᓚᒃᓯᓐᓇᕐᓗᑎᑦ. ᑐᓂᔭᐅᓂᐊᖅᐳᑎᑦ ᐃᑭᔫᓪᓗᐊᕈᑎᕕᑦ ᓈᓴᐅᑎᖓᓐᓂᒃ ᖃᕆᑕᐅᔭᒃᑯᓪᓗ ᓇᒃᓯᐅᑎᔭᐅᓗᓐᓂ ᐃᑭᔫᓪᓗᐊᓕᕋᕕᑦ ᐅᖃᖅᓯᒪᔪᒻᒥᒃ. ᐃᑭᓂᐊᕐᓗᑎᑦ ᑎᑎᖃᐅᑎᕕᑦ ᓈᓴᐅᑎᖓ ᐊᑐᐃᓐᓇᐅᑎᓪᓗᒍ ᖃᐅᔨᒋᐊᕐᓂᐊᕐᓂᕈᕕᑦ ᐃᓂᖃᕐᒪᖔᖅᐲᑦ.
- ᐃᓚᓕᐅᑎᓯᒪᔪᑦ ᐊᖏᕈᒻᒧᑦ ᐊᐅᒃᑕᔫᒻᒥᒃ ᑐᐊᕕᒃᑯᓐᓂᑦ ᑕᑯᑎᑦᓯᔭᕆᐊᖃᖅᐳᑦ ᐃᓚᐅᔪᑦ ᐊᑭᓪᓕᕆᐊᕈᑎᖓᓐᓂᒃ ᐊᑐᕈᐊᕐᓂᖅᐸᑕ.
- ᐊᔨᖑᐊᕐᒥᒃ ᒐᕙᒪᒃᑯᓐᓂᑦ ᐊᔨᓕᐅᒐᐅᓯᒪᔪᒻᒥᒃ ᓇᒃᓴᕆᐊᖃᖅᐳᑎᑦ ᑲᐋᒻᒥᐊᒃᑯᑦ ᑎᖕᒥᓲᖓᓐᓄᑦ ᐃᑭᓂᐊᕐᓂᕈᕕᑦ. ᐃᑭᕙᒌᕐᓂᕐᒥᒃ ᖃᐅᔨᑲᓂᕈᐊᕐᓂᕈᕕᑦ, ᑕᑯᒋᐊᕈᖕᓇᖅᐳᑎᑦ ᐃᑭᕙᓪᓕᐊᓂᖅ ᐅᖃᐅᓯᓖᑦ.
- ᐃᓚᐅᔪᑦ ᐊᖏᕈᒻᒥ ᐊᑭᓖᓂᑯᖏᑦ ᐅᑎᖅᑎᑕᐅᔫᓗᐊᕐᒪᑕ ᓴᑐᐃᓐᓂᕈᕕᑦ ᐃᑲᕋᒃ ᒪᕈᒃ ᐃᓗᐊᓐᓂ ᐊᐅᓪᓚᕐᕕᒋᓂᐊᑲᖅᐱᑦ ᐊᓯᐊᓄᓪᓗ ᐃᓕᔭᐅᔫᓪᓗᐊᕐᓗᑎᒃ.
- ᐊᑭᓪᓕᕆᐊᖅᓯᒪᔪᑦ ᐊᓯᖏᓪᓗ ᐊᑐᓚᖏᑐᑦ.
- ᓄᖃᖅᑕᐅᔭᕐᓂᖅ ᓄᓇᓕᖕᓄᑦ ᐊᔪᕐᓇᕐᓂᐊᖅᐳᖅ. ᐊᐅᓪᓛᖅᑑᓪᓗᐊᖅᐳᑎᑦ ᑭᓯᐊᓐᓂ ᓄᖃᖏᑕᐃᓐᓇᕐᓗᑎᑦ ᐅᑯᓐᓂᖓᓐ ᐊᐅᓪᓚᕆᐊᕐᕕᒃᐱᑦ.
- ᐊᓯᐊᖑᖅᑕᐅᔪᖕᓇᖅᐳᑦ, ᑭᓯᐊᓐᓂ ᐃᓂᖃᕐᓂᖅᐸᑦ ᑐᒃᓯᕋᕐᕕᖕᓂ.
- ᓴᑐᐃᒐᕕᑦ ᐅᖃᕐᓂᖏᑯᕕᑦ ᐃᑲᕋᒃ ᒪᕉᒃ ᐃᓗᐊᓐᓂ ᐃᑭᐅᓱᐊᕈᑎᓗᒃᑖᑎᑦ ᓴᑐᐃᑎᑕᐅᓂᐊᖅᐳᑦ. ᖃᖓᑕᔪᓰᑦ ᓴᑐᐃᑎᑕᐅᓂᐊᕐᒪᑕ ᐊᑭᖃᕈᖕᓇᐃᓗᑎᒡᓗ.