ᐃᓚᐃᖅᑐᓐᓂ ᐊᐅᓪᓚᕐᓂᖅ - Compassionate Travel
ᑳᐊᒻᒥᐊᒃᑯᑦ ᐊᑐᐃᓐᓇᐅᑎᑦᓯᓱᕐᒪᑕ ᓇᒡᓕᒍᓱᖕᓂᖅᒧᑦ ᐊᑭᓪᓕᕆᐊᖅᑎᑦᓯᓱᕐᒪᑕ ᐃᓄᔪᖕᓇᐃᖅᑐᖃᖅᑎᓪᓗᒍ ᐅᕙᓘᓃᑦ ᐃᓚᒋᔭᖓ ᖁᓚᕐᓇᖅᓯᓯᒪᓂᖓᓐᓄᑦ ᐃᓅᓂᐊᕐᒪᖔᑦ. ᖃᖓᑕᔪᑎᐅᑉ ᐃᑭᖓ ᑐᑭᓯᓱᐊᕐᓂᕈᖕᓂ ᐱᔨᑦᓯᖅᑎᑦ ᑎᑎᕋᕐᕕᖓ ᐅᖃᓗᕖᒋᓗᒍ ᐊᑭᖃᖏᑐᒃᑯᑦ 1-800-839-2256.
ᑐᑭᓯᑲᓂᕈᑎᑦ ᐱᔭᕆᐊᓖᑦ
ᐃᓚᒋᔭᐃᑦ ᐃᓄᔫᖕᓇᕐᓂᖅᐸᑦ ᐅᑯᐊ ᐊᑐᐃᓐᓇᐅᔭᕆᐊᖃᖅᐳᑦ:
- ᐊᑎᖓ ᐃᓕᖕᓄᑦ ᑭᓇᒋᔭᐅᓂᖓ ᐃᓅᔪᖕᓇᐃᖅᑐᑉ ᐊᒻᒪ
- ᐊᔨᖓ ᐃᓅᔪᖕᓇᐃᖅᑐᑉ ᑎᑎᖃᖓᑕ ᐊᒻᒪ ᐅᕙᓘᓃᑦ
- ᐊᑎᖓ ᑐᕌᕈᑎᖓᓗ ᐊᒪ ᐅᖃᓘᑎᖓᑕ ᓈᓴᐅᑎᖓ ᐃᔅᖢᐊᖅᑕᐃᔨᑉ ᑎᑎᕋᖅᑐᑉ ᐃᓅᔪᖕᓇᐃᖅᑐᑉ ᑎᑎᖃᖓᓐᓂᒃ ᐅᕙᓘᓃᑦ
- ᑐᖁᖓᔪᓕᕆᔨᑦ ᐊᑎᖓ ᐅᖃᓗᑎᖓᓗ ᐃᓚᒋᔭᐅᔪᑉ ᐃᓂᒋᔭᖓ.
ᐃᓚᒋᔭᐃ ᐅᓗᕆᐊᓇᖅᑐᒥᓯᐅᖅᑐᖅ ᐅᑯᓂᖓ ᑐᓴᖅᑎᑎᑦᓯᔭᕆᐊᖃᖅᐳᑎᑦ:
- ᐊᑎᖓ ᑭᓇᒋᔭᖓᓗ ᐊᓐᓂᐊᖅᑐᑉ.
- ᑎᑎᕋᖅᓯᒪᔪᖅ ᐅᓗᕆᐊᓇᕐᓂᕐᒥᓯᐅᓕᕐᓂᖓᓐᓂᒃ ᐅᖃᐅᓯᓕᒃ ᐃᔅᖢᐊᖅᓴᐃᔨᒻᒥᑦ (ᐊᑎᖓ, ᑐᕋᕈᑎᖓ ᐅᖃᓗᑎᖓᓗ ᐊᓐᓂᐊᕐᕕᐅᑉ).
ᑕᑉᑯᓂᖓ ᖃᐅᔨᔭᐅᓱᐊᖅᑐᓐᓂᒃ ᐱᖃᖏᑯᕕᑦ ᐊᐅᓚᓚᐅᖏᓂᕐᓂ, ᐅᑎᕐᕕᐅᓱᐊᕐᓗᑎᒃ ᑐᒃᓯᕋᕈᖕᓇᖅᐳᑎᑦ ᐊᐅᓛᓂᒃᑯᕕᑦ. ᐃᑭᐅᓐᓂᑯᐃᑦ ᑕᑯᑎᑐᐃᓐᓇᕐᓗᒍ ᐊᒪ ᐊᓯᖏᑦ ᖃᐅᔨᔭᐅᓱᐊᖅᑐᑦ ᑳᐊᒻᒥᐊᒃᑯᓐᓄᑦ ᐅᑎᖅᓯᒪᓕᕈᕕᑦ.
ᑭᓇ ᐊᔪᖏᐸ?
- ᓄᓕᐊᖅ ᐅᐃᒋᔭᐅᔪᖅ (ᒪᓕᒐᖅᑎᒍᑦ, ᐱᖃᑎᒌᒃ, ᐊᑕᐅᓯᐅᖃᑎᒌᒃ)
- ᓄᑕᕋᖅ (ᑎᒍᐊᖅ, ᐊᓈᓇᒐ ᐊᓯᐊ) ᐃᕈᑕᖅ, ᐃᓗᓕᖅ
- ᐊᖓᔪᖄᖅ (ᐊᓈᓇᖓ ᐊᓯᐊ, ᐱᖃᑎᒌᒃ, ᓴᑭᖓ), ᐊᑖᑕᑎᐊᖅ ᐊᓈᓇᑎᐊᖅ, ᐊᖓᔪᖄᖏ ᐊᓈᓇᑎᐊᑉ ᐊᑖᑕᑎᐊᑉᓘᓃᑦ
- ᓇᔭᐃᑦ ᓄᑲᐃᑦ ᐊᖓᔪᐃᓪᓗ (ᐱᖃᑎᒌᒃ, ᑲᑎᑎᑕᐅᓯᒪᔪᒃ)
- ᐊᑦᑕᒃ/ᐊᖓᒃ ᐱᖃᑎᑉ ᐃᓚᖏᑦ
- ᐅᔪᕈᒃ/ᖃᖏᖅᐊ
- ᒥᐊᓂᖅᓯᔨ ᒪᓕᒐᑯᑦ ᐊᒪ ᐅᐃᖓ ᓄᓕᐊᖓᓗᓂᑦ
ᐃᓅᔪᖕᓇᕐᐸᓕᐊᓂᖓ ( ᖁᓚᕐᓇᖏᑐᒥᒃ ᐃᓅᔪᖕᓇᐃᕐᓂᖓ)
- ᐊᓐᓂᐊᖅᑐᖅ ᒥᐊᓂᕆᔭᐅᕕᖕᒥᓯᐅᖅᑐᖅ
- ᐆᒻᒪᓯᕆᓐᓂᑯ
- ᑭᖑᓪᓕᕐᒥᒃ ᐊᓐᓂᐊᕐᓂᓕᒃ ᑳᓐᓴᒥᒃ − ᐊᑕᐅᓯᖏᓗᓂ ᐊᐅᓚᖅᑎᑕᐅᓕᖅᑐᖅ
- ᐊᓐᓂᕐᔪᐊᖅᑐᖅ ᐱᓂᕐᓗᖕᓂᕐᒧᑦ
- ᐃᓅᓂᐊᕐᒪᖔᑦ ᖁᓚᕆᔭᐅᓕᖅᖢᓐᓂ ᐅᕙᒍᒥᓯᐅᓕᖅᑐᖅ ᒥᐊᓂᕆᔭᐅᖓᐃᓇᓕᕐᓗᓐᓂ ᐃᔅᖢᐊᖅᓴᐃᔨᕐ ᐱᖁᓯᒪᔭᖓᓐᓄᑦ
ᓇᒡᓕᒍᓱᖕᓂᕐᒧᑦ ᐊᐅᓚᕐᓂᖅ ᐊᑐᓚᖏᑐᖅ ᐊᓐᓂᐊᓗᐊᖏᑐᒻᒧᑦ ᐅᕙᓗᓂᑦ ᐃᓅᔪᖕᓇᐃᖅᑐᑉ ᐱᖁᑎᖏᑦ ᑮᓇᐅᔭᖏᓪᓗ ᐋᕿᒃᓱᖅᑕᐅᓂᖏᓐᓄᑦ.
ᒪᓕᒐᐃᑦ ᓇᒡᓕᒍᓱᖕᓂᕐᒧᑦ ᐊᐅᓚᕐᓂᐅᑉ
- ᐊᑐᒐᐅᔫᓪᓗᐊᖅᑐᖅ ᒥᑕᕐᕕᖕᒧᑦ ᖃᓂᑦᑐᖅᑕᒻᒧᑦ ᑳᐊᒻᒥᐊᒃᑯᑦ ᖃᖓᑕᕕᒋᓱᖅᑕᖏᓐᓂ.
- ᐊᑐᒐᐅᔫᓪᓗᐊᕐᓗᓐᓂ ᓇᒧᑐᐃᓐᓇᖅ ᑳᐊᒻᒥᐊᒃᑯᑦ ᖃᖓᑕᕕᒋᓱᖅᑕᖏᓐᓂ.
- ᐅᑎᒻᒧᑦ ᐊᐅᓚᕐᓂᐊᖅᑐᓐᓄᑦ ᑭᓯᐊᓐᓂ ᐊᑐᖅᑐᖅ.
- ᖃᖓᑐᐃᓐᓇᖅ ᐊᐅᓚᖅᑑᓗᐊᕐᓂᖓ ᐊᑐᖏᑲᓗᐊᕐᓗᓐᓂ, ᐅᑎᕈᒪᓂᖓ ᐊᑭᖃᖏᓗᒍ ᐋᕿᒐᐅᔫᓪᓗᐊᖅᐳᖅ.
- ᐊᑐᖏᑐᖅ ᐊᑭᓪᓕᕆᐊᕈᑕᐅᓗᓐᓂ ᐅᕙᓗᓂᑦ ᖃᖓᑕᑭᓂᖁᔨᓂᕐᒧᑦ.
- ᓇᒡᓕᒍᓱᖕᓂᕐᒧᑦ ᐊᑭᓪᓕᕆᐊᕈᑦ ᑳᐊᒻᒥᐊᒃᑯᓐᓂ ᑭᓯᐊᓂᑐᐊᖅ ( ᐊᓯᖏᓐᓄᑦ ᑎᖕᒥᓲᓕᕆᔨᓄᑦ ᐊᑐᓚᖏᑐᖅ).
ᓇᒡᓕᒍᓱᖕᓂᕐᒧᑦ ᖃᖓᑕᓱᐊᖅᑐᑦ ᐅᖃᓗᒋᐊᖃᖅᐳᑦ ᐱᔨᑦᓯᖅᑎᓐᓄᑦ ᐃᓂᖃᕈᒪᓗᓐᓂ ᐅᕗᖓ 1-800-839-2256.