ᑎᒍᐊᑦ ᐊᐅᓛᖅᑎᑕᐅᓂᖏ - Pet Travel
ᑲᐋᒻᒥᐊᒃᑯᑦ ᑐᑭᓯᐅᒪᖕᒪᑕ ᑎᒍᐊᑦ ᐊᑐᕐᒪᑕ ᐃᓚᒌᓐᓄᑦ ᐊᒪ ᓈᒻᒪᑎᐊᖅᑐᒻᒥᒃ ᐃᓂᖃᕆᐊᖃᕐᒪᑕ ᓂᕕᐅᕆᔭᐅᖏᓗᑎᒃ ᐊᐅᓚᖅᑎᑕᐅᓂᐊᕐᓂᖏᓐᓂ, ᐅᕙᑉᑎᖕᓄᑦ ᐊᑐᕐᓂᖃᖅᐳᖅ ᖃᓄᐃᖏᓗᑎᒃ ᐃᑭᒪᓂᖏᑦ.
ᖃᐅᔨᒪᕗᒍᑦ ᐃᖏᕋᑉᓗᓐᓂ ᐃᓱᒫᓗᖕᓇᖅᒪᑦ ᐱᓗᐊᖅᑐᒻᒥᒃ ᑎᒍᐊᑉᑎᖕᓄᑦ ᑕᐃᒪ ᐅᑯᐊ ᒪᓕᒐᐃᑦ ᐅᖃᓕᒫᑎᐊᕐᓗᒋᑦ ᑎᒍᐊᑦ ᓈᒻᒪᑎᐊᖅᑐᒻᒥ ᐃᓂᖃᕐᓂᐊᕐᒪᑦ ᐊᒪ ᖃᓄᐃᑎᑕᐅᖏᓗᓐᓂ.
ᐊᐅᓚᓚᐅᖏᓂᕐᓂ ᑎᒍᐊᑦ ᒥᑦᑕᕐᕕᖕᒧ ᐊᒡᔭᕆᐊᖃᖅᐳᖅ ᐅᑉᓗᖅ ᐊᑕᐅᓯᐅᑉ ᓯᕗᓂᖓᓂ ᐊᐅᓚᓚᐅᖏᓂᖅᐱᑦ ᐃᑭᐊᖅᓯᕕᒃᑯᑦ ᐃᓂᒃᓴᓕᐅᕐᓂᕈᕕᑦ. ᑲᐋᒻᒥᐊᑯᑦ ᐃᓂᒃᓴᓕᐅᕕᖓᑦ ᐅᖃᓗᒡᕕᒋᓗ 1-800-839-2256 ᑎᒍᐊᑦ ᐃᓂᖃᖃᑕᐅᖁᓐᓂᕈᒃᓂ ᖃᖓᑕᓂᐊᓕᕈᕕᑦ.
ᓂᕐᔪᑎᑦ ᐴᖏᑦ ᐊᒥᓲᓂᖏᑦ ᐃᑭᑎᑕᐅᔫᓪᓗᐊᕐᒪᑕ, ᐅᖓᑖᓐᓂ ᐃᑭᐅᔪᒃᓴᑦ ᑭᓯᐊᓐᓂ ᐊᓯᐊᒍᑦ ᐊᐅᓚᖅᑎᑕᐅᓕᕐᓗᓐᓂ ᑎᒍᐊᑦ ᐃᑭᐅᕕᒃᓴᖓᓐᓂᒃ ᐋᕿᒃᓯᔭᕆᐊᖃᖅᐳᑎᑦ ᐊᐅᓚᖅᑎᓱᐊᕐᓂᕈᖕᓂ ᐃᓂᖃᖏᐸᑦ ᓯᕗᓪᓕᕐᒥᒃ.
ᑎᒍᐊᑦ ᐃᑭᐅᑉᕕᖕᒥ
ᑲᐋᒻᒥᐊᒃᑯᑦ ᑎᒍᐊᕐᓂᒃ ᒥᑭᔪᓐᓂᒃ ᐃᑭᐅᑎᑦᓯᔫᓪᓗᐊᕐᒪᑕ ᕿᒻᒥᕐᓂᒃ, ᐳᓯᓐᓂᒃ, ᖁᐸᓄᐊᓐᓂᒃ, ᐅᑲᓕᕐᓂᒃ, ᐊᕕᖓᕐᓂᒃ, ᑰᑰᓯᓐᓂᒃ ᐃᑭᐅᕕᖕᒥ ᑭᓯᐊᓐᓂ ᐴᖃᑎᐊᕐᓗᑎᒃ ᐊᒪ ᐃᒃᓯᕙᐅᑕᐅᑉ ᐊᑖᓐᓄᑦ ᐃᓕᔫᓪᓗᐊᕐᓗᑎᒃ.
ᓂᕐᔪᑎᑉ ᐴᖓ ᑎᒍᒥᐊᕆᐊᓕᒃᑐᑦ ᐃᓱᒪᒋᔭᐅᖕᒪᑦ ᐊᑕᐅᓰᕐᓗᓐᓂ ᐊᑭᖃᕐᓂᐊᖅᐳᖅ $78.75.
- ᑎᒍᑦ ᐃᓂᖃᕆᐊᓖᑦ ᖃᖓᑕᓲᒻᒧᑦ ᐊᖏᖅᑕᐅᓯᒪᔪᒻᒥ ᕿᒻᒥᐅᓯᕕᖕᒥ (ᑕᑯᓗᒋᑦ ᓂᕐᔪᑎᑦ ᓇᒃᓴᒐᐅᓱᖅᑐᑦ ᐊᑖᓐᓂ).
- ᕿᒻᒥᐅᓯᕕᒃ ᐊᖏᓂᖓ ᐅᖓᑖᓂᓯᐅᕆᐊᖃᖏᓚᖅ 10 ᐃᓐᔅᓯᔅ x 16 ᐃᓐᔅᓯᔅ x 12 ᐃᓐᓯᔅ ᐊᒪ ᐅᖁᒪᐃᓐᓂᖓ ᐅᖓᑖᓂᓯᐅᖏᓗᓐᓂ 20 ᐸᐅᓐᔅ.
- ᓂᕐᔪᑕᐅᓯᕕᖕᒥᓯᐅᕆᐊᓖᑦ, ᐃᒃᓯᕙᐅᑕᐅᑉ ᐊᑖᓐᓂ ᖃᖓᑕᓂᓗᒃᑖᒻᒥ.
- ᕿᒻᒥᐅᓯᕕᒃ ᐊᑕᐅᓯᕐᒥᒃ ᐃᓗᓕᖃᕆᐊᖃᖅᐳᖅ.
- ᓂᕐᔪᑎᑦ ᐊᔪᕈᑎᖃᕐᓂᖅᐸᑕ ᐱᔨᑦᓯᒐᐅᔫᓗᐊᖅᐳᑦ ᐊᑭᖃᖏᒥᐊᕐᓗᑎᒃ, ᐊᔪᕈᙱᖃᕐᒪᑕ ᑎᑎᖃᒻᒥᒃ ᐱᓯᒪᒥᐊᖅᐸᑕ.
- ᓄᓇᑉ ᓂᕐᔪᑎᖏᑦ (ᖁᐱᕈᑦ ᐊᒪ ᓕᓴᑦ) ᐊᓯᖏᓪᓗ ᐊᕕᖓᐃᑦ, ᑎᕆᐊᑦ, ᐊᓯᖏᓪᓗ ᓄᓇᑉ ᓂᕐᔪᑎᖏᑦ ᐃᑭᒪᓂᖅ ᐃᒃᓯᕙᐅᑕᓐᓂ ᐊᔪᖅᐳᑦ.
ᑎᒍᐊᑦ ᐱᖁᑕᐅᓯᕕᖕᒥ
ᑎᒍᐊᑦ ᐃᑭᒪᖃᑕᐅᓂᐊᕐᒪᑦ ᐃᓕᖕᓂ ᐃᓂᖃᕐᓂᐊᖅᓗᓐᓂ ᓯᓚᖓ ᐊᐅᓚᑕᐅᑉᓗᓐᓂ ᐊᓂᖅᓵᖅᑐᕐᕕᖃᑎᐊᕐᓗᓂᓗ ᐱᖁᑕᐅᓯᕕᖕᒥ.
ᐊᑕᐅᓯᕐᒧᐃᓇᖅ ᐊᑭᖃᕐᓂᐊᖅᐳᖅ ᓂᕐᔪᑦ ᓇᒃᓴᒐᐅᔪᖅ ᓇᓕᐊᒥᐊᖅ ᐅᑯᐊ ᐊᑭᒃᓴᖓ ᐊᑐᒐᐅᓗᓐᓂ:
- $78.75 ᓂᕐᔪᑎᑉᓗ ᐃᓂᖓᑕᓗ ᐅᖁᒪᐃᓐᓂᖓ 70 ᐸᐅᓐᔅ ᐅᕙᓘᓃᑦ ᒥᒃᓵᓐᓂ.
- $157.50 ᐅᖓᑖᓂᓯᐅᕐᓂᖅᐸᑕ ᐅᖁᒪᐃᓐᓂᖓ ᓂᕐᔪᑎᑉ ᐃᓂᖃᕐᕕᖓᑕᓗ 70 ᐸᐅᓐᔅ.
ᐅᑯᐊ ᖃᐅᔨᒪᔭᕆᐊᓖᑦ:
- ᑎᒍᐊᑦ ᐃᓂᑲᖅᑎᑕᐅᔭᕆᐊᖃᖅᐳᑦ ᖃᖓᑕᓲᒧᑦ ᐊᖏᖅᑕᐅᓯᒪᔪᒻᒥ (ᑕᑯᓗᒋᑦ ᐅᓯᔨᑦ ᒪᓕᒐᖏᑦ ᐊᑖᓐᓂ).
- ᕿᒥᓗᐊᕐᔪᐃᑦ/ᐳᓯᑦ ᑕᕿᖃᖅᑐᑦ 6 ᐊᑖᓐᓂ ᑲᑎᒪᓗᑎᒃ ᐃᑭᐅᔪᖕᓇᖅᐳᑦ ᐱᖓᓲᔪᓪᓗᐊᕐᓗᑎᒃ ᕿᒻᒥᐅᓯᕕᖕᒥ ᐊᑕᐅᓯᕐᒥ.
- ᐅᖓᑕᐅᖏᓗᒋᑦ ᒪᕉᒃ (2) ᕿᒻᒦᒃ ᐳᓯᒡᓘᓃᑦ ᐊᑕᐅᓯᕐᒥᓯᐅᕈᖕᓇᖅᐳᒃ ᐅᖁᒪᐃᓐᓂᖃᖏᐸᓐᓂᒃ ᐊᑕᐅᓯᖅ 31 ᐸᐅᓐᔅᒥᒃ. ᓂᕐᔪᑦ ᐅᖁᒪᐃᓂᖃᖅᐸᑦ 31 ᐸᐅᓐᔅ ᐅᖓᑖᓂᓘᓃᑦ ᓇᖕᒥᓂᖅ ᐃᓂᖃᕆᐊᖃᖅᐳᖅ.
- ᐃᓄᒃ ᐃᓚᒌᓘᓃᑦ ᐊᑕᐅᓯᕐᒥᒃ ᓂᕐᔪᑕᐅᓯᕕᖃᕆᐊᖃᖅᐳᑦ.
- ᒥᐊᓂᕆᔭᐅᖏᑐᑦ ᓂᕐᔪᑎᑦ ᐱᖁᑎᓐᓂ ᐊᐅᓚᖅᑎᑕᐅᓂᐊᖅᐳᑦ.
ᓂᕐᔪᑎᑦ ᐊᐅᓚᖅᑎᑕᐅᓂᖏᑦ ᒪᓕᒐᖃᖅᐳᑦ ᐅᖁᒪᐃᓐᓂᖏᓐᓂᒃ ᒥᐊᓂᕆᔭᐅᖏᐸᑕ ᖃᑉᓯᐅᓂᖏᓐᓂᒃᓗ ᑕᑉᑯᐊ ᒪᓕᒐᐃᑦ ᐊᑐᒐᐅᕗᑦᑕᐅᖅ ᐊᓯᖏᓐᓄᑦ ᓂᕐᔪᑎᓐᓄᑦ ᐃᑭᒪᑎᑕᐅᔪᓐᓄᑦ.
ᑲᐋᒻᒥᐊᒃᑯᑦ ᐱᖁᑎᓕᕆᔨᖏᑦ ᖃᐅᔨᒋᐊᕐᓗᒋᑦ ᒪᓕᒐᖏᓐᓂᒃ ᑐᑭᓯᓱᐊᕈᕕᑦ ᓂᕐᔪᑎᑦ ᐃᓂᖃᖅᑎᑕᐅᓂᖏᓐᓄᑦ.
ᓂᕐᔪᑎᑦ ᐃᓂᖃᕐᕕᖏᑦ
ᐅᑯᐊ ᒪᓕᒐᒃᓴᑦ ᐊᑐᖁᔭᐅᓯᒪᕗᑦ:
- ᐊᕿᑦᑐᒻᒥᒃ ᓴᓂᕋᖃᕆᐊᖃᕐᒪᑦ ᕿᒻᒥᐅᓯᕕᒃ ᖃᖓᑕᓲᒥ ᐱᖁᑕᐅᓯᕕᖓᓂ ᐃᓂᖃᕐᓂᐊᕐᓗᓐᓂ.
- ᓯᑎᔪᒻᒥᒃ ᓴᓂᕋᓖᑦ ᐃᑭᑎᑕᐅᔪᓪᓗᐊᖅᐳᑦ ᑭᓯᐊᓐᓂ ᑭᓪᓚᖃᕆᐊᖃᖅᐳᑦ ᓂᕐᔪᑎᑉ ᐊᓂᖅ]ᒡᓴᖅᑐᕐᕕᒃᓴᖏᓐᓂᒃ. ᕿᒻᒦᑦ ᐃᓂᖏᑦ ᓴᕕᖕᓂᒃ ᓴᓇᓯᒪᔪᑦ ᐊᑐᖁᔭᐅᖏᑐᑦ.
- ᓂᕐᔪᑕᐅᓯᕖᑦ ᐋᕿᐅᒪᑎᐊᕐᓗᑎᒃ, ᖃᓄᐃᖏᑎᐊᕐᓗᑎᒃ ᐊᒻᒪ ᑯᑐᒃᑕᖏᓗᑎᒃ ᐊᓯᐊᓐᓄᑦ.
- ᓂᕐᔪᑎᑦ ᐊᓂᒥᐊᖁᔭᐅᓯᒪᖏᑐᑦ ᐃᓂᒋᔭᖏᓐᓂᑦ.
- ᓂᕐᔪᑎᑉ ᐃᓂᒋᔭᖓ ᐊᖏᔫᓗᓐᓂ ᐃᓂᖃᑎᐊᕆᐊᖃᖅᐳᖅ ᓂᑯᕕᑦᑑᓗᐊᕐᓗᓐᓂ, ᐊᓯᐊᓄᑦ ᓅᑑᓗᐊᕐᓗᓐᓂ ᐊᒻᒪ ᓇᓪᓚᖓᑎᐊᖅᑑᓪᓗᐊᕐᓗᓐᓂ. ᐊᔪᕐᓂᖅᐸᑦ ᑕᑉᑯᐊ ᐋᕿᒐᐅᓂᖏᑦ, ᐅᓯᔭᐅᓂᖅ ᐊᔪᕐᓂᐊᖅᐳᖅ.
- ᐊᒃᓴᓗᐊᖏᑦ ᐲᖅᓯᒪᔭᕆᐊᖃᖅᐳᑦ ᓂᕐᔪᑎᑉ ᐴᖓᑕ ᐃᑭᓚᐅᖏᓂᖓᓐᓂ.
ᖃᐅᔨᒪᔪᑏᑦ ᑎᒍᐊᖅ ᐋᕿᒃᓱᕐᓂᐊᕐᓗᒍ ᐊᐅᓚᕐᓂᐊᕐᓂᖓᓄᑦ
- ᐊᑐᖁᔭᐅᓯᒪᕗᖅ ᐊᕿᒃᓱᕐᓗᒍ ᐃᓂᒋᔭᐅᓂᐊᖅᑐᖅ ᐊᐅᓚᐃᔭᐅᓂᐊᖅᑐᕐᓗ ᓯᕗᓂᖓᓂ ᐃᑭᔭᐅᓂᖓᑕ.
- ᐃᒥᖅᑎᑕᕐᓗᒍ ᓯᕗᓂᖓᓂ ᐃᑭᓚᐅᖏᓂᖓᓐᓂ ᖃᖓᑕᓲᒻᒧᑦ. ᐊᑐᐃᓐᓇᐅᑎᑦᓯᓗᑎᑦ ᐃᒥᕐᕕᒃᓴᖓᓐᓂᒃ ᕿᒻᒥᐅᓯᕕᐅᑉ ᐃᓄᓗᐊᓐᓂ ᐱᔨᓐᓄᑦ ᐃᒥᖅᑎᑕᐅᑦᑕᕐᓂᐊᕐᒪᑦ ᐅᑕᕿᑯᑖᓕᕐᓂᖅᐸᑦ ᖃᖓᑕᓲᖅ. ᐃᒥᕐᕕᖓ ᐃᒪᐃᕈᑎᓗᒍ ᖃᖓᑕᑎᓪᓗᒍ ᑯᕕᔪᒫᖏᒻᒪᑦ.
- ᒥᑦᑕᒃᕕᖕᒧᓕᐊᓚᐅᖏᓂᕐᓂ ᑎᒍᐊᕆᔭᑦ (ᕿᑉᒦᑦ) ᐱᓱᒃᑎᑦᓯᐊᓚᐅᕐᓗᒍ.
- ᑲᐴᑎᑦ ᐊᓯᖏᓪᓗ ᐃᔅᖢᐊᖅᓴᐅᑎᑦ ᐊᑐᖁᔭᐅᓯᒪᖏᑐᑦ. ᓂᕐᔪᑎᑦ ᐃᔅᖢᐊᖅᓴᐃᔨᖓᑦ ᖃᐅᔨᒋᐊᕐᓗᒍ.
- ᕿᒻᒥᐅᓯᕕᐅᑉ ᓇᑎᖓ ᐊᕿᑦᑐᒻᒥᒃ ᐃᔾᓕᕆᓗᒍ ᕿᐱᖕᒥᒡᓘᓃᑦ.
- ᐱᓇᐃᑎᐊᕐᓗᒍ ᑭᓯᐊᓐᓂ ᐱᓇᐃᕈᑎᖓ ᐃᓕᖑᓗᒍ, ᐱᔨᐅᔪᖅ ᑐᐊᕕᕐᓇᖅᑐᖃᓕᖅᐸᑦ ᕿᒻᒦᑦ ᑎᒍᔭᕆᐊᖃᕈᒫᕐᒪᒍ.
- ᐱᖑᐊᕐᒥᒃ ᖁᕕᐊᒋᔭᖓᓐᓂᒃ ᐃᓕᓯᓗᑎᑦ ᕿᒻᒦᑦ ᓄᖃᖓᓂᖅᓴᐅᓇᔭᖅᐳᖅ.
- ᐊᑎᖓ ᑭᒻᒥᐅᑉ ᑎᑎᕋᕐᓗᒍ ᓇᖕᒥᓂᖅᑲᖅᑐᑉᓗ ᐊᑎᖓ ᑐᕌᕈᙱᖓᓗ ᐃᓚᒃᓯᐊᓕᖅᐸᒍ ᐱᔨᐅᑉ ᖃᐅᔨᒪᔪᒫᒃᒪᑦ ᑭᓇᒻᒧᑦ ᐱᒋᔭᐅᖕᒪᖔᑦ.
- ᑲᐋᒻᒥᐊ ᐱᔪᑕᐅᓚᖏᒪᑕ ᑎᒍᐊᖅ ᓂᕆᑎᑕᐅᓂᖓᓐᓂᒃ ᐃᑭᒪᑎᓪᓗᒍ.
ᓇᔾᔨᔪᑦ ᓂᕐᔪᑎᑦ, ᕿᒻᒥᓗᐊᕐᔨᒋᐊᒥᔪᓪᓗ ᐱᓇᓱᐊᕈᓯᕐᓂᒃ 8−ᓂᒃ ᓯᕗᓂᖓᓂᓘᓃᑦ ᐃᑭᐅᔭᕆᐊᖃᖏᓚᑦ ᑎᖕᒥᓲᒻᒥ ᓈᒻᒪᒍᖕᓇᐃᖅᓯᓇᕆᐊᖃᕐᓂᖏᓐᓂᒃ. ᓂᕐᔪᑎᑦ ᐃᔅᖢᐊᖅᓴᐃᔨᖓᑦ ᖃᐅᔨᒋᐊᕐᓗᒍ.