ᑭᖑᕙᕐᓂᑯ ᐊᒻᒪ ᓱᕋᒐᐅᓐᓂᑯ ᕿᔪᖁᑦ - Delayed and Damaged Baggage
ᑭᖑᕙᕐᓂᑯᑦ ᕿᔪᖁᑎᑦ
ᓇᓂᓂᕐᒥᒃ ᕿᔪᖁᑎᑦ ᑎᑭᓯᒪᓕᕐᓗᑎᑦ ᐊᔪᕈᖕᓂ, ᐅᖃᐅᓯᕆᓂᐊᖅᐸᑦ ᑲᐊᒻᒥᐊᒃᑯᑦ ᐱᓕᕆᔨᖓᓐᓄᑦ, ᖃᐅᔨᓴᒐᐅᓂᐊᕐᒪᑦ ᓇᓂᓯᐅᕐᓂᖓᓐᓂᒃ.
ᐃᖃᓇᐃᔭᖅᑎ ᐃᑭᒪᓚᐅᖅᑐᒻᒥᒃ ᐃᑲᔪᕐᓂᐊᕐᒪᑦ ᑕᑕᑎᕆᑎᓪᓗᒍ ᕿᔪᖁᑎᖓᑕ ᐊᓯᐅᓐᓂᖓᓐᓂᒃ ᐊᒻᒪ ᑐᓴᐅᒪᑎᑦᓯᓕᕐᓗᓐᓂ ᓇᓂᓯᐅᕐᓂᖓᓐᓂᒃ ᕿᓂᖅᑕᐅᓗᓂᓗ ᖃᓄᑐᐃᓐᓇᖅ ᑐᓴᐅᒪᑎᑕᐅᔪᒪᓐᓂᕈᒻᒥ ᐃᑭᒪᓚᐅᖅᑐᖅ. ᐊᑐᕆᐊᖃᖅᑐᑦ ᕿᔪᖁᑎᖓ ᐱᑕᖃᖏᑎᓪᓗᒍ ᐊᑐᐃᓐᓇᐅᓂᐊᖅᐳᑦ ᐊᐃᓯᒪᖏᐸᑦ ᐱᖁᑎᖃᖏᐸᓪᓗ ᑎᒍᒥᐊᒐᕐᒥᓂ.
ᐃᑭᒪᓚᐅᖅᑐᖅ ᐅᑎᕐᕕᐅᔪᖕᓇᕐᓂᐊᖅᐳᖅ ᕿᔪᖁᑎᒥᓐᓄᑦ ᐊᑭᒡᓕᓚᐅᕐᓂᖅᐸᑦ. ᐃᑭᒪᓚᐅᖅᑐᑦ ᐅᑎᕐᕕᐅᔪᒪᔪᑦ ᕿᔪᖁᑎᒥᖕᓂᒃ ᐊᑭᒡᓕᓚᐅᕐᓂᕈᒥᒃ ᖃᐅᔨᒋᐊᕈᖕᓇᖅᐳᑦ ᑲᐊᒻᒥᐊᒃᑯᑦ ᐃᖃᓇᐃᔭᖅᑎᖏᓐᓂᒃ ᐅᖃᓗᒡᓗᑎᒃ 1-800-839-2256. ᐊᑭᓖᓐᓂᑯᑦ ᑐᓂᔭᕆᐊᖃᕐᒪᑕ ᐃᓗᐊᓐᓂ 21 ᐅᑉᓗᑦ ᐊᓯᐅᑉᕕᓚᐅᖓᓐᓂᑦ ᕿᔪᖁᑎᖓᑕ, ᐅᑯᓂᖓ ᐱᑕᖃᕆᐊᖃᕐᓗᑎᒃ:
- ᐊᑭᓖᓐᓂᑯᓂᒃ ᐊᓕᓚᔪᓐᓂᒃ ᐅᑎᕐᕕᐅᓱᐊᕐᓂᖅᐸᑦ.
- ᐊᔨᖓᓐᓂᒃ ᕿᔪᖁᑎᑉ ᑎᑎᖃᐅᑎᖓᑕ ᑎᑎᕋᖅᑕᐅᓯᒪᔪᒻᒥᒃ.
- ᐃᑭᓂᐊᕐᓗᓐᓂ ᐊᓕᓚᔪᑦ ᑐᓂᔭᕆᐊᓖᑦ ᐊᒪ ᕿᔪᖁᑎᖓᑕ ᐊᓕᓚᔪᖏᓐᓂᒃ.
ᑲᐊᒻᒥᐊᒃᑯᑦ ᐅᓄᖅᑐᖅᑕᖅ ᐊᑭᓕᖅᑑᓗᐊᖅᑕᖓᑦ ᑭᖑᕙᕐᓂᑯᒻᒧᑦ, ᐊᓯᐅᓐᓂᑯᒻᒧᑦ, ᓱᕋᒐᐅᓐᓂᑯᒧᓪᓗ $2,400.00 ᑲᓇᑕᒻᒥ ᐃᓄᖕᒧᑦ (ᐅᕙᓘᓃᑦ 1,288 SDR's - ᓂᕈᐊᕈᒻᒧᑦ ᐱᔪᖕᓇᐅᑎᖏ), ᕿᔪᖁᑎᖓ ᐱᔪᑕᐅᓗᓐᓂ ᐅᑎᕐᕕᐅᔪᒪᓐᓂᖅᐸᑦ.
ᓱᕋᒃᓯᒪᔪᖅ ᑭᔪᖁᑦ
ᕿᔪᖁᑎᖓ ᓇᓂᔭᐅᖏᓂᖅᐸᑦ ᐃᓗᐊᓐᓂ 21 ᐅᑉᓗᑦ ᑐᓂᔭᕆᐊᖃᕐᕕᖓᓐᓂᑦ, ᐃᓱᒪᒋᔭᐅᓂᐊᖅᐳᖅ ᐊᓯᐊᖕᒪᑦ. ᐃᑭᒪᓚᐅᖅᑐᖅ ᐅᑎᕐᕕᐅᓂᐊᖅᐳᖅ ᐊᑭᓖᓐᓂᑯᓚᐅᒥᓂᒃ ᕿᔪᖁᑎᖓ ᓇᓂᖏᑕᐃᓐᓇᕐᓂᖅᐸᑦ ᑲᐊᒻᒥᐊᒃᑯᑦ ᐊᑭᓕᐅᑎᖓ ᐅᓄᖅᑐᖅᑕᖅ ᒪᓕᒡᓗᒍ.
ᐃᑭᒪᔪᑦ ᐅᖃᕆᐊᖃᕐᓂᖅᐸᑦ ᕿᔪᖁᑎᖏᑦ ᓱᕋᒐᐅᓂᖕᓐᓄᑦ ᐱᐅᓂᖅᓴᐅᕗᖅ ᓇᖕᒥᓂᖅ ᐅᖃᕆᐊᖅᑐᕐᓗᑎᒃ ᑎᑭᑐᐊᕈᒻᒥᒃ (ᐃᑭᒪᓚᐅᖅᑐᑦ ᐅᑉᓗᓐᓂᒃ 7−ᓂᒃ ᐅᖃᕆᐊᖃᖅᐳᑦ ᑎᑎᖃᒥᒃᓗ ᐅᑎᕐᕕᐅᔪᒪᓂᕐᒧᑦ ᑐᓂᓯᓗᑎᒃ ᕿᔪᖁᑎᓂ ᐅᑎᖅᑎᑕᐅᓐᓂᖅᐸᑦ).
ᐃᖃᔪᖅᑎ ᐃᑭᒪᓚᐅᖅᑐᒻᒥᒃ ᐃᑲᔪᕐᓂᐊᕐᒪᑦ ᓱᕋᒃᓯᒪᔪᒻᒥᒃ ᕿᔪᖁᒻᒥᒃ ᐅᑎᕐᕕᐅᓱᐊᖅᑐᒻᒧᑦ, ᕿᔪᖁᑎᖓ ᖃᐅᔨᓴᕐᓗᓂᐅᒃ ᐊᒪ ᑎᑎᕋᖅᓯᒪᔪᑦ ᐊᐅᓚᖅᑎᓪᓗᓂᐅᒃ.
ᑲᐊᒻᒥᐊᒃᑯᑦ ᐅᓄᖅᑐᖅᑕᖅ ᐊᑭᓕᖅᑑᓗᐊᖅᑕᖓᑦ ᑭᖑᕙᕐᓂᑯᒻᒧᑦ, ᐊᓯᐅᓐᓂᑯᒻᒧᑦ, ᓱᕋᒐᐅᓐᓂᑯᒧᓪᓗ $2,400.00 ᑲᓇᑕᒻᒥ ᐃᓄᖕᒧᑦ (ᐅᕙᓘᓃᑦ 1,288 SDR's - ᓂᕈᐊᕈᒻᒧᑦ ᐱᔪᖕᓇᐅᑎᖏ), ᕿᔪᖁᑎᖓ ᐱᔪᑕᐅᓗᓐᓂ ᐅᑎᕐᕕᐅᔪᒪᓐᓂᖅᐸᑦ.
ᖃᐅᔨᒋᐊᕈᑎᑦ
ᖁᕕᐊᓱᖕᓂᐊᖅᐳᒍ ᐃᑲᔪᕐᓂᐊᕐᓗᑎᑦ ᐃᓱᒫᓘᑎᖕᓂᒃ ᐊᐱᖁᑎᖕᓂᒃᓗ ᑭᖑᕙᕐᓂᑯ, ᐊᓯᐅᔭᐅᓐᓂᑯ ᐅᕙᓗᓂᑦ ᓯᖁᒥᑕᐅᓐᓂᑯ ᕿᔪᖁᑎᕕᑦ. ᐃᑭᒪᔪᑦ ᐅᖃᓗᒍᖕᓇᖅᐳᖅ ᑲᐊᒻᒥᐊᒃᑯᓐᓄᑦ 1-800-839-2256, ᐃᖃᓇᐃᔭᖅᑎᕗᑦ ᖁᕕᐊᓱᖕᓂᐊᕐᒪᑕ ᐃᑲᔪᕐᓗᑎᒃ ᑐᑭᓯᓱᐊᑲᖅᓂᒃ, ᑐᓂᓯᓗᑎᓪᓘᓃᑦ ᑭᔪᖁᒻᒧᑦ ᑐᒃᓯᕋᐅᒻᒥᒃ ᑕᑕᑎᕆᐊᓕᖕᒥᒃ.
ᑐᑭᓯᑲᓂᕈᑎᑦ ᑭᖑᕙᖅᑐᑦ ᐅᕙᓗᓂᑦ ᓯᖁᒥᑕᐅᔪᑦ ᕿᔪᖁᑎᑦ, ᑕᑯᒋᐊᕐᓂᐊᖅᐳᑎᑦ ᖃᖓᑕᓲᑦ ᒪᓕᒐᖏᓐᓂ ᓈᓴᐅᑎᖓ 27 (ᑭᒡᓕᖃᕐᓂᖓ ᐊᑭᓖᔪᑎᖓᑕ ᑐᒃᓯᕋᕐᕕᐅᓂᖏᓐᓄᑦ).