ᓂᕐᔪᑎᑦ ᐅᓯᔭᐅᓂᖏ - Live Animals

ᐸᐃᕆᔭᐅᖏᑐᑦ ᓂᕐᔪᑎᑦ ᑎᒍᐊᑦ – ᐱᖁᑎᓐᓂ ᐊᐅᓪᓚᖅᑎᑕᐅᓱᕐᒪᑕ

ᑲᐋᒻᒥᐊᒃᑯᑦ ᖃᖓᑕᓲᖏᑦ ᖃᓄᐃᓇᖏᑐᓐᓂᒃ ᐊᑐᐃᓐᓇᐅᑎᑦᓯᑉᓗᑎᒃ ᓂᕐᔪᑎᓂᒃ ᐅᓯᔫᓪᓗᐊᕐᓗᑎᒃ ᐱᖁᑎᓐᓂᓯᐅᕐᓗᑎᒃ ᓯᕗᓂᖓᓂ ᑐᓴᖅᑎᑕᐅᒍᒻᒥᒃ.

ᑎᒍᐊᕆᔭᐃᑦ ᐃᑭᒪᖃᑎᒋᓂᐊᖏᓗᒍ, ᐅᖁᒪᐃᓂᖓᓗ 70 ᐸᐅᔅ ᐅᖓᑖᓂᓯᐅᖅᐸᑦ ᕿᒻᒥᐅᑉ ᐃᓂᒋᔭᖓᓗ, ᐱᖁᑎᓐᓂ ᐊᐅᓚᐃᔭᐅᔪᒃᓴᓐᓂ ᑭᓯᐊᓐᓂ ᐃᓂᖃᕆᐊᖃᖅᐳᖅ. ᓯᕗᓪᓕᐅᓗᑎᒃ ᐃᑭᔭᕆᐊᖃᖅᑐᑦ ᐱᖁᑎᑦ ᐊᑭᖏᑦ ᑐᖓᕕᖃᕐᒪᑕ ᐃᑭᒪᓂᐊᖅᑐᑉ ᐅᖁᒪᐃᓐᓂᖓᓐᓂ ᐊᖏᓂᖓᓂᒡᓗ ᓂᕿᔪᑎᑦ ᐊᐅᓚᐃᔭᐅᓂᐊᖅᑐᑦ.

  • ᓂᕐᔪᑦ ᐊᐅᓚᐃᔭᐅᓂᐊᖅᑐᖅ ᐊᐅᓪᓚᖅᑐᒃᓴᑦ ᑎᑎᕋᕐᕕᖓᓄᑦ ᐊᒡᔭᒐᐅᔭᕆᐊᖃᖅᐳᖅ ᐃᑲᕋᒃ ᒪᕉᒃ ᓯᕗᓂᖓᓂ ᐊᐅᓚᓚᐅᖏᓂᖓᑕ ᑎᖕᒥᓲᑉ.
  • ᓂᕐᔪᑎᑦ ᐃᑭᐅᓂᐊᖅᑐᑦ ᐊᑭᒃᓴᖓᑦ ᐋᕿᑭᒐᐅᓂᐊᖅᐳᖅ ᐅᖁᒪᐃᓐᓂᖓ ᒪᓕᒐᐅᓗᓐᓂ.
  • ᓂᕐᔪᑎᐅᑉ ᐃᓂᒋᓚᐅᖅᑕᖓ ᐅᑎᖅᑎᑕᐅᔭᕆᐊᓕᒃ ᐊᐅᓚᐃᔭᐅᓗᓐᓂ ᐊᐃᔭᐅᓗᓂᓘᓃᑦ ᓇᖕᒥᓂᖃᖅᑐᒻᒧᑦ.
  • ᐊᑭᖓᑕ ᐊᓯᐊᖑᕈᑎᖏᑦ ᕿᒻᒥᐅᓯᕕᐅᑉ ᐃᑭᐅᓂᖓᑕ ᓯᕗᓂᖓᓂ ᐊᑭᓕᖅᐸᒌᕆᐊᖃᖅᐳᑦ ᐊᐅᓚᖅᑎᑕᐅᓚᐅᖏᓂᖓᓐᓂ.
  • ᓂᕐᔪᑎᑦ ᖃᑉᓯᐅᓂᖏᓐᓂᒃ ᐃᑭᒪᔪᖃᕆᐊᖃᕐᒪᑦ ᐱᐅᓂᖅᓴᐅᕗᖅ ᓯᕗᓂᖓᓂ ᖃᐅᔨᒋᐊᕐᓗᑎᑦ ᕿᒻᓂᖁᑏᑦ ᐃᓂᖃᖅᑎᑕᐅᓂᐊᕐᒪᖔᑦ ᑕᒫᓐᓂ ᐃᑲᕋᑦ 24 ᐃᓗᐊᓐᓂ ᖃᖑᑕᓚᐅᖏᑎᓪᓗᒍ ᑎᖕᒥᓲᖅ. ᑎᒍᐊᑦ ᐃᓂᑲᖅᑎᑕᐅᔭᕆᐊᖃᖅᐳᑦ ᖃᖓᑕᓲᑉ ᐱᖁᑎᖏᓐᓂ ᓴᓂᕋᐃᑦ ᓯᑎᔫᓗᑎᒃ ᐊᒃᓴᓗᐊᖏᓪᓗ ᐲᖅᓯᒪᓗᑎᒃ.
  • ᕿᒥᓗᐊᕐᔪᐃᑦ/ᐳᓯᑦ ᑕᕿᖃᖅᑐᑦ 6 ᐊᑖᓐᓂ ᑲᑎᒪᓗᑎᒃ ᐃᑭᐅᔪᖕᓇᖅᐳᑦ ᐱᖓᓲᔪᓪᓗᐊᕐᓗᑎᒃ ᕿᒻᒥᐅᓯᕕᖕᒥ ᐊᑕᐅᓯᕐᒥ.
  • ᐃᓚᐅᔪᓪᓗᐊᖅᑐᒃ ᒪᕈᒃ ᕿᒻᒦᒃ ᐳᓯᒃᓘᓃᑦ ᐊᑕᐅᓯᕐᒥ ᕿᒻᒥᐅᓯᕕᖕᒥ ᐅᒋᐊᖏᒥᐊᖅᐸᓂᒃ ᐅᖁᒪᐃᓐᓂᖃᖏᐸᓂᒡᓗ 31 ᐸᐅᓐᔅ ᐊᑕᐅᓯᖅ. ᕿᒻᒥᖅ ᐊᓯᐊᓘᓃᑦ ᑎᒍᐊᖑᔪᖅ ᕿᒻᒥᐅᓯᕕᖃᕆᐊᓕᒃ ᐅᖁᒪᐃᓐᓂᖃᖅᐸᑦ 31 ᐸᐅᓐᔅ ᐅᖓᑖᓂᓘᓃᑦ.
  • ᐊᓯᖏᓐᓂᒃ ᒪᓕᒐᖅᑕᖃᕐᒪᑦ ᓂᕐᔪᑎᑦ ᐃᑭᒪᓂᖏᓐᓄᑦ (ᐊᑖᓂ ᑕᑯᓗᒋᑦ).

ᖃᐅᔨᒪᔭᒃᓴᑦ ᓂᕐᔪᒻᒥᒃ ᐃᑭᐅᑎᑦᓯᓂᐊᕐᓗᓐᓂ

ᑲᐋᒻᒥᐊᒃᑯᑦ ᐸᓯᔭᒃᓴᐅᓂᐊᖏᒪᑕ ᒥᐊᓂᖅᓯᓂᕐᒥᒃ ᓂᕆᑎᑦᓯᓂᕐᒥᒡᓗ ᐃᑭᐅᔪᓐᓂᒃ ᑎᒍᐊᕐᓂᒃ, ᐱᖁᔨᒐᓗᐊᖅᐳᑦ ᓯᕗᓂᖓᓂ ᑎᒍᐊᑦ ᓂᕆᑎᓪᓗᒍ ᐃᑭᑎᑕᐅᓚᐅᖏᓂᖓᓐᓂ. ᐅᑯᐊ ᐃᓱᒪᒋᔭᒃᓴᑦ:

  • ᑎᒍᐊᑦ ᓂᕆᑎᕙᒌᕐᓗᒍ ᐃᑲᕋᑦ ᓯᑕᒪᑦ ᐊᕐᕕᓂᓕᕋᓗᐃᑦ ᐊᐅᓚᓚᐅᖏᓂᖓᓐᓂ ᖃᖓᑕᓲᒻᒥ ᓈᒻᒪᒍᖕᓇᐃᕐᓂᐊᖏᒻᒪᑦ.
  • ᓇᔾᔨᔪᑦ ᓂᕐᔪᑎᑦ, ᕿᒻᒥᓗᐊᕐᔨᒋᐊᒥᔪᓪᓗ ᐱᓇᓱᐊᕈᓯᕐᓂᒃ 8−ᓂᒃ ᓯᕗᓂᖓᓂᓘᓃᑦ ᐃᑭᐅᔭᕆᐊᖃᖏᓚᑦ ᑎᖕᒥᓲᒻᒥ ᓈᒻᒪᒍᖕᓇᐃᖅᓯᓇᕆᐊᖃᕐᓂᖏᓐᓂᒃ. ᓂᕐᔪᑎᑦ ᐃᔅᖢᐊᖅᓴᐃᔨᖓᑦ ᐅᖃᖃᑎᒋᓗᒍ.
  • ᑎᒍᐊᑦ ᐃᒥᖅᑎᓪᓗᒍ ᐊᐅᓪᓚᕆᐊᕐᕕᖓ ᑎᑭᓪᓗᒍ. ᐊᑐᐃᓐᓇᐅᑎᑦᓯᓗᑎᑦ ᐃᒥᕐᕕᒃᓴᖓᓐᓂᒃ ᕿᒻᒥᐅᓯᕕᐅᑉ ᐃᓄᓗᐊᓐᓂ ᐱᔨᓐᓄᑦ ᐃᒥᖅᑎᑕᐅᑦᑕᕐᓂᐊᕐᒪᑦ ᐅᑕᕿᑯᑖᓕᕐᓂᖅᐸᑦ ᖃᖓᑕᓲᖅ. ᐃᒥᕐᕕᖓ ᐃᒪᐃᕈᑎᓗᒍ ᖃᖓᑕᑎᓪᓗᒍ ᑯᕕᔪᒫᖏᒻᒪᑦ.
  • ᒥᑦᑕᒃᕕᖕᒧᓕᐊᓚᐅᖏᓂᕐᓂ ᑎᒍᐊᕆᔭᑦ (ᕿᑉᒦᑦ) ᐱᓱᒃᑎᑦᓯᐊᓚᐅᕐᓗᒍ.
  • ᑲᐴᑎᑦ ᐊᓯᖏᓪᓗ ᐃᔅᖢᐊᖅᓴᐅᑎᑦ ᐊᑐᖁᔭᐅᓯᒪᖏᑐᑦ. ᓂᕐᔪᑎᓐᓄᑦ ᐃᔅᖢᐊᖅᓴᐃᔨ ᖃᐅᔨᒋᐊᕈᖕᓇᖅᐸᑦ.
  • ᕿᒻᒥᐅᓯᕕᐅᑉ ᓇᑎᖓ ᐊᕿᑦᑐᒻᒥᒃ ᐃᔾᓕᕆᓗᒍ ᕿᐱᖕᒥᒡᓘᓃᑦ.
  • ᐱᓇᐃᑎᐊᕐᓗᒍ ᑭᓯᐊᓐᓂ ᐱᓇᐃᕈᑎᖓ ᐃᓕᖑᓗᒍ, ᐱᔨᐅᔪᖅ ᑐᐊᕕᕐᓇᖅᑐᖃᓕᖅᐸᑦ ᕿᒻᒦᑦ ᑎᒍᔭᕆᐊᖃᕈᒫᕐᒪᒍ.
  • ᐱᖑᐊᕐᒥᒃ ᖁᕕᐊᒋᔭᖓᓐᓂᒃ ᐃᓕᓯᓗᑎᑦ ᕿᒻᒦᑦ ᓄᖃᖓᓂᖅᓴᐅᓇᔭᖅᐳᖅ.
  • ᐊᑎᖓ ᑭᒻᒥᐅᑉ ᑎᑎᕋᕐᓗᒍ ᓇᖕᒥᓂᖅᑲᖅᑐᑉᓗ ᐊᑎᖓ ᑐᕌᕈᙱᖓᓗ ᐃᓚᒃᓯᐊᓕᖅᐸᒍ ᐱᔨᐅᑉ ᖃᐅᔨᒪᔪᒫᒃᒪᑦ ᑭᓇᒻᒧᑦ ᐱᒋᔭᐅᖕᒪᖔᑦ.

ᕿᒻᒥᐅᓯᕖᑦ

ᖃᐅᔨᒪᔪᑏᑦ:

  • ᐊᕿᑦᑐᒻᒥᒃ ᓴᓂᕋᖃᕆᐊᖃᕐᒪᑦ ᕿᒻᒥᐅᓯᕕᒃ ᖃᖓᑕᓲᒥ ᐱᖁᑕᐅᓯᕕᖓᓂ ᐃᓂᖃᕐᓂᐊᕐᓗᓐᓂ.
  • ᓯᑎᔪᒻᒥᒃ ᓴᓂᕋᓖᑦ ᐃᑭᑎᑕᐅᔪᓪᓗᐊᖅᐳᑦ ᑭᓯᐊᓐᓂ ᑭᓪᓚᖃᕆᐊᖃᖅᐳᑦ ᓂᕐᔪᑎᑉ ᐊᓂᖅ]ᒡᓴᖅᑐᕐᕕᒃᓴᖏᓐᓂᒃ.
  • ᓂᕐᔪᑕᐅᓯᕖᑦ ᐋᕿᐅᒪᑎᐊᕐᓗᑎᒃ, ᖃᓄᐃᖏᑎᐊᕐᓗᑎᒃ ᐊᒻᒪ ᑯᑐᒃᑕᖏᓗᑎᒃ ᐊᓯᐊᓐᓄᑦ.
  • ᓂᕐᔪᑦ ᐃᓂᖓᓐᓂᒃ ᐊᓂᑎᑕᐅᓂᖅ ᐊᔪᕐᓂᐊᖅᑐᖅ.
  • ᕿᒻᒦᑦ ᐃᓂᖏᑦ ᓴᕕᖕᓂᒃ ᓴᓇᓯᒪᔪᑦ ᐊᑐᖁᔭᐅᖏᑐᑦ.
  • ᖃᖓᑕᓲᖅ ᐊᖏᓂᖓ ᓈᒻᒪᒋᐊᓕᒃ ᓂᕐᔪᑦ ᐅᐊᔪᖕᓇᕐᓗᓐᓂ ᖃᓄᑐᐃᓐᓇᖅ; ᓂᑯᕕᑦᑑᓗᐊᕐᓗᓐᓂ, ᐊᓯᐊᓄᓪᓗ ᐅᐊᔪᖕᓇᕐᓗ ᐊᒪ ᐃᓐᓇᖓᑎᐊᕈᖕᓇᕐᓗᓐᓂ. ᐃᓂᖓ ᐃᓂᑭᓗᐊᕐᓂᖅᐸᑦ ᓂᕐᔪᒻᒧᑦ ᐃᑭᑎᑕᐅᓂᖅ ᐊᔪᕐᓂᐊᖅᐳᖅ.
  • ᓂᕐᔪᑎᑉ ᐃᓂᒋᓂᐊᖅᑕᖓ ᐊᒃᓴᓗᐊᖃᕐᓂᖅᐸᑦ ᐃᑭᔭᐅᓚᐅᖏᓂᖓᓂ ᐲᖅᓯᒪᔭᕆᐊᖃᖅᐳᑦ ᐊᒃᓴᓗᐊᖏᑦ.
  • ᑎᒍᐊᕆᔭᐃᑦ ᐊᐅᓚᖅᑎᓂᐊᕈᖕᓂ ᖃᖓᑕᓲᒃᑯᑦ, ᑐᓴᖅᑎᑦᓯᔫᓪᓗᐊᖅᐳᑦ ᑲᐋᒻᒥᐊᒃᑯᑦ ᐱᖁᑎᓕᕆᔨᖏᑦ ᐃᑲᔪᕐᓂᐊᕐᒪᑕ ᑕᑉᑯᓂᖓ ᐊᐅᓚᐃᔭᕆᐊᓕᖕᓂᒃ.

ᑐᑭᓯᑲᓂᕈᐊᕐᓂᕈᕕᑦ, ᑐᓴᖅᑎᑦᓯᓂᐊᖅᐳᑎᑦ ᐱᖁᑎᑦ ᐅᓯᔭᐅᓂᖏᓐᓄᑦ ᑎᑎᕋᕐᕕᒃ.

ᐊᑭᖓ ᓇᓂᓯᐅᕐᓂᖓᓐᓂᒃ ᖃᐅᔨᒪᔪᑦ ᒥᑭᔪᖅ
ᐊᑭᑭᑐᖅᑕᖅ ᐊᑭᓕᒐᒃᓴᖅ
ᑐᒡᓕᐊ
ᐊᑭᑭᑐᖅᑕᖅ ᐊᑭᓕᒐᒃᓴᖅ
ᐊᖏᔪᖅ
ᐊᑭᑭᑐᖅᑕᖅ ᐊᑭᓕᒐᒃᓴᖅ
ᐊᖏᔪᖅᑕᖅ
ᐊᑭᑭᑐᖅᑕᖅ ᐊᑭᓕᒐᒃᓴᖅ
ᐊᐅᓚᐃᔭᐅᓂᖓ ᐊᑭᖃᖏᑐᖅ ᑭᓯᐊᓐᓂ ᖁᒻᒥᐅᓯᕕᒃ ᐅᑎᖅᑎᑕᐅᔭᕆᐊᓕᒃ $65.160 $71.676 $74.930 $78.192
ᕿᑉᒥᖅ ᐴᖓᓗ ᑕᒪᕐᒥᒃ ᑎᑭᑉᕕᖓᓐᓂ ᐊᐃᔭᐅᓗᑎᒃ $65.160 $71.676 $74.930 $78.192
ᕿᑉᒥᖅ ᐴᖓᓗ ᑕᒪᕐᒥᒃ ᑎᑭᑉᕕᖓᓐᓂ ᐊᐃᔭᐅᓗᑎᒃ $65.160 $71.676 $74.930 $78.192
ᕿᑉᒥᖅ ᐊᐃᔭᐅᑉᓗᓐᓂ ᑭᓯᐊᓐᓂ ᐴᖓ ᐅᑎᖅᑎᑦᓴᕆᐊᖃᖅᐳᖅ ᐊᐅᓚᐅᔭᐅᓗᓐᓂ $91.039 $100.143 $104.682 $109.171

ᑕᒪᕐᒥᒃ ᐊᑭᖏᑦ ᐊᑕᐅᓯᖅ ᑭᓗᒍᕌᒻ ᐅᖁᒪᐃᓐᓂᖓ. ᐊᑭᓗᓛᖅ ᐊᑭᓕᒃᓴᐅᔪᑦ ᐅᖓᑕᐅᓐᓂᖅᐸᑕ, ᑳᐊᒻᒥᐊᒃᑯᑦ ᐊᑭᓖᑎᑦᓯᓂᐊᖅᐳᑦ 0-100 ᑭᓗᒍᕌᒻᒥ ᐅᖁᒪᐃᓂᖓᓐᓂᒃ.

ᐊᑭᓖᑲᓂᕈᑎᖓ ᐊᑐᒐᐅᓂᐊᖅᐳᖅ ᐊᑕᐅᓯᕐᒥᒃ ᑭᓗᒍᕌᒻᒥᒃ ᐱᒋᐊᕐᓗᓐᓂ:

.5% ᓈᕝ ᑳᓇᑕᒃᑯᑦ ᐊᑭᓖᔪᑎᖓ

0.10 ᐊᑕᐅᓯᖅ ᑭᓗᒍᕌᒻ (ᒫᓂᑑᐸᒻᒥ ᖃᖓᑕᔪᑦ ᑭᓯᒻᓂᒃ)

5% ᔩᐃᔅᑏ (GST) ᖃᑎᓯᒪᓂᖓ