Winnipeg, MB
ᒫᓂᑑᐸᐅᑉ ᐃᓄᒋᐊᖅᑐᖅᑕᖓ ᑐᑦᑕᕐᕕᐅᑉᓗᓐᓂ ᐊᓯᓂᐳᐃᓐ ᑰᖓᓐᓂ ᐊᒻᒪ ᕆᑦ ᕆᕙ ᑰᖓᓂᓯᐅᖅᑐᖅ, ᑕᐃᔭᐅᑉᓗᓐᓂ ᕗᐊᒃᔅ. ᑕᒻᓇ ᓄᓇᒋᔭᐅᓕᓚᐅᖅᑐᖅ ᓄᓇᖃᖅᖃᖅᓯᒪᔪᓐᓄᑦ ᐅᖓᑖᓐᓂ 6000 ᐅᑭᐅᑦ ᐅᑉᓗᒥᐅᓕᖅᑐᕐᓗ ᐊᔨᖏᖏᑐᓐᓂᒃ ᐱᓕᕆᑉᕕᐅᕙᓕᖅᖢᓐᓂ ᑕᑯᔪᒥᓇᖅᑐᓐᓂᒃ. ᕕᓂᐱᒃ ᐊᒥᓱᓐᓂᒃ ᑕᑯᔭᖅᓴᖅᑕᖃᕐᒪᑦ ᓄᓇᓕᒐᔮᒃᑎᑐᑦ ᑕᑯᔭᒃᓴᐅᔫᓪᓗᐊᖅᑐᓐᓂᒃ ᑭᑐᒥᐊᓪᓗ ᖁᕕᐊᒋᔭᕐᒥᖕᓂᒃ ᓇᓂᓯᔫᓪᓗᐊᕐᒪᑕ ᕕᓂᐱᖕᒥ.
ᑐᓴᕐᓈᖅᑎᑕᐅᓐᓇᖅᑐᖅ, ᓂᐅᕕᕐᕕᒃᑕᓕᒃ ᐊᒥᓱᓐᓂᒃ ᐊᒪ ᐳᐃᒍᕐᓂᖅ ᐊᔪᕐᓇᖅᑐᓐᓂᒃ ᓱᓗᕿᓐᓇᕐᓗᓐᓂ ᐅᑭᐅᓗᒃᑖᖅ ᕕᓂᐱᖕᒥ. ᐅᑭᐅᒻᒥ ᑕᑭᔪᖅᑕᒻᒥᒃ ᓯᐊᕆᔮᕐᕕᒃᑕᖃᕐᓗᓐᓂ, ᐅᖂᓯᒃᓯᕐᕕᖃᖅᖢᓐᓂᓗ ᑕᑉᑯᐊ ᐃᓱᓕᐊᕆᔭᐅᓯᒪᑉᓗᑎᒃ ᐃᒡᓗᕐᔪᐊᕐᓂᒃ ᓴᓇᔨᐅᓱᖅᑐᓐᓄᑦ ᓯᓚᕐᔪᐊᕐᒥ. ᐊᐅᔭᒥᓕ ᐊᔨᖏᖏᑐᓐᓂᒃ ᓱᓕᕆᓐᓇᕋᓗᐊᕐᓗᓐᓂ ᖁᕕᐊᓇᖅᑐᓐᓂᒃ ᐃᓕᖁᓯᕐᓂᒡᓗ ᐊᔨᖐᖏᑐᓐᓂᒃ ᑕᑯᕋᓐᓈᖅᑎᑕᐅᓐᓇᕐᓗᓐᓂ, ᕗᓗᕋᒻᒪᑎᑐᑦ, ᑕᕆᔭᕐᕕᖃᖅᖢᓐᓂ ᐊᒻᒪ ᕕᓂᐱᖕᒥᐅᑦ ᕗᐆᒃᓂᒃ ᑐᓴᕐᓈᖅᑎᑦᓯᕙᒃᓗᑎᒃ.
ᑲᐋᒻᒥᐊᒃᑯᑦ ᐃᑲᔪᖅᑐᐃᕙᒃᐳᑦ ᐊᒥᓱᓐᓂᒃ ᕕᓂᐱᖕᒥ ᓱᓗᕿᕕᐅᔪᓐᓂᒃ ᕕᔅᑎᕗ ᑐᐆ ᕗᐃᔨᐊᒻᒥᒃ ᐊᕿᒃᓱᖅᑕᐅᔪᖅ ᓄᓇᓕᖕᒥᐅᓐᓄᑦ ᕕᓂᐱᒃ ᐅᑭᐅᖅᑕᖅᑐᒻᒧᑦ ᐃᓚᒋᔭᐅᖓᐃᓇᖁᑕᐅᓂᐊᖅᑐᓐᓂᒃ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᑲᓇᑕᐅᑉ ᐃᓄᖏᑕ ᐱᔪᖕᓇᐅᑎᖏᓐᓄᑦ ᑕᑯᕋᓐᓇᕐᕕᐅᔪᖅ − ᓯᕗᓪᓕᖅ ᑲᓇᑕᒻᒥ ᑕᑯᕋᓐᓇᕐᕕᒃ ᐊᑐᕙᑉ ᓯᓚᑕᓂᓯᐅᖅᑐᖅ ᑲᓇᑕᒥᐅᑉ ᐃᓄᖏᓐᓄᑦ ᐱᔪᖕᓇᐅᑎᖃᕈᑎᖏᓐᓄᑦ ᑕᑯᕋᓐᓇᕐᕕᐅᔪᖅ. ᓯᓚᑖᓐᓂᑦ ᑕᑯᓐᓈᕐᕕᒃᑕᓕᒃ ᑕᑯᔪᒥᓇᖅᑐᓐᓂᒃ ᐃᓗᓕᖃᖅᖢᓂ ᐃᓗᐊᓪᓕ ᑕᑯᕋᓐᓂᓗᐊᕕᒃᑐᓐᓂᒃ ᐃᓗᓕᖃᖅᖢᓂᑦᑕᐅᖅ ᓇᓐᕋᕐᓇᖅᑐᓐᓂᒃ.
ᕕᔅᖦᑎᕗ ᑐᐆ ᕗᐃᔨᐊᓪ ᔾ ᐅᑭᐅᑕᒫᑦ ᖁᕕᐊᓲᑕᐅᓱᖅᑐᖅ ᕕᓂᐱᖕᒥ ᕕᕕ ᓄᓇᖓᓐᓂ ᓴᐃᓐ ᐳᐊᓇᐸᔅᒥ. ᑐᐲᑦ ᓇᑉᐸᖅᑕᐅᓱᕐᒪᑕ ᓄᓇᓕᑐᖃᐅᑉ ᐃᓗᐊᓐᓂ ᕗᐊᑦ ᒋᕗᐊᑕᐋᒻᒥ ᕖᕕᑎᑐᑦ ᐃᓕᖁᓯᖏᓐᓂᒃ ᑕᑯᕋᓐᓈᕐᕕᐅᑉᓗᓐᓂ ᐊᐳᑎᓐᓂᒃ ᓴᓇᖑᐊᖅᐸᖕᒪᑕ ᐊᔪᖏᓂᖅᓴᐅᔪᒪᑉᓗᑎᒃ, ᓄᑕᖃᑦ ᐱᖑᐊᖅᑎᑕᐅᕙᒃᓗᑎᒃ, ᐊᒻᒪ ᐃᒻᖏᖅᑐᓐᓂᒃ ᑐᓴᕐᓇᖅᑎᑕᐅᕙᒃᖢᑎᒃ.