The Pas, MB
ᐊᑎᖃᖅᑐᖅᑕᐅᖅ W’passkwayaw, ᐊᑎᖃᓕᕐᓗᓐᓂ Opasquila, ᓚ ᐸᐋᓪ ᓄᓇᓕᖑᓚᐅᖅᑐᖅ 1912. ᐃᒪᕐᓗᖃᐅᑉᓗᓐᓂ ᓄᓇᓕᐅᓚᐅᖅᑐᖅ ᐅᓇᓪᓕᓄᑦ ᓇᔪᒐᐅᓚᐅᖅᖢᓐᓂ ᑲᑎᓯᖕᒪᑕ ᕼᐃᓐᓄᕆ ᑭᐅᓯᒻᒥᒃ ᓂᐅᕕᖅᑎᓐᓂ ᕼᐊᑦᓴᓐ ᐸᐃᒃᑯᓐᓂᒃ ᐃᑳᖅᑕᕐᕕᐅᔪᖅ ᐅᑎᐅᖅᑕᖅᑐᒻᒧᑦ, ᐱᖓᓱᐃᓕᖓᑉᓗᓐᓂ ᐊᕕᒃᑐᖅᓯᒪᔪᖅ: ᓚᐸᐋᓪ ᓄᓇᓕᖓ, ᐅᐸᔅᕙᔭᒃ ᐅᓇᓪᓕᑦ ᓄᓇᖁᑎᖓᑦ, ᐊᒻᒪ ᓄᓇᓕᒋᔭᐅᑉᓗᓐᓂ ᑭᐅᓯᒃᑯᓐᓄᑦ.
ᐊᖏᔪᓐᓂᒃ ᑕᓯᖃᖅᑐᖅ ᐊᒥᓱᓂᒡᓗ ᐊᔨᖏᖏᑐᓐᓂᒃ ᓂᕐᔪᑎᖃᖅᖢᓐᓂ. ᐅᑕᕿᑐᐃᓐᓇᖅᑐᖅ ᑕᑯᔭᖅᑐᒐᒃᓴᐅᑉᓗᓐᓂ ᓄᓇᖓ ᑎᑭᓵᓐᓄᑦ. ᑕᓯᖏᑦ ᓴᓗᒪᑎᐊᖅᑐᑦ, ᓄᓇᒻᒥ ᓯᓂᒃᑕᕐᕕᖕᒥᓯᐅᕈᖕᓇᕐᓗᓯ, ᐃᔅᓘᕋᕐᓂᒡᓗ ᐃᖃᓪᓕᓗᒍᖕᓇᖅᖢᓯ. ᑭᓕᐊᕗᐊᑕ ᑕᓯᖓ ᐊᒻᒪ ᕌᒃᑭ ᑕᓯᖓ ᐃᖃᓪᓕᐊᕕᒃᓴᑕᐅᔪᒃ ᓱᓇᑐᐃᓐᓇᖃᕐᒪᓂᒃ ᐅᑭᐅᖅᑕᖅᑐᒻᒥ ᑕᑯᔭᖅᑐᐃᔪᒪᑉᓗᓐᓂ.
ᑲᐋᒻᒥᐊᒃᑯᑦ ᐊᖏᔪᒻᒥᒃ ᐃᓂᖃᕐᒪᑕ ᓚ ᐸᐋᓪᒥ, ᓴᕿᑎᑦᓯᔨᐅᑉᓗᑎᒡᓗ ᑎᕆᖓᓂᐊᖅᓯᐅᖅᑎᑦ ᑕᑯᓐᓈᒐᒃᓴᓕᕆᔨᓐᓂ, ᓂᕆᕐᔪᐊᖅᑎᑦᓯᕙᖕᒪᑕ ᐊᒥᓱᓐᓂᒃ ᐊᒻᒪ ᐱᔫᓪᓗᐊᖅᑎᑦᓯᑉᓗᑎᒃ ᒫᓂᑑᐸᒥᐅᓐᓂᒃ ᓄᑕᐅᖏᑐᒻᒥᒃ ᐊᑐᒐᐅᕙᓚᐅᖅᓯᒪᔪᒻᒥᒃ ᑕᑯᓐᓈᖅᑎᑦᓯᓂᖓᓐᓂ. ᑲᐋᒻᒥᐊᒃᑯᑦ ᐃᑲᔪᖅᑐᐃᕙᖕᒥᔪᑦ ᕼᐋᑭᒃᑎᒪᕆᖕᓂᒃ OCN Blizzard ᐊᑎᖃᖅᑐᓐᓂᒃ ᐊᒥᓱᓂᒃ ᕿᑎᒃᐸᖕᒪᑕ ᐱᑖᖅᑎᑦᓯᕙᒃᓗᑎᒡᓗ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᑎᕆᖓᓂᐊᖅᓯᐅᖅᑎᑦ ᓇᓪᓕᐅᓂᖅᓯᐅᕐᓂᖓᑦ − ᐅᖓᑖᓐᓂ 70 ᐅᑭᐅᑦ ᐅᑭᐅᖅᑕᖅᑐᒻᒥ ᑎᕆᖓᓂᐊᖅᓯᐅᖅᑎᑦ ᓇᓪᓕᐅᓂᖅᓯᐅᖅᑎᑦᓯᑕᓕᕐᒪᑕ ᐃᓚᒌᓐᓂᒃ ᑲᑎᒪᑎᑦᓯᕚᓪᓕᕐᓂᕐᒧᑦ ᖁᕕᐊᓱᒃᑎᑦᓯᓂᕐᒧᓪᓗ ᐊᔨᖏᖏᑐᓐᓂᒃ ᖁᕕᐊᓲᑎᖃᖅᐸᒃᓗᑎᒃ. ᑕᑯᕋᓐᓈᖅᑎᑦᓯᓂᖅ ᓇᓪᓕᐅᓂᖅᓯᐅᕈᑕᐅᑉᓗᓐᓂ ᐃᑦᑕᕐᓂᓴᓕᕆᓂᕐᒧᑦ ᐃᓕᖁᓯᖓᓐᓄᓪᓗ ᒫᓂᑑᐸᒥᐅᑦ ᓄᓇᖃᖅᖄᖅᓯᒪᔪᖏᓐᓄᑦ.
OCN ᕼᐋᑭᒃᑎᖏᑦ − ᐅᐸᔅᕙᔭᒃ ᐅᓐᓇᓪᓕᑦ ᐊᓪᓚᐃᑦ ᕼᐋᑭᒃᑎᖏᑦ ᐊᖏᓂᖅᓴᓐᓂ ᒫᓂᑑᐸᒻᒥ ᕼᐋᑭᒃᑎᐅᔪᑦ. ᐊᒥᓱᓐᓂᒃ ᓵᓚᒃᓴᖅᓯᒪᖕᒪᑕ ᐱᖑᐊᖅᑑᓗᐊᓕᖅᑎᑦᓯᑉᓗᑎᒡᓗ NHL ᕼᐋᑭᒃᑎᖏᓐᓄᑦ ᔪᐊᑕᓐ ᑐᑐᒃ ᕼᐋᑭᒃᑎᐅᓚᐅᕐᒪᑐᑦ.
ᓴᐊᒻ ᕗᐊᓚ ᑕᑯᕋᓐᓈᕐᕕᖓ − ᐊᔨᖏᖏᑐᓐᓂᒃ ᑕᑯᕋᓐᓈᕐᕕᒃ ᓇᓐᕋᕐᓇᖅᑐᓐᓂᒃ ᓯᕗᓪᓕᕐᒥᒃ ᐃᖃᖅᑐᐃᕕᐅᓚᐅᖅᓯᒪᔪᒻᒥᒃ ᐱᑕᖃᕐᓗᓐᓂ ᐅᕙᓗᓂᑦ ᐱᓱᓗᒡᕕᒃᓴᐅᑉᓗᓐᓂ ᑕᑯᓐᕋᓐᓈᕐᓗᒍ ᑕᐃᑉᓱᒪᓐᓂ ᓄᓇᓕᖓᑦ ᖃᓄᐃᑑᓚᐅᕐᒪᖔᑦ ᑕᑯᔭᒃᓴᖅᑕᖃᕐᓗᓐᓂ.