Sanikiluaq, NU
ᓴᓂᑭᓗᐊᖅ ᓄᓇᕗᒻᒥ ᓂᒋᐊᓂᓯᐅᖅᑐᖅ ᓄᓇᕘᒻᒥ ᓯᒡᔭᖓᓂᓯᐅᕐᓗᓐᓂ ᐱᐅᓱ ᕿᑭᖅᑕᖏᑕ. ᐊᑎᖃᖅᑎᑕᐅᓚᐅᖅᐳᖅ ᑕᐃᑉᓱᒪᓂᓴᖅ ᐃᓅᓚᐅᖅᑐᒻᒥᒃ ᓴᓐᑎ ᑭᓗᐊᕐᒥᒃ ᐊᖑᓇᓱᒃᑎᖑᓚᐅᕐᒪᑦ ᓄᓇᓕᖕᒥᓄᑦ ᓂᕿᓐᓂᒃ ᑲᑎᖅᓱᐃᔨᐅᑉᓗᓐᓂ. ᐱᒋᐊᓚᐅᖅᑐᖅ 1974 ᓄᓇᓕᖑᓚᐅᕐᓗᓐᓂ ᓄᓇᑐᖃᕐᒥ ᓄᑕᐅᖏᑐᒻᒥ ᐊᑐᒐᐅᕙᓚᐅᖅᓯᒪᔪᓐᓂ ᓯᕗᓪᓕᕕᓂᖏᓐᓄᑦ. ᑐᐊᓯᒃᑯᑦ ᒪᓐᓇ ᐃᓕᖁᓯᖏᑦ ᑕᑯᒃᓴᐅᕗᑦ ᐅᑭᐅᓐᓂ ᑕᐅᓯᖏᓐᓂ ᑐᓕᒃᑯᑦ ᐃᓄᐃᑦ ᐃᓕᖁᓯᖃᓚᐅᕐᒪᑕ ᓄᓇᒥ ᐅᑉᓗᒥᓗ ᐃᓅᓂᕋᒐᐅᓕᖅᖢᑎᒃ. ᑕᑯᔭᖅᑐᐃᕙᓚᐅᖅᑐᑦ ᓯᓚᑖᓐᓂᑦ 1840 ᐊᑐᖅᑎᓪᓗᒋᑦ ᐱᓕᕆᔨᖓᑦ ᓂᐅᕕᖅᑎᑦ ᕼᐊᑦᓴᓐ ᐸᐃᒃᑯᑦ ᑕᑯᔭᖅᑐᐃᑎᑦᓯᓚᐅᕐᒪᑦ ᐊᒥᓱᓐᓂᒃ ᑲᑎᒪᑉᓗᑎᒃ ᕿᑭᖅᑕᒻᒥᒃ.
ᕿᑭᖅᑕᑦ ᐊᕙᑖᓂᓯᐅᖅᑐᑦ ᓴᓂᑭᓗᐊᑉ ᐊᒥᓱᓐᓄᑦ ᑎᖕᒥᐊᕈᓯᕐᓄᑦ ᐃᓂᒋᔭᐅᓱᕐᒪᑕ, ᓯᒡᔭᖏᓪᓗ ᓇᑦᑎᕐᓄᑦ, ᐊᐃᕕᕐᓄᑦ ᐊᒻᒪ ᕿᓇᓗᒐᕐᓄᑦ ᐃᓂᒋᔭᐅᓱᖅᐳᑦ. ᐊᖑᓇᓱᖕᓂᖅ ᐊᒪ ᐃᖃᓪᓕᓗᖕᓂᖅ ᐊᑐᒐᐅᒐᔪᖕᒪᓂᒃ ᐅᑭᐅᓐᓂᒃ ᑕᐅᓴᓐᓂᒃ ᓄᓇᒻᒥ.
ᑲᐋᒻᒥᐊᒃᑯᑦ ᐃ?ᒧᖅᑐᐃᕙᒃᐳᑦ ᓄᓇᓕᖕᓂ ᓇᖕᒥᓂᖃᖅᑐᓐᓂᒃ ᖁᕕᐊᓱᒡᕕᖕᒥ ᓂᕆᑎᑦᓯᕙᒃᖢᑎᒃ ᓄᓇᓕᖕᒥ ᑐᓂᐅᖃᐃᑉᓗᑎᒃ ᓂᕆᔭᒃᓴᐅᓂᐊᖅᑐᓐᓂᒃ ᓴᓂᑭᓗᐊᕐᓂᐅᓐᓄᑦ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᐱᐅᓴᓪ ᓄᓇᑐᖁᕕᓂᖓ − ᑕᑯᕋᓂᑎᐊᖅᑐᖅ, ᑐᐱᕐᕕᐅᔫᓪᓗᐊᕐᓗᓐᓂ ᐊᐅᔭᒃᑯᑦ, ᐅᑭᐅᒻᒥᓗ ᐃᒡᓗᖃᕐᕕᐅᔫᓪᓗᐊᕐᓗᓐᓂ ᓯᑐᖃᕐᕕᐅᑉᓗᓂᓗ ᐅᑭᐅᒻᒥ. ᐃᖃᓪᓕᓗᒡᕖᑦ ᐊᒥᓲᑉᓗᑎᒃ ᑕᓯᖏᓪᓗ ᑲᑭᐊᒃᖢᑎᒃ ᐊᒻᒪ ᐊᒥᓱᓐᓂᒃ ᑰᖃᖅᖢᓐᓂ.
ᒥᑎᖅ ᑯᐊᑉ − ᐊᒥᓱᓐᓂᒃ ᐊᔪᖏᑎᐊᖅᑐᖅᑕᓕᒃ ᓴᓇᖑᐊᖅᑎᓐᓂᒃ ᓄᑕᕋᖑᐊᓕᐅᖅᐸᒃᑐᑦ ᐊᒻᒪ ᐅᔭᕋᖕᓂᒃ ᓴᓇᖑᐊᖅᐸᒃᑐᑦ. ᑕᑉᑯᐊ ᓇᓴᖑᐊᒐᐃᑦ ᐊᑐᐃᓐᓇᐅᕗᑦ ᓄᓇᓕᐅᑉ ᑯᐊᑉᖓᓂᑦ.