Rankin Inlet, NU
ᓄᓇᖓ ᖃᖓᐅᓗᐊᖏᑐᖅ ᓄᓇᓕᖑᖅᑐᖅ ᑭᕙᓕᕐᒥ, ᐅᔭᕋᒃᑕᕆᐊᑦ ᐱᒋᐊᓚᐅᖅᓯᒪᖕᒪᑕ 1957 ᑎᑭᓪᓗᒍ 1962. ᐊᒥᓱᓐᓄᑦ ᐃᓄᖕᓄᑦ ᐅᕐᓂᒐᐅᓱᖅᐳᖅ ᐅᔭᕋᒃᑕᕆᐊᓐᓂ ᐱᓕᕆᓱᐊᖅᑐᓐᓂᒃ ᑭᓯᐊᓐᓂ ᐊᑭᓗᓗᐊᓕᕐᓂᖏᓐᓄᑦ ᐅᔭᕋᐃᑦ ᐅᑯᐊᕆᐊᖃᓚᐅᖅᐳᖅ ᐅᔭᕋᑦᑕᕆᐊᕐᕕᒃ. ᐊᖏᒡᓕᕙᓕᐊᓂᖓᓐᓄᑦ ᓄᓇᕗᒻᒥ ᑐᒡᓕᕆᔭᐅᓕᕐᓗᓐᓂ ᐊᖏᓛᖑᓕᖅᐳᖅ ᓄᓇᓕᐅᑉᓗᓐᓂ ᓇᖕᒥᓂᓕᖕᓄᓪᓗ ᐃᖏᕋᑎᑦᓯᔨᓄᓪᓗ ᓄᓇᒋᔭᐅᓕᕐᓗᓐᓂ.
ᐃᓄᐃᑦ ᐃᓕᖁᓯᖃᕐᕕᖓᑦ ᓄᓇᒧᐊᕋᔪᐃᔨᕙᓪᓕᐊᓚᐅᕐᒪᑕ ᓂᕐᔪᑎᖃᑎᐊᖏᓕᕐᓂᖓᓐᓄᑦ. ᐃᖃᓗᒑᕐᔫᑉ ᑰᖓ ᑭᓯᒻᒥ ᐊᑐᒐᐅᓪᓗᕆᓕᓚᐅᖅᐳᖅ ᒪᖃᐃᑉᕕᐅᑉᓗᓐᓂ. ᑑᓕᒃᑯᑦ ᐃᓄᖏᑦ ᐅᑉᓗᒻᒥ ᐃᓅᓕᖅᐳᑦ, ᐃᖃᓗᒃᑕᕈᒪᑉᓗᑎᒃ ᓄᓇᒧᓕᐊᓚᐅᕐᒪᑕ, ᓴᐳᑎᓕᐅᖅᐸᒃᖢᑎᒡᓗ ᐃᖃᓗᒃᓯᐅᓕᕋᖓᒻᒥᒃ ᐃᖃᓗᒃᐱᖕᓂᒃ ᑰᖕᒥᒃ ᓯᒥᒃᓯᓯᒪᑉᓗᑎᒃ.
ᑲᐋᒻᒥᐊᒃᑯᑦ ᐱᓕᕆᖃᑎᖃᖅᐳᑦ ᓇᖕᒥᓂᖃᖅᑐᑦ ᑲᑎᒪᔨᖏᓐᓂᒃ ᑭᕙᓪᓕᕐᒥ ᐱᕚᓪᓕᖅᑎᑦᓯᓂᓗᒃᓗᑎᒃ ᓄᓇᓕᖕᒥ ᓇᖕᓂᓕᖕᓂᒃ ᐊᒻᒪ ᐊᒥᓱᑲᓂᕐᓂᒃ ᐱᑕᖃᓕᖁᑉᓗᒍ ᓄᓇᖓᑦ ᓂᐅᕕᐊᒃᓴᓐᓂᒃ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᐅᖅᓱᕆᐊᒃ − ᑐᓐᓅᔭᐅᑉᓗᓐᓂ ᕿᑭᖅᑕᖓ ᑕᒻᓇ ᐅᑉᓂᒐᐅᔫᓪᓗᐊᖅᐳᖅ ᑭᓯᐊᓐᓂ ᖃᐅᔨᒪᔨᖃᕐᓗᓐᓂ. ᐊᕙᑎᒻᒥᒃ ᑕᑯᔭᖅᑐᐃᓂᖅ ᐃᓕᖁᓯᐅᕙᓚᐅᖅᑐᒻᒥᒃ ᑕᑯᓐᓇᖅᐳᖅ, ᓄᑕᐅᖏᑐᓐᓂᒃ ᐊᑐᒐᐅᓱᓚᐅᖅᑐᓐᓂᒃ ᐊᒻᒪ ᐱᐅᓂᖓᓐᓂᒃ ᓄᓇᐅᑉ.
ᑭᕙᓪᓕᕐᒥ ᐅᑉᓚᕐᕕᒃ − ᑕᑯᔭᖅᑐᐃᔪᑦ ᐃᓄᐃᑦ ᓴᓇᔭᖏᓐᓂᒃ ᐃᓕᖁᓯᖏᓂᒃᓗ ᑕᑯᔫᓪᓗᐊᕐᒪᑕ ᐊᖑᓇᓱᒃᑎᑦᓯᔨᓐᓄᑦ, ᖃᐅᔨᒪᔨᓐᓄᑦ ᐊᓯᖏᓄᓪᓗ ᑲᒍᑎᔫᓗᐊᕐᖢᑎᒃ.