Naujaat, NU
ᓇᐅᔮᑦ ᑐᑭᖃᖅᐳᖅ “ᓇᐅᔭᑦ ᒪᓐᓂᖃᕐᕕᖓᓐᓂᒃ” ᐃᓄᒃᑐᑦ ᐊᒻᒪ ᐊᑎᖃᖅᑎᑕᐅᓕᕐᓗᓐᓂ ᕿᐴᔅ ᐸᐃᒻᒥᒃ. ᓄᓇᓕᑐᐊᖅ ᐅᑭᐅᖅᑕᖅᑐᑉ ᕿᑎᐊᓂᓯᐅᖅᑐᖅ ᓄᐊᑦ ᐊᒥᐊᕆᑲᓗᒃᑖᒻᒥ. ᑑᓕᒃᑯᑦ ᐃᓄᖏᑦ ᓯᕗᓪᓕᕕᓂᖏᑦ ᐅᑉᓗᒥ ᐃᓅᓕᖅᑐᑦ ᓯᒡᔭᒥᐅᑕᐅᓚᐅᖅᓯᒪᓐᓂᖅᐳᑦ ᐊᖏᔪᓐᓂᒃ ᐅᒥᐊᕐᓂᒃ ᐊᑐᖅᐸᒃᖢᑎᒃ ᐊᒥᕐᓂᒃ ᓴᓇᓯᒪᔪᓐᓂᒃ ᐊᑎᖃᑎᑕᐅᑉᓗᑎᒃ ᐅᒥᐊᖅ ᕿᓇᓗᒐᖅᓯᐅᕆᐊᖅᐸᒃᖢᑎᒃ ᖃᓂᑦᑐᒻᒥ. ᑕᒻᓇ ᓯᕗᓪᓕᕐᒥᒃ ᓇᓂᔭᐅᓚᐅᖅᑐᖅ 1922 ᑕᓪᓕᒪᖓᓐᓂ ᑑᓕ ᓄᓇᒻᒥᒃ ᕿᓂᖅᑎᐅᔪᓐᓂᑦ ᑑᓕᒃᑯᑦ ᐃᓅᓯᕆᓚᐅᖅᑕᖏᓐᓂᒃ ᓯᕗᓪᓕᕐᒥᒃ ᑐᑭᓯᑎᑕᐅᓚᐅᖅᓯᒪᓐᓂᕐᒪᑕ ᐃᓄᖕᓂᒃ ᖃᐅᔨᓴᖅᑎᓐᓂᑦ.
ᕿᓇᓗᒐᕐᓂᒃ ᑕᐅᑐᕋᓐᓈᓱᖅᑐᑦ ᑕᑯᔪᓪᓗᐊᖅᑕᖅᐳᑦ ᑑᒑᓕᖕᓂᒃ, ᐅᒡᔪᖕᓂᒃ ᐊᒻᒪ ᐊᕐᕕᐊᓛᒻᒥᒃ ᓄᓇᓕᐅᑉ ᑕᕆᐅᖓᓐᓂ. ᒪᐃᒻᒥ ᐊᒻᒪ ᔪᓐᓂᒥ ᐊᒥᓱᑎᐊᒥᐊᓐᓂᒃ ᑕᑯᓐᓇᒻᐸᒃᐳᖅ ᑎᖕᒥᐊᕈᓯᕐᓂᒃ ᑎᑭᐸᓕᐊᔪᓐᓂᒃ, ᑖᖅᓯᐅᑎᓐᓂᒃ, ᑕᑎᒐᕐᓂᒃ, ᑳᔫᓐᓂᒃ ᐊᒻᒪ ᓇᐅᔭᓐᓂᒃ.
ᑲᐋᒻᒥᐊᒃᑯᑦ ᐃᑲᔪᖅᐸᒃᐳᑦ ᓄᓇᓕᖕᒥ ᓱᓕᕿᔪᓐᓂᒃ ᖁᕕᐊᓱᖕᓇᒥᓗ ᓂᕆᑎᑦᓯᑉᓗᑎᒃ ᐱᒋᐊᓚᐅᖅᓯᒪᑉᓗᓐᓂ 2003. ᖁᕕᐊᓲᑎᒃᓴᓐᓂᒃ ᑐᓂᐅᖃᐃᓚᐅᕐᒪᑕ ᑐᓴᕐᕕᒃ ᐃᓕᓐᓂᐊᕐᕕᖓᓐᓂ ᐊᒻᒪ ᑑᒑᓕᐅᑉ ᖁᑎᒃᑐᑦ ᐃᓕᓐᓂᐊᖃᕐᕕᖓᓐᓂ ᓇᐅᔮᓐᓂ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᐅᑯᓯᒃᓴᓕᒃ ᒥᕈᐃᖅᓯᕐᕕᖓ − ᓄᓇᒥᐊᒻᒥ ᒥᕈᐃᖅᓯᕐᕕᒃ ᐊᒪᕈᓕᒃ, ᑐᒃᑐᖃᕐᓗᓐᓂ. ᓇᓄᖃᕐᓗᓐᓂ ᐊᓯᖏᓐᓂᒃᓗ ᓂᕐᔪᑎᖃᖅᐳᖅ ᐊᒻᒪ ᐃᓄᐃᑦ ᓄᓇᕕᓂᖏᓐᓂᒃ ᐱᑕᖃᐅᑎᐊᖅᖢᓐᓂ ᐅᓂᑉᑳᖅᑐᐊᕐᓂ ᑕᑯᒃᓴᐅᓗᐊᕕᒃᑐᓐᓂᒃ. ᓯᓂᒃᑕᕆᐊᕐᕕᒃᓴᖅ, ᓄᓇᖓᓪᓗ ᑕᑯᕋᓐᓂᕐᓂᖓᓐᓄᑦ ᓂᕐᔪᑎᓐᓂᒃ ᑕᑯᔭᖅᑐᐃᕕᐅᔫᓪᓗᐊᖅᐳᖅ.
ᓇᐅᔮᑦ ᐃᖃᓗᒃᓯᐅᕕᑕᐅᓚᖑᕗᖅ ᐃᖃᓗᒃᐱᖕᓂᒃ, ᐊᖑᓇᓱᒡᕕᐅᑉᓗᓂᓗ ᐅᕙᓘᓃᑦ ᖃᔭᖅᑐᕐᕕᒃᓴᐅᑉᓗᓐᓂ.