Gillam, MB
ᒋᓚᒻ ᑲᑎᑉᕕᐅᓱᖅᑐᖅ ᒫᓂᑑᐸᒻᒥ ᖃᐅᒻᒪᖁᑕᐅᓯᕕᐅᑉᓗᓐᓂ, ᐊᒥᓱᓐᓂᒃ ᑕᓯᖅᑕᖃᕐᓄᓗᓐᓂ, ᑰᒃᑕᖃᐅᖅᖢᓂᓗ ᐊᒻᒪ ᐃᓱᖃᖏᖢᑎᒃ ᐃᖃᓪᓕᓗᒡᕖᑦ ᓵᓚᒃᓴᐅᓯᐊᕐᓇᖅᖢᑎᒃ. ᐊᒥᓱᓐᓂᒃ ᓱᓕᕿᑎᑦᓯᕙᒃᐳᑦ ᒋᓚᒻᒥ ᐅᑭᐅᑉ ᐃᓗᐊᓐᓂ, ᐅᑭᐅᒻᒥᓗ ᖁᕕᐊᓱᒃᑎᑦᓯᕙᒃᓗᑎᒃ ᐊᑕᐅᓯᑰᖃᑕᐅᑉᓗᓐᓂ ᕼᐊᑦᓴᓐ ᐸᐃᒻᒥ ᕿᒧᒃᓯᕐᔪᐊᕐᓂᕐᒥ ᓱᑲᓴᐅᔪᐊᖅᑎᑕᐅᑉᓗᑎᒃ.
ᐊᖑᓇᓱᒃᑎᑦ, ᐃᖃᓗᒃᓯᐅᖅᑎᑦ ᓯᓚᒥᓯᐅᕈᐊᓱᖅᑐᓪᓗ ᐊᒥᓱᓐᓂᒃ ᓱᓕᕆᐊᒃᓴᖃᖅᐸᒃᐳᑦ ᑕᐅᑐᕋᓐᓈᖅᐸᖕᒪᑕ ᐊᖅᓴᓕᔮᓐᓂ ᓇᐹᖅᑐᓕᖕᒥ ᓄᓇᓕᐅᑉ ᓯᓚᑎᓗᒃᑖᖓᓐᓂ. ᓯᑎᕙᓐ ᑕᓯᖓ ᐅᒥᐊᖑᓯᕕᖃᕐᒪᑦ ᓯᓂᒃᑕᕐᕕᖃᕐᓗᓂᓗ ᑐᐱᖅᓯᒪᑉᓗᓐᓂ ᐅᕙᓗᓂᑦ ᐊᒃᓴᓗᐊᓖᑦ ᓯᓂᒃᑕᕐᕕᖃᕐᓂᖅᐸᑦ ᓄᖃᖓᔪᖕᓇᖅᐳᖅ.
ᑲᐋᒻᒥᐊᒃᑯᑦ ᐳᓚᑎᓇᒻᒥᒃ ᐊᑭᓕᖅᑐᐃᓱᕐᒪᑕ ᕿᒧᒃᓯᕐᔪᐊᖅᑐᓐᓄᑦ, ᐱᖁᑎᖏᓐᓂᒃ ᐊᐅᓛᕈᑎᖏᓐᓂᒡᓗ ᐅᓯᑉᓗᑎᒃ. ᐃᓗᐊᓐᓂ 2020, ᑲᐋᒻᒥᐊᒃᑯᑦ ᐃᑲᔪᓚᐅᕐᒪᑕ ᐊᑕᒻ ᐱᒡᕼᐃᐅᒻᒥᒃ ᕕᓂᐱᒃ ᐊᖅᓴᖅᑎᖏᓐᓂᒃ ᐃᕐᒧᓯᖓᓐᓂᒃ ᑎᑭᑎᑦᓯᑉᓗᑎᒃ ᒋᓚᒻᒧᑦ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᒋᓚᒻ ᕿᑎᒡᕕᖓ − ᐊᖅᓴᕐᓂᒃ ᐱᖑᓯᕆᐊᖅᐸᒃᖢᑎᒃ, ᓯᐊᕆᔮᕐᕕᐅᑉᓗᓐᓂ, ᑰᓕᒡᕕᖃᖅᖢᓂᓗ, ᐱᖃᐃᓕᓴᕐᕕᖃᖅᑐᖅ ᐊᒻᒪ ᐅᖃᓕᒫᕐᕕᖃᖅᖢᓐᓂ.
ᕼᐊᑦᓴᓐ ᐸᐃ ᕿᒧᒃᓯᕐᔪᐊᕐᓂᖅ − ᕼᐊᑦᓴᓐ ᐸᐃ ᕿᒧᒃᓯᕐᔪᐊᕐᓂᖓ ᑰᒡᔪᐊᕐᒥᑦ ᒋᓚᓐᒧᑦ ᒪᐋᑦᖑᓕᕌᖓᑦ. ᐊᒃᓱᕈᕐᓇᖅᐳᖅ ᐱᐊᓂᖕᓂᓗᒃᓗᒍ ᓄᓇᐃᓐᓇᑯᑦ ᓇᐹᖅᑐᖃᕐᓗᓐᓂ ᑭᓯᐊᓐᓂ ᐱᐊᓂᒃᐸᑦ ᓂᕆᑎᑕᐅᓕᕐᓗᑎᒃ ᐃᓚᐅᓚᐅᖅᑐᑦ ᒋᓚᒻᒥ.