Flin Flon, MB
ᓯᕗᓪᓕᕐᒥᒃ ᐊᑎᖅᑖᖅᑎᑕᐅᓚᐅᖅᑐᖅ ᐱᒡᓗᐊᕕᐅᖏᑑᒐᓗᐊᒻᒥᒃ ᔮᓱᐊ ᕗᓕᓐᑕᐲᑎ ᕗᓕᓈᑎᓐ ᐅᓂᑉᑳᖅᑐᐊᒻᒥᑦ 1905−ᒥ The Sunless City ᑎᑎᕋᒐᐅᓐᓂᑯ ᔩ ᐄ ᐳᕆᔅᑕᓐᒧᑦ ᒧᐊᑖᒃᒧᑦ. ᐅᔭᕋᒃᑕᕆᐊᕐᕕᐅᓚᐅᖅᐳᖅ ᓯᕗᓪᓕᕐᒥᒃ ᑲᓄᓴᖕᓄᑦ ᐊᒻᒪ ᓴᕕᒃᓴᓐᓄᑦ ᔨᖕᓄᑦ. ᓄᓇᓕᒡᔪᐊᖅ ᐅᕙᒍᒋᔭᐅᕗᖅ ᒪᒃᑯᒃᑐᑦ ᕼᐋᑭᑎᖏᓐᓄᑦ ᑕᑉᑯᓇᖓᑦ ᐊᔪᖏᑐᕐᔪᐊᕐᓂᒃ ᓴᕿᑎᑦᓯᓯᒪᓕᖅᐳᖅ ᐹᐱ ᑲᓛᒃᑐᑦ
ᐅᑭᐅᑦ ᐅᒥᓲᓗᐊᖏᑐᑦ ᐱᕈᖅᓯᒪᓕᖅᐳᖅ ᑎᑎᕋᐅᔭᕐᕕᐅᑉᓗᓐᓂ ᐊᒻᒪ ᓴᓇᖑᐊᒐᕐᖃᕐᕕᐅᑉᓗᓐᓂ ᐃᓕᖁᓯᖏᓐᓂᒃ, ᐅᑭᐅᑕᒫᑦ ᓇᓪᓕᐅᓂᖅᓯᐅᖅᐸᒃᐳᑦ ᐃᔨᖁᓯᕐᒥᖕᓂᒃ. ᓄᓇᖓᑦ ᐱᐅᒻᒪᕆᒃᑐᖅ ᓂᕐᔪᑎᖃᑎᐊᕐᓗᓐᓂ ᐱᓱᓗᒡᕕᒃᓴᐅᑉᓗᓂᓗ ᓯᐊᕆᔮᕐᓗᓐᓂ ᐊᑉᖁᑎᖃᕐᓗᓐᓂ ᐅᑭᐅᑉ ᐃᓗᐊᓐᓂ
ᑲᐋᒻᒥᐊᒃᑯᑦ ᐅᑭᐅᓐᓂᒃ ᐊᒥᓱᓐᓂᒃ ᐃᑲᔪᖅᑕᓕᕐᒪᑕ ᕼᐋᑭᒃᑎᓐᓂᒃ ᕗᓕᓐ ᕗᓛᓐᒥ ᐱᓗᐊᖅᑐᒻᒥᒃ ᒪᒃᑯᒃᑐᑦ ᕼᐋᑭᖅᑎᖏᓐᓂᒃ. ᐊᑭᓖᕙᒃᓗᑎᒃᑕᐅᖅ ᐃᔅᓘᕋᖅᓯᐅᕐᔪᐊᕐᓂᖏᓐᓂ ᓄᓇᓕᐅᑉ ᐃᓗᐊᓐᓂ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᐸᐃᑯᔅ ᓂᐊᕈᔅ ᒥᕈᐃᖅᓯᕐᕕᒃ − ᐊᒥᓱᓐᓂᒃ ᓄᖃᖓᐅᔭᕐᕕᖕᓂᒃ ᓇᓂᓯᓐᓇᖅᐳᖅ ᐃᖃᓪᓕᓗᒡᕕᒃᓴᓂᒡᓗ − ᐃᖃᓗᒃᓯᐅᒎᒻᒪᔪᖕᒪᑕ ᖃᐅᔨᒋᐊᖅᓯᓇᕆᐊᓕᒃ − ᐱᖓᓱᓐᓂᒃ ᕿᑲᕐᕕᒃᑕᓕᒃ ᑕᓯᐅᑉ ᓯᓈᓐᓂ, ᐊᒻᒪ ᐅᒥᐊᕐᓄᑦ ᑐᓚᒡᕕᖃᖅᖢᓐᓂ. ᐱᓱᒐᔮᒡᓗᓐᓂ ᑕᑯᕋᓐᓂᖅᑑᕗᖅ ᓄᓇᓕᐅᑉ ᐊᕙᑎᖓᓐᓂᒃ ᑕᑯᔫᓪᓗᐊᕋᕕᑦ ᓇᐸᔪ’ᔪᐊᖓᓂᑦ.
ᕗᓕᓐ ᕗᓛᓐ ᑕᑯᕋᓐᓈᕐᕕᖓ − ᓄᓇᓕᐅᑉ ᐱᒋᐊᕐᓂᕕᓂᖓᓐᓂᒃ ᑐᑭᓯᑲᓂᖅᑑᓗᐊᖅᐳᑎᑦ ᐱᖁᑎᕕᓂᖏᓐᓂᒡᓗ ᑕᑯᔫᓪᓗᐊᕐᓗᑎᑦ ᑲᑎᖅᓱᒐᐅᓐᓂᑯᓐᓂᒃ ᐅᔭᕋᒃᑕᕆᐊᖃᖅᑎᓪᓗᒍ, ᐃᖏᕋᔪᑎᖏᓐᓂᒃ ᐊᓯᖏᓂᒃᓗ ᐊᑐᒐᐅᕙᓚᐅᖅᑐᓐᓂᒃ ᑕᐃᑉᓱᒪᓂᓴᖅ.
ᕗᓕᓐ ᕗᓛᓐ ᕼᐋᑭᒃᑎᖏᑦ − ᒪᒃᑯᑦᑐᑦ ᕼᐋᑭᒃᑎᑦ ᐊᒥᓱᓐᓂᒃ ᐱᖑᐊᖅᑎᖃᖅᓯᒪᖕᒪᑕ ᕼᐋᑭᒃᑎᓪᓗᐊᕕᖕᓂ ᐊᑎᖏᖏᓐᓂᒃ ᐊᑎᕙᒃᖢᑎᒃ ᓯᐊᕆᔮᖃᑕᐅᕙᒃᐳᑦ ᓴᔅᑳᓱᐊᓐ ᕼᒡᐊᑭᒃᑎᕐᔪᐊᖏᓐᓂ ᓯᑉᑕᒻᐸ ᒪᐋᑦᔅᒧᑦ ᑎᑭᓪᓗᒍ.