Coral Harbour, NU
ᓴᓪᓕᖅ ᐅᕙᓘᓃᑦ ‘ᑲᑎᒪᑉᓗᑎᒃ ᐊᒥᓱᑦ ᕿᑭᖅᑕᑦ’ ᐃᓄᒃᑐᑦ ᐊᔨᖏᖏᑐᓐᓂᒃ ᐅᔭᕋᕕᓂᖅᑕᓕᒃ ᑕᐃᑉᓱᒪᓐᓂ ᕿᑭᖅᑕᖅ ᐊᓯᐊᓐᓂᒃ ᓯᓚᖃᓚᐅᖅᓯᒪᓐᓂᕐᒪᑦ ᐆᓇᖅᑐᒻᒥᒃ. ᖃᓂᒋᔭᖓᓐᓂ ᕿᑭᖅᑕᑦ ᑕᑯᑉᕕᐅᓱᖅᐳᑦ ᓇᓐᓄᓂᒃ ᐊᒻᒪ ᐊᐃᕕᕐᓂᒃ ᐊᕙᑎᖃᕐᕕᖕᒥᓐᓂᓯᐅᖅᑐᓐᓂᒃ.
ᐃᓄᒋᓚᐅᖅᓯᒪᔭᖏᑦ ᑐᐊᓯᑦᑯᑦ ᓄᓇᖃᓕᓚᐅᖅᓯᒪᕗᑦ ᓴᓪᓕᐅᑉ ᕿᑭᖅᑕᖏᓐᓂ ᕼᐊᑦᓴᓐ ᐸᐃ ᑕᓯᐅᔭᕐᔪᐊᖓᓐᓂ. ᖁᕕᐊᓇᖏᑲᓗᐊᕐᓗᓐᓂ ᐊᓐᓂᐊᕐᓂᖅ ᑎᑭᓚᐅᕐᒪᑦ ᐊᕐᕕᖅᓯᐅᖅᑎᓐᓂᑦ ᓄᖑᐊᓐᓂ 1800 ᐃᓄᖃᓗᐊᖏᓕᕐᓗᓐᓂᓗ ᐃᓂᒋᓚᐅᖅᑕᖓᑦ ᓇᐃᑎ ᐳᐃᓐᑦ. ᐊᑐᖅᑎᓪᓗᒍ 1925, ᓂᐅᕕᖅᑎᑦ ᕼᐊᑦᓴᓐ ᐸᐃᒃᑯᑦ ᓂᐅᕕᕐᕕᒃᑖᓕᓚᐅᖅᐳᑦ ᓄᓇᓕᖕᒥ ᓴᓪᓕᐅᓕᖅᑐᒻᒥ. ᐃᓄᐃᑦ ᕿᑭᖅᑖᓗᖕᒥᖔᖅᑐᑦ, ᓄᓇᕕᖕᒥᑦ ᑭᕙᓪᓕᕐᒥᓪᓗ ᐃᖃᓇᐃᔭᕆᐊᓚᐅᖅᐳᑦ ᓂᐅᕕᖅᑎᓐᓄᑦ, ᐅᑉᓗᒥᐅᓕᖅᑐᖅ ᐊᔨᖐᖏᑐᓐᓂᒃ ᐃᓕᖁᓯᖃᓕᕐᐳᑦ ᓄᓇᓕᖕᒥ.
ᑲᐋᒻᒥᐊᒃᑯᑦ ᑎᑭᑎᑦᓯᕙᒃᐳᑦ ᐊᒥᓱᓐᓂᒃ ᖃᓄᐃᓕᐅᕈᑎᓐᓂᒃ ᓄᓇᓕᖕᒧᑦ ᐊᑭᓖᓯᒪᑉᓗᑎᒡᓗ ᑕᐃᕝ ᐹᐱᑦᔅ ᕼᐋᑭᓂᕐᒥᒃ ᐃᓕᓐᓂᐊᖅᑎᑦᓯᔨᖏᓐᓂᒃ ᓄᑖᓐᓂᒃ ᐊᓐᓄᕌᓐᓂᒃ ᑐᓂᓯᑉᓗᑎᒃ ᓄᑕᖃᓄᑦ ᕼᐋᑭᑎᕐᔪᐊᕐᒥᑦ ᓯᐊᕆᔮᖃᑎᖃᕈᖕᓇᕐᓗᑎᒃ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᓇᐃᑎᕝ ᓄᕗᐊ − ᖃᔭᕆᐊᒃᑯᑦ, ᓯᑭᑑᒃᑯᑦ ᕿᒧᒃᓯᑯᓪᓘᓃᑦ ᑕᑯᔭᖅᑐᒐᐅᓱᖅᐳᑦ ᓴᓪᓕᕐᒥᐅᑦ ᐱᖁᑎᕕᓂᖏᑦ ᓄᓇᐅᖏᑐᑦ ᐅᑭᐅᖅᑕᖅᑐᒻᒥ ᑕᐃᔭᐅᕙᒃᓗᑎᒃ ᐊᓯᐊᓐᓂᑯ ᓄᓇᓕᒡᔪᐊᖅ ᐅᑭᐅᖅᑕᖅᑐᒻᒥ.
ᕗᐊᓱᓪ ᑰᖓᑕ ᐊᑉᖁᑎᖓ − ᑕᒻᓇ ᓄᓇ ᕿᒻᒪᑯᑕᓕᒃ ᐊᒥᓱᓐᓂᒃ ᐃᓅᓚᐅᖅᓯᒪᔪᓐᓂᒃ ᐅᑭᐅᑦ 450 ᒥᓕᔭᓐᖑᓕᖅᑐᑦ ᐊᔨᖐᖏᑐᓐᓂᒃ ᐱᕕᓂᖅᑕᖃᕐᓗᓐᓂ ᑕᑯᔭᐅᓚᐅᖅᓯᖏᑐᓐᓂᒃ ᓄᓇᕘᓗᒃᑖᒻᒥ. ᐃᓕᓐᓂᐊᕈᖕᓇᖅᐳᑎᑦ ᐅᔭᕋᖕᓂᒃ ᓄᑕᐅᖏᑐᓐᓂᒃ ᕿᓂᕐᓗᑎᓪᓗ ᐅᔭᕋᕕᓂᕐᓂᒃ ᓄᓇᓕᖕᒥᓯᐅᖅᑎᓪᓗᑎᑦ.