Churchill, MB
ᐅᑭᐅᖅᑕᖅᑐᑉ ᓯᓈᓂᓯᐅᕐᓗᓐᓂ, ᑰᒡᔪᐊᖅ ᐃᓂᒋᔭᐅᕗᖅ ᓇᓐᓄᓄᑦ ᐊᒥᓲᔪᖅᑕᓐᓄᑦ ᓯᓚᕐᔪᐊᓗᒃᑖᒻᒥ. ᐃᓚᖏᑦ ᓄᓇᓕᐅᑉ ᐃᓗᐊᒍᑦ ᐱᓱᓗᕋᖅᑐᑦ ᐃᓚᖏᓪᓗ ᑎᒍᔭᐅᓯᒪᑉᓗᑎᒃ, ᐃᒡᓗᕐᔪᐃᑦ ᓴᓂᕋᖏᓐᓂ ᑎᑎᕋᐅᔭᖅᓯᒪᑉᓗᑎᒃ, ᓇᓐᓄᑦ ᓇᓂᓗᒃᑖᖅ ᑕᑯᒃᓴᐅᕗᑦ. ᑰᒡᔪᐊᖅ ᐊᒥᓱᓐᓂᒃ ᓄᓴᐅᖏᑐᓐᓂᒃ ᐱᑕᖃᕐᒪᑦ ᑑᓕᒃᑯᑦ ᐊᒻᒪ ᑎᓂᒃᑯᑦ ᐃᓄᖏᑦ ᑎᑭᓚᐅᖅᓯᒪᖕᒪᑕ ᐅᑭᐅᑦ ᐊᒥᓲᓕᖅᑐᑦ, ᓄᓇᑰᕈᑎᕐᔪᐊᖅ ᐊᑉᖁᑎᖃᕐᓗᓐᓂ ᑲᓇᑕᓗᒃᑖᒻᒧᑦ ᑎᑭᓐᓇᖅᑐᒻᒥᒃ.
ᐊᒥᓱᓪᓗ ᓯᓚᕐᔫᑉ ᐊᓯᐊᓐᓂᑦ ᑰᒡᔪᐊᕐᒧᑦ ᑕᑯᔭᖅᑐᐃᓱᕐᒪᑕ ᑕᑯᔪᒥᓇᖅᑐᓐᓂᒃ ᐱᑕᖃᕐᓂᖓᓐᓄᑦ. ᐱᔫᒥᓱᖕᓃᑦ ᐃᒃᐱᒋᔫᓗᐊᖅᐸ ᕿᒧᒃᓯᕐᒥ ᐃᑭᐅᑎᓪᓗᑎᑦ ᓄᓇᐃᓐᓇᑯᑦ ᕿᒧᒃᓯᖅᑐᖃᖅᑎᓪᓗᒍ . ᑕᑯᔭᖅᑐᐃᓯᒪᔪᑦ ᑯᒡᔪᐊᕐᒧᑦ ᑕᑯᔫᓪᓗᐊᖅᐳᑦ ᓇᓐᓄᓂᒃ ᖃᓂᑦᑐᒻᒧᑦ, ᖃᔭᖅᑐᕐᓗᑎᒃ ᕿᓇᓗᒐᐃᑦ ᐊᑯᓐᓂᖓᑎᒍᑦ, ᕿᕈᑉᒥᒡᓗᑎᒡᓗ ᐊᖅᓴᓕᔮᓐᓂᒃ ᑕᑯᕋᓐᓂᑎᐊᖅᑎᓪᓗᒋᑦ.
ᑲᐋᒻᒥᐊᒃᑯᑦ ᐱᓕᕆᖃᑎᖃᖅᐸᒃᐳᑦ ᐊᐅᓚᑦᓯᔨᐅᔪᓐᓂᒃ ᑯᒡᔪᐊᕐᒥ ᓴᐅᑐᒋᐊᖅᑐᖅᑎᑦᓯᓱᖅᑐᓐᓂᒃ ᑕᑯᔭᖅᑐᐃᔪᓐᓂᒃ ᑎᑭᑐᓪᓗ ᐳᐃᒍᕈᖕᓇᖏᑐᓐᓂᒃ ᓇᒃᓴᖅᐸᒃᓗᑎᒃ ᐃᓄᐃᑦ ᐅᑭᐅᖅᑕᖅᑐᖓᓐᓂᒃ ᓯᕗᓪᓕᕐᒥᒃ ᑕᑯᔭᖅᑐᐃᓂᖏᓐᓂ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᓇᓐᓄᐃᑦ – ᐊᒥᓲᓂᖅᓴᐅᓕᕌᖓᑕ ᑕᑯᔭᖅᑐᒐᐅᓱᖅᐳᑦ ᓇᓐᓄᐃᑦ ᓄᓇᖓᓐᓂᓯᐅᖅᑎᓪᓗᒋᑦ ᑕᓯᐅᔭᕐᔪᐊᕐᒥ ᓯᒡᔭᖓᓐᓂᓗ.
ᕿᓇᓗᒐᐃᑦ – ᑕᓯᐅᔭᕐᔪᐊᑉ ᑭᕙᑖᓐᓂ ᐅᖓᑖᓂᓯᐅᖅᑐᑦ 50,000 ᕿᓇᓗᒐᐃᑦ ᑎᑭᑉᐸᒃᑐᑦ ᑰᒡᔪᐊᑉ ᑰᖓᓐᓂᑦ ᓂᕿᒃᓴᖅᓯᐅᓗᒃᓗᑎᒃ ᐊᒻᒪ ᐱᐊᓛᓂᒋᐊᖅᑐᕐᓗᑎᒃ. ᑕᑯᔭᖅᑐᐃᑎᑦᓯᔨᑕᖃᕐᓗᓐᓂ ᐊᒪ ᖃᔭᖅᑐᕐᓇᕐᓗᓐᓂ ᑕᑉᑯᓂᖓ ᐃᒪᕐᒥᐅᑕᓐᓂᒃ ᑕᑯᕋᓐᓈᕈᐊᖅᑐᓐᓂ.
ᐊᖅᓴᓕᔮᑦ − ᑯᒡᔪᐊᖅ ᑕᑯᔪᒥᓇᖅᑐᓐᓂᒃ ᓈᒻᒪᑎᐊᖅᑐᓐᓂᒃ ᐊᖅᓴᓕᔮᖃᖅᐸᒃᐳᖅ ᓂᑉᑕᑎᐊᖅᐸᒃᓗᑎᒡᓗ ᐱᓗᐊᖅᑐᒻᒥᒃ ᕕᑉᕈᐊᕆᒻᒥ ᐊᒻᒪ ᒪᐋᑦᓯᒻᒥ.