Arviat, NU
ᐊᕐᕕᐊᑦ ᑐᑭᖃᖅᐳᖅ “ᑕᐅᑦᑐᖓ ᐊᕐᕕᐅᑉ ᓂᐊᖁᖓᑕ” ᐃᓄᒃᑎᑐᑦ. ᓄᓇᖓᑦ ᐱᑕᖃᑎᐊᖅᐳᖅ ᐊᔨᖐᖏᑐᓐᓂᒃ ᓂᕐᔪᑎᓐᓂᒃ. ᐅᖓᓯᓗᐊᖏᑐᖅ ᐊᕐᕕᐊᒻᒧᑦ ᑎᖕᒥᐊᕈᓯᖃᕐᕕᒃ ᐅᕙᒍᒋᔭᐅᑉᓗᓐᓂ 400,000 ᑲᖑᓐᓄᑦ ᐊᐅᔭᑕᒫᑦ ᑎᑭᑉᐸᒃᑐᓐᓄᑦ. ᑰᒃ ᑕᑯᓐᓇᖅᑕᔪᕗᖅ ᑐᒃᑐᓐᓂᒃ, ᐊᒪᖁᓐᓂᒃ ᐊᒻᒪ ᑎᕆᖓᓂᐊᓐᓂᒃ. ᓄᓇᓕᐅᑉ ᓴᓂᐊᓐᓂ ᑕᓰᑦ ᐃᖃᓗᒃᐱᖃᑎᐊᖅᐳᑦ.
ᐊᕐᕕᐊᑦ ᖃᐅᔨᒪᔭᐅᑎᐊᖅᐳᖅ ᐊᔪᖏᑎᐊᖅᑐᓐᓂᒃ ᓴᓇᖑᐊᖅᑎᖃᕐᓂᖓᓐᓄᑦ ᒥᖅᓱᖅᑎᖃᕐᓂᖓᓄᓪᓗ. ᓴᓇᖑᐊᖅᑎᑦ ᓯᑎᔪᓐᓂᒃ ᐅᔭᕋᖕᓂᒃ ᐊᑐᕋᓗᐊᖅᖢᑎᒃ ᐱᐅᑎᐊᒥᐊᖅᑐᓐᓂᒃ ᐊᕐᕕᐊᑉ ᓴᓇᖑᐊᖅᑎᖏᑦ ᓴᓇᓱᖅᐳᑦ. ᑎᑕᒃᑎᓪᓗ ᐊᒥᓲᑉᓗᑎᒃ ᐃᓕᖁᓯᕆᔭᐅᑉᓗᓂᓗ ᓄᓇᓕᖕᒧᑦ ᑎᑕᖕᓂᖅ, ᐅᑭᐅᑕᒫᑦ ᐃᒻᖏᕐᔪᐊᖅᑐᖃᖅᐸᒃᖢᓂᓗ ᓄᓇᓕᖕᒥ.
ᑲᐋᒻᒥᐊᒃᑯᑦ ᐃᑲᔪᖅᑐᐃᓂᖏᓐᓄᑦ ᕼᐋᑭᕕᒡᔪᐊᖅᑐᓐᓂᒃ ᓄᓇᓖᑦ ᐊᓯᖏᓐᓂᑦ ᑎᑭᑎᑦᓯᕙᒃᐳᑦ ᐊᑕᐅᓯᖑᖅᖢᑎᒃ ᐃᓄᐃᑦ ᓄᓇᖏᓐᓂᑦ. ᑲᐋᒻᒥᐊᒃᑯᑦ ᓄᓇᕘᒥᑦ ᓄᓇᕕᖕᒥᓪᓗ ᑎᑭᑎᑦᓯᓱᕐᒪᑕ ᕼᐋᑭᒋᐊᖅᑐᖅᑐᓐᓂᒃ.
ᑕᑯᔪᒥᓇᖅᑐᑦ ᖁᓪᓕᐅᔪᑦ:
ᔮᓐ ᓕᓐᑎᐅᓪ ᐃᖃᐅᒪᑉᓗᒍ ᕼᐋᑭᕕᒡᔪᐊᕐᓂᖅ − ᐅᑭᐅᑕᒫᑦ ᐊᖑᑎᑦ ᒪᒃᑯᒃᑐᖏᑦ ᕼᐋᑭᕕᒡᔪᐊᖅᑎᑕᐅᓱᖅᑐᑦ ᑭᕙᓪᓕᕐᒥᑦ ᔮᓄᐊᕆᐅᓕᕌᖓᑦ.
ᐃᓄᒻᒪᕇᑦ ᐃᒻᖏᕐᔪᐊᕐᓂᖓᑦ − ᐅᑭᐅᑕᒫᑦ ᐅᑉᓗᓐᓂ ᖁᓕᓂᒃ ᐊᒃᑑᐸᒻᒥ ᐃᒻᖏᕐᔪᐊᖅᐸᒃᐳᑦ ᓄᑖᓐᓂᒃ ᐊᔪᖏᑎᐊᖅᑐᓐᓂᒃ ᐃᖏᖅᑐᖃᖅᐸᒃᓗᓐᓂ.
ᑰᒑᕐᔫᑉ ᑎᖕᒥᐊᕈᓯᖃᕐᕕᖓ − ᓄᓇᖓ ᐃᒪᕐᓗᖅᓴᖃᕐᒪᑦ ᐅᕙᒍᒋᔭᐅᑉᓗᓐᓂ 250,000 ᑎᑭᐸᒃᑐᓐᓄᑦ ᑎᖕᒥᐊᕈᓯᕐᓄᑦ, ᒪᓐᓂᓕᐅᕆᐊᖅᑐᖅᐸᒃᓗᑎᒃ ᑎᖕᒥᐊᑦ ᑲᖑᐃᓪᓗ.